Bakɔlɔsai 3:9 - Nouveau Testament en Ngombe 1961

⁹ T’okoseanani oko, mojɔ bo ohwani moto moyou na bikɔmɛli binde,

Bakɔlɔsai 3:9 ပူးပေါင်းရင်းမြစ်များ

Yoane 8:44

Ino odini oko bana basangwa’nu Satana, na opalakani bokɔ ngando jipalaka sangwa’nu. Iyo adaka mowoi oko a bobanga mɛnɛ, na acingiti nongo na ngando jisoti, mojɔ bo Soti editi a tei ende. Yana abalaka yo na bokosea, abalaka oko kɔpi ende mɛnɛ, mojɔ bo adi mokosei, na sange ’bokosea.

Baloma 6:6

Bojebaka bo moto osu moyou abakeama na nde a mole-mo-bokea, bo mokuku mobobe mogwɛ, na a bocingoa so a libuli libobe.

Baɛpɛsɔ 4:22

Toma hwani moto moyou yona odaka na ekɔmɛli eyou, yona odi mopɔke mɛnɛ a mojɔ moposa jibokosea.

Baɛpɛsɔ 4:25

A mojɔ momina, toma lonani bokosea; balani moto na mina’nde moto oko mua modi soti, mojɔ bo bodi binama bia bicingani.

Bakɔlɔsai 3:8

E dɛye ko, toma dumbani ngando ji jisusu; kɛlɛ, kɛnjɔ, ekɔmɛli ebe, bolɔngɔ, bikenge bibosambolu a minɔkɔ minu.

1 Timoteo 1:10

bato babɔɔli, bami baya basabejaka na bami, bato baya ba’baka bato oko bo’ba, bakosei, batati babokosea, na ngando jisusu jitongo jia jita-bwanaka na bokoja bosoti

Boboloja 21:27

Pɛpɛ nongo eka epita ko edi bokwea ena, pɛpɛ nongo moto yona okɔkɔ ngando jibosambolu isa bokosea. Badi bokwea ena oko baya basɔnɔmɔ kombe a mokanda mobomɔ moMwana-Bata.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.