Bakɔlɔsai 3:5 - Nouveau Testament en Ngombe 1961

⁵ A mojɔ momina toma wejani ngando jingondo ye a tei enu, bɔɔli, mijɔ Mibosambolu, lisɔngi, posa jibe, mbengea. (Mojɔ momina modi bosakoa bobokosea.)

Bakɔlɔsai 3:5 ပူးပေါင်းရင်းမြစ်များ

Matayo 15:19

Bileli bibe bimanaka a molema, na bowa, na bɔɔli, na lisɔngi, na liba, na bokosea, na minango.

Baloma 1:26

A mojɔ momina Njambe abakinea a posa jibosambolu. Bali babu bakina elomu yena ebwana na mikuku mibu a mojɔ mongando jia jibɔngiti na mokuku.

Baloma 1:29

Baluma na bobe tungu jisusu, na bosɛtɔ, na mbengea, na libwano; likaka oko botɔ, na bowa, na miano, na epulu, na lisoki, na malɔngi.

Baloma 6:13

T’opejaeni oko binama binu a bokɔ bobe. Odini bato baya badaka bagwake, na ohelani koko. Oko boa, sapejani ai Njambe; hɛngɛni binama binu ai Njambe a bokɔ ngando jipele.

Baloma 6:6

Bojebaka bo moto osu moyou abakeama na nde a mole-mo-bokea, bo mokuku mobobe mogwɛ, na a bocingoa so a libuli libobe.

Baloma 7:23

endele ko, nanɛkɛ bo mobeko motongo modi a tei ebinama bimbi, mua monaka na bolɛ bomolema mombi, na mopeaka mbi njango a libuli limobeko mobobe bua bodi a tei ebinama bimbi.

Baloma 7:5

Adaka so cina jikpaci jimunu, Mibeko misisoja posa jisu jibe jia jidaka na ngulu a tei ebinama bisu; na mbuma jibota so jidaka a mojɔ mobogwa.

Baloma 8:13

Mojɔ bo okasusani njea emunu odini bogwa. Okawejani ko bikɔmɛli bimokuku na ngulu eMwembo, ôdani na bomɔ.

1 Bakolinto 5:1

Bato babalaka bo bɔɔli bodi a tei enu. Nongo bapakano bataje-baka bɔɔli bomina, bo moto adae na mwali osangwa’nde.

1 Bakolinto 6:11

Bakina banu badaka boa; osɛnoani ko, ohɛngɛmɛni ai Njambe, na odini na lilonga, a kombe eKumu Yesu Masiya na a Mwembo moNjambe osu.

1 Bakolinto 6:13

Dia didi a mojɔ mosɔpɔ, na sɔpɔ edi a mojɔ modia. Njambe ko adi bosieja sɔpɔ na dia pongono. Mokuku moditi a mojɔ molisɔngi. Modi oko a mojɔ moKumu, na Kumu adi Kumu omokuku.

1 Bakolinto 6:18

Toma gbeseani bɔɔli. Bobe botongo bokɔkɔ moto bocingiti na mokuku; moto ko yona ongɛkɛ bɔɔli akɔkɔ bobe a mokuku monde mɛnɛ.

2 Bakolinto 12:21

Nadi na mokakwano isa Njambe adi bokeja mbi sɔni a boso bonu a bodoa bombi; isa nadi boyea bio a mojɔ mobato banɛnɛ baya bakɔ bobe boso, na bajasakini dosa a mojɔ mobikɔmɛli bibu bibosɔtɔ, na bɔɔli, na bosambolu.

Bagalata 5:24

Ibaya badi bato baMasiya bakaaleja mokuku a mole-mobokea, na posa na masɔngi mamokuku pongono.

Baɛpɛsɔ 4:19

Baditi koko na sɔni; basa’pa a ngando jibosɔtɔ, na badi oko na posa ebokɔ mijɔ misusu Mibosambolu.

Bakɔlɔsai 2:11

Ino o’sɔni embete ebolena-ganda te nongo a mɔmɔ mabato a bodongeja mini mimokuku, oko ai Masiya na bolena bonde;

1 Batɛsalɔnike 4:3

Bolulea boNjambe bodi oko bo odaeni bahɛngɛmɛke ai yo, bo obɔtɔneni na edukeli,

1 Batɛsalɔnike 4:5

te nongo na posa na lisɔngi o akɔkɔ bapakano baya batajebaka Njambe.

1 Timoteo 6:10

Mojɔ bo posa elikonja edi cina ejibe jisusu. Bakina bato balaboi a njea eejimeli oko a mojɔ moposa emina, na basandeaka na ndɛ jiminɔngɔ minɛnɛ.

Baebele 12:16

Nganjamani bo okwa onu atada moto obɔɔli, pɛpɛ ejimeli, o adaka Esau yona osɔmbɔtɔnɔ lisango linde lisɔmi a mojɔ moteni emɔci edia.

Baebele 13:4

Bolongana bobwani boda mojɔ molisuma ai bato basusu, na esambe emomi na mwali ebwani boda na bosɛnɔ. Mojɔ bo Njambe adi bosambeja bato balisɔngi na bato babɔɔli.

Baebele 13:5

T’odaeni oko na posa elikonja. Dani na sepi a mojɔ moleka lopeli no, mojɔ bo Njambe abala bo, Mbi nitakwa wɛ, nitabulɛ wɛ nongo mweka.

Yakobo 4:1

Mane na miano a tei enu mahulaka jɔ? Mitahulaka a posa jinu jia jinaka a tei ebinama binu?

1 Pɛtɛlo 2:11

Baninga, mbi nangɔɔnɔkɔ no o midoa na bakɛndɛli, bo okieni posa jibe jimokuku jia jinaka bila na mwembo.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.