Bakɔlɔsai 4:12 - Nouveau Testament en Ngombe 1961

¹² Epapulo, moto onu bɛnɛ, alomeaka no njɛbɛ pongono. Iyo adi mokɔmɛli oMasiya, na angaka a mojɔ monu na bingi bihole bisusu, bo odaeni bato bapingake na bambilimake a bosuma bolulea boNjambe bosusu.

Bakɔlɔsai 4:12 ပူးပေါင်းရင်းမြစ်များ

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Luka 1:1

Bato banɛnɛ batomba bosɔnɔ mikanda a mojɔ mongando jia jikwa a tei esu,

Luka 22:44

Adaka yo na molɔbɔ mɛnɛ, angɔɔnɔ na bopipo, na midungu minde mitanga a kpɔtɔ o matanga mamakia.

Yoane 12:26

Isa moto akɔmɛkɛ mbi, yɛ asuse mbi. Mokɔmɛli ombi abwani boda oko a esika edi mbi. Sangwa’mbi âkumeja moto na moto yona okɔmɛkɛ mbi.

Baloma 15:14

Baninga, mbi najimaka na soti bo olumini na ngando jipele; odini na ejebeli engando jisusu, na obwanini bopana bilebo.

Baloma 15:30

Baninga, mbi nangɔɔnɔkɔ no a kombe eKumu osu Yesu Masiya, na epaeli eMwembo, bo okataneni na mbi a bokɔmeja mbi na ma’nga manu ai Njambe,

1 Bakolinto 14:20

Baninga, t’odaeni oko na bocingea bobɛngɛ. Dani na ekɔmɛli ebana bakɛkɛ a mojɔ mobobe; dani basuku ko a mojɔ mobocingea.

1 Bakolinto 2:6

Iso botɔndɔkɔ ngando jibowɛi oko ai bato bapingamake. Bowɛi bomina ko boditi bowɛi bongondo ye, isa bowɛi bobakumu bangondo ye, baya badi bodimoa.

2 Bakolinto 13:11

Mojɔ mosuka baninga,—asɔni njɛbɛ embi. Bɔngejani midi minu. Hokeani eleho embi. Dani na molema momɔci. Dani na bowi, na Njambe obowi lida na nu.

Bagalata 1:10

Edukaka mbi e dɛye nde? —gala epele a miso mabato, isa a miso maNjambe? Mbi napalaka bo nasepejae bato soti? Akɔki mbi pala bosepeja bato pɛ, ka naditi nongo mokɔmɛli oMasiya.

Bagalata 4:19

Bana bambi, mbi napekaka koko na bipeko bilibota a mojɔ monu, bo elimo eMasiya eboloe a tei enu.

Bakɔlɔsai 1:22

Iyo ko akwea bosiili, na akataneja no koko a njea ebogwa bomokuku monde, bo amejae no a boso bonde na bosɛnɔ, pɛpɛ nongo litɔnɔ, pɛpɛ nongo mojɔ,

Bakɔlɔsai 1:28

Iso botɔndɔkɔ mwako monde; bolehaka bato basusu, na bokojaka bato basusu na bowɛi bosusu, bo bokwejae a boso boNjambe moto na moto mobɔngɔke a tei eMasiya.

Bakɔlɔsai 1:29

Elomu ekɔkɔ mbi edi oko a mo jɔ momina; naekɔkɔ na molema mombi mosusu, oko na ngulu ende yena elindaka mbi na bopipo.

Bakɔlɔsai 1:7

Okoani mojɔ momina na Epapala, moninga osu oepaeli a elomu. Iyo adi mokɔmɛli osoti oMasiya a mojɔ monu,

Bakɔlɔsai 1:9

Iso bobanga bonga Njambe a mojɔ monu a busa boka so mojɔ momina, na botakinaka bonga. Bongaka bo olumeni na ejebeli ebolulea boNjambe, oko na bowɛi na bocingea bosusu boMwembo,

Bakɔlɔsai 4:9

Nalomi koko Onesimo, mwangwa’mbi osoti na oepaeli, yona odi moto onu bɛnɛ. Ibo badi bopa no mwako mosusu mosu jɔnɔ.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

Pilemona 1:23

Epapulo lisungu liMasiya Yesu yona odi na mbi ya, abɛjɛkɛ wɛ njɛbɛ.

Baebele 5:14

Dia lidi a mojɔ mobato bapingake, baya balandoi na ekɔmɛli ebokokeleja mijɔ, baya babwani bobɔteja bopele na bobe.

Baebele 5:7

Yesu, yana adaka yo ya nase, angaka, na angɔɔnɔkɔ na bopipo, na mbisoli pongono, ai yona obwana bomoheleja a bogwa. Na yo amoka cina elisuma linde ai Njambe.

Yakobo 1:1

Njɛbɛ embi Yakobo, mokɔmɛli oNjambe na oKumu Yesu Masiya, ai makota domi-na-mabae maya manangana.

Yakobo 1:4

Lingbangba ko libwani bokɔ elomu ebɔngɔke mɛnɛ bo odaeni bato babɔngɔke, pɛ botaka nongo mokina mojɔ.

Yakobo 5:16

A mojɔ momina, toma bolojani jibe jinu, moto ai mina’nde moto, na ingani Njambe, moto a mojɔ momina’nde moto, bo oheleni.

Mokanda Momibae Mosɔnɔ Pɛtɛlo - 2PE 1:1

Simona Pɛtɛlo, mobuli na obwɛnji oYesu Masiya, aibaya bakatani na su a ejimeli emɔci a tei ebodongo boNjambe na boMoheleja osu Yesu Masiya.

Yuda 1:24

Iyo adi na ngulu a bobanea no bo otakwani, na a bomeja no, pɛpɛ nongo litɔnɔ, a boso boekumu ende na sepi;