Bakɔlɔsai 3:3 - Nouveau Testament en Ngombe 1961

³ Mojɔ bo ino odini bagwake, na bomɔ bonu bobombami na Masiya a tei eNjambe.

Bakɔlɔsai 3:3 ပူးပေါင်းရင်းမြစ်များ

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

Yoane 14:19

Ngɔngɔ mweka, ngondo êtanɛ mbi koko. Ino ko ônɛni mbi, mojɔ bo mbi nadi mɔ, na ino odani mɔ pongono.

Yoane 3:16

Mojɔ bo Njambe apalaka ngondo na ngɛnjɔ yeye; apa Mwana’nde obotama omɔci pɛ, bo moto na moto yona omojimeaka asɛ bomɔ bua bodi na bosusu.

Yoane 4:14

Moto ko akamwaka madiba mamopaka mbi, ata’ka koko ekangola na ikina; cina bo madiba mâmopa mbi mada molo momadiba mabomɔ a tei ende, maya makɛlɛkɛ na bosusu.

Yoane 5:21

Sango angɔjɔkɔ bagwake, na abapaka bomɔ. Oko boa koko, Mwana apaka bomɔ ai baya bapalaka yo.

Yoane 5:24

Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.

Yoane 5:40

Ino ko otapalakani bodoa ai mbi bo osɛni bomɔ.

Baloma 5:10

Isa bogwa boMwana ’Njambe bodaka mokongo mobosiili bosu na Njambe, yana adaka so na Njambe soki; esingaiti bomɔ bonde! Adi so na bosiili bomina, bomɔ bonde bodi boheleja so.

Baloma 5:21

A mojɔ momina, o adaka bobe na bokumu bobogwa, monganji moNjambe modi boda na bokumu bobomɔ oko na bosusu, a mojɔ moYesu Masiya Kumu osu.

Baloma 6:11

Oko boa, toma jimani bo ino odini bagwake a bobe, na bo odini na bomɔ boNjambe a tei eMasiya Yesu.

Baloma 6:2

Pɛpɛ nongo mweka. Iso bogwi a bobe; oko boa bobwaniti boda koko a tei ebobe.

Baloma 8:2

Mojɔ bo mobeko moMwembo mosikoa mbi a mobeko mobobe na mobogwa.

1 Bakolinto 15:45

A mojɔ momina, mosɔnɔmɔ bo, Adama, moto oboso, adaka moto obomɔ. Adama osuka adi mwembo mua mopaka bomɔ.

1 Bakolinto 2:14

Moto ko, o abotama yo, t’asɔke ngando jiMwembo moNjambe; jidi oko yebe pɛ a miso mande. Abwaniti bojicingea, mojɔ bo adi bojicingea oko na Mwembo.

2 Bakolinto 5:14

Bosusaka njea engɛnjɔ eMasiya; mojɔ bo bojebaka na soti bo omɔci agwea bato basusu; oko boa bato basusu bagwa.

2 Bakolinto 5:7

Mojɔ bo, bodalaka oko na ejimeli, te na njɛnɛ emiso.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Baɛpɛsɔ 3:9

na bo nanejae bato basusu cina emojɔ mua modaka mobombamake oko a libangake mɛnɛ a tei eNjambe yona okɔ leka losusu.

Bafilipoi 4:7

Na bowi boNjambe bua bonɔi bocingea bomoto, bodi bobanea milema minu na miembo minu a tei eMasiya Yesu.

Bakɔlɔsai 1:5

a mojɔ monjingo yena ehɛngɛmɛ oho Diko a mojɔ monu. O’kani mojɔ monjingo emina boso oko na bikenge bisoti, bikenge biMwako Mopele.

Bakɔlɔsai 2:20

Isa ogwani na Masiya a mijɔ mingondo, odini na ekɔmɛli ebato bangondo mojɔ moye?

Bakɔlɔsai 2:3

Mijɔ misusu miyumu Mibowɛi na miejebeli midi a tei ende.

Bakɔlɔsai 3:4

Masiya adi bomɔ bosu; iyo akamana a bohu ino ômanani na nde Pongono a ekumu.

Baebele 7:25

A mojɔ momina, yo abwani boheleja na bosusu mɛnɛ, baya badoaka al Njambe na njea ende, mojɔ bo yo adi mɔ oko na bosusu bo adae mosili a mojɔ mosu.

1 Pɛtɛlo 3:4

Molilo monu mobwani boda a tei, mua mobombami a molema, oko mwembo mo yɛmbu mobowi; molilo momina motabeha, na modi na yumu enɛnɛ a miso maNjambe.

1 Pɛtɛlo 4:2

bo atasuma koko posa jimokuku a masu maya madikai, oko bolulea boNjambe.

1 Yoane 3:2

Baninga, so bodi bana baNjambe oko e dɛye. Bojebakini elimo esu engɔngɔ; endele ko, bojebaka bo yo akadoa a bohu, so bodabí na elimo ende, mojɔ bo bodi bomonɛ o adi yo.

Boboloja 2:17

Yona odi na matoi, yɛ ahokee mojɔ mobalaka Mwembo na Menga maMasiya. Mbi nâpa yona ogbokejaka manna mabombamake. Nâmopa koko litai lipu; kombe eyene edi bosɔnɔmɔ a litai limina, na pɛpɛ nongo moto oje-baka kombe emina, oko yona oesɔkɔ.