Baɛpɛsɔ 1:19 - Nouveau Testament en Ngombe 1961

¹⁹ na ndangasa ende pɛ njɛngi ai so baya bajimaka; mwɛngi momina modi oko elomu ekɔ yo na bopipo bongulu ende

Baɛpɛsɔ 1:19 ပူးပေါင်းရင်းမြစ်များ

Yoane 3:6

Mini mibotaka oko mini, na Mwembo mobotaka oko mwembo.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

2 Bakolinto 4:7

Ngulu yena enɔi edi ngulu eNjambe, te ngulu esu; na edi a tei esu o likonja liyumu linɛnɛ a tei eteni ehbali.

2 Bakolinto 5:17

Mojɔ bo, isa moto adi a tei eMasiya, adi moto moyene. Ngando jiyou jisia. Ngando jisusu jidi oko jiyene.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 3:20

E dɛye, ekumu ai yo yona obwani bokɔ ngando jisusu jia jinɔi mijɔ misusu mingaka so, na milɛkɛ so bou mɛnɛ, cina engulu yena ekɔkɔ a tei esu,

Baɛpɛsɔ 3:7

Mbi nahɔmɔ bo nadae mokɔmɛli oMwako Mopele, cina eepeeli emonganji moNjambe mua mosɔ mbi ai yo na ndangasa engulu ende.

Baɛpɛsɔ 6:10

Mojɔ mosuka,—sapingejani a tei eKumu na bopipo bondangasa ende.

Bafilipoi 2:13

Mojɔ bo Njambe yo mɛnɛ akɔkɔ elomu ende a tei enu, bo opaleni na okɔeni bolulea bonde bopele.

Bafilipoi 3:21

Iyo adi bokindoja mokuku mosu monase, bo modae na elimo emokuku monde mɛnɛ moekumu, oko na ngulu yena edi ai yo a bogbokeja ngando jisusu.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

Bakɔlɔsai 2:12

na opuseamani na nde a batisimo, na ongɔni koko a bogwa oko na nde, a mojɔ moejimeli a ngulu eNjambe yona omongɔjɔ a bogwa.

1 Batɛsalɔnike 1:5

Mwako Mopele mosu moidoa ai no na kɔpi pɛ; modoa na ngulu, na Mwembo Mosɛnɔke, na ejimeli enɛnɛ. Ojebakani ekɔmɛli yena edaka na su a tei enu a mojɔ monu.

2 Batɛsalɔnike 1:11

A mojɔ momina, so bongaka bihole bisusu a mojɔ monu, bo Njambe abɔngejae no a mojɔ mobobea bonu; yɛ abɔngejae na ngulu ende mikano minu misusu mipele, na bilomu bisusu biejimeli enu,

Yakobo 1:18

Iyo abota so na ebaeli esoti, oko a mojɔ mobolulea bonde mɛnɛ, bo bodae o mbuma jiboso jibato bande.

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.