Baɛpɛsɔ 1:3 - Nouveau Testament en Ngombe 1961

³ Yɛni bosakoe Njambe Sange eKumu osu Yesu Masiya, yona ojongoa so a tei eMasiya na majongoa masusu mamwembo na ma-Diko.

Baɛpɛsɔ 1:3 ပူးပေါင်းရင်းမြစ်များ

Luka 2:28

bo bakɔe ai yo mua mobekeaka Mibeko, yo amosɔ a mɔmɔ mande, asakoa Njambe bo,

Yoane 14:20

Odini bojeba a busa bomina bo mbi nadi a tei eSango, ino a tei embi, na mbi a tei enu.

Yoane 17:21

bo ibo basusu badae oko omɔci, bo badae omɔci a tei esu, o adi wɛ Sesa a tei embi, na mbi a tei ewɛ, bo ngondo ejime bo wɛ oloma mbi.

Yoane 20:17

Yesu abala na nde bo, Yɛ bobandani na ebɔ, mojɔ bo naweakini ai Sango. Wɛ ko, kɛ ai baninga bambi; bala na bu bo mbi nakawee ai Sangwa’mbi na ai Sangwa’nu, ai Njambe ombi na ai Njambe onu.

Baloma 12:5

Iso bodi koko boa. Nongo adi so banɛnɛ, bodi mokuku momɔci a tei eMasiya, na bokatani so basusu, moto na moto.

Baloma 15:6

bo okataneni na molema momɔci, na monɔkɔ momɔci, a bokumeja Njambe Sange ’Kumu osu Yesu Masiya.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

1 Bakolinto 12:12

Mokuku modi eka emɔci, binama ko bidi binɛnɛ. Na binama bisusu, nongo bikada binɛnɛ, bikɔkɔ oko mokuku momɔci. Modi oko boa na Masiya.

2 Bakolinto 1:3

Mbi nasakoaka Njambe Sange ’Kumu osu Yesu Masiya, Sango yona odi na monganji mosusu, na Njambe obogɔmbeja bosusu.

2 Bakolinto 11:31

Njambe, Sange ’Kumu Yesu yona odi na bojongoa oko na bosusu, ajebaka bo nitakosaka.

2 Bakolinto 5:17

Mojɔ bo, isa moto adi a tei eMasiya, adi moto moyene. Ngando jiyou jisia. Ngando jisusu jidi oko jiyene.

2 Bakolinto 5:21

Masiya aijeba nongo bobe; Njambe ko amokɔ bo adae bobe a mojɔ mosu, bo so bodae bodongo boNjambe a tei ende.

Bagalata 3:9

Oko boa, baya badi bato baejimeli bajongoamaka na Abalayama, moto oejimeli.

Baɛpɛsɔ 1:10

atitanejae ngando jisusu a tei eMasiya, ngando jiDiko, na ngando jinase, oko etango emasu emaka bwana.

Baɛpɛsɔ 1:17

Nangaka koko bo Njambe oKumu osu Yesu Masiya, Sango yona odi na ekumu esusu, apɛ no mwembo mobowɛi na bocingea, a bojebeana na nde soti,

Baɛpɛsɔ 1:20

a tei eMasiya yana amongɔjɔ a bogwa, na amo-bakea oho Diko a ebɔ ende ebami

Baɛpɛsɔ 3:10

Cina emina edi bo bakumu na bato basusu bakpaci oho Diko hacingee mojɔ mobowɛi bonɛnɛ boNjambe a mojɔ moDenga.

Baɛpɛsɔ 6:12

Mojɔ bo, bila enaka so editi na mini na makia; edi oko na makumu, na kpaci, na bakumu bangondo ye emodidi, na mandundu mamiembo Mibe a bisika bidiko.

Bafilipoi 2:11

na bo minɔkɔ nususu mijime bo Yesu Masiya adi Kumu, a mojɔ moekumu eNjambe Sango.

Baebele 8:5

Elomu ekɔkɔ bo edi embete na elimo eesika esɛnɔke oho Diko; mojɔ bo yana akana Mose bopika Etondo, Njambe amoleha bo, Toma nganjama bo okɔe leka losusu oko na elimo yena eboloi ai wɛ a mono.

Baebele 9:23

Isa leka lua lodaka oko bimbete bingando jiDiko losɛnoa a mojɔ momasiko mamina, ngando jiDiko mɛnɛ jibwana na masiko maya manɔi masiko mamina na bopele.

1 Pɛtɛlo 1:3

Ekumu ai Njambe Sange ’Kumu osu Yesu Masiya. Edi oko a mojɔ momonganji monde monɛnɛ bo so bobotama koko a boda na njingo ebomɔ, ema ebongɔ boYesu Masiya a bogwa,