Bakɔlɔsai 3:16 - Nouveau Testament en Ngombe 1961

¹⁶ Kinani Ebaeli eMasiya edae a tei enu, na enɛnge a tei enu na bowɛi bosusu. Ikojanani na lehanani na njembo jiNjambe, njembo jibosakoa, njembo jiMwembo. Imbani njembo ai Njambe na sepi a milema minu.

Bakɔlɔsai 3:16 ပူးပေါင်းရင်းမြစ်များ

Matayo 26:30

Aseja bo yembo bo’mba, bakɛ a Mono moOlive.

Luka 2:51

Iyo ayana na bu a Nasaleta, na adaka na lisuma ai bo. Ngwa’nde ko abanea ngando ji jisusu a molema monde.

Yoane 15:7

Okayeyoani a tei embi, na bikenge bimbi bikayeyoa a tei enu, obwanini bonga mojɔ mopalaka no, na ôsɔni.

Baloma 10:17

Oko boa bato bamiti ka, batada na ejimeli, na badi boka oko na Mwako Mopele moMasiya.

Baloma 15:14

Baninga, mbi najimaka na soti bo olumini na ngando jipele; odini na ejebeli engando jisusu, na obwanini bopana bilebo.

1 Bakolinto 14:15

Oko boa nâkɔ bo? Nadi bonga na mwembo, na nadi bonga na bocingea pongono. Nadi bo’mba njembo na mwembo, na nadi bo’mba njembo na bocingea pongono.

1 Bakolinto 14:26

Cina emina edi bo, baninga? Edi oko bo, omakatitanani, isa okina onu adi na eyembo, na otongo adi na eleho, isa na bokoja, isa na kɔpi, isa na bocingea, kɔni ngando jisusu a bopingeja ejimeli enu.

Baɛpɛsɔ 1:17

Nangaka koko bo Njambe oKumu osu Yesu Masiya, Sango yona odi na ekumu esusu, apɛ no mwembo mobowɛi na bocingea, a bojebeana na nde soti,

Baɛpɛsɔ 5:17

T’odaeni oko na yebe; cingeani ko bolulea boNjambe.

Baɛpɛsɔ 5:19

Masolo manu mabwani boda na njembo jipele, njembo jibosakoa na njembo jiMwembo. Imbani na sakoani Kumu na milema minu misusu.

Baɛpɛsɔ 5:26

bo ahsɛnojae cina ebosɛnɔ bobososa bomadiba maEbaeli.

Bakɔlɔsai 1:28

Iso botɔndɔkɔ mwako monde; bolehaka bato basusu, na bokojaka bato basusu na bowɛi bosusu, bo bokwejae a boso boNjambe moto na moto mobɔngɔke a tei eMasiya.

Bakɔlɔsai 1:9

Iso bobanga bonga Njambe a mojɔ monu a busa boka so mojɔ momina, na botakinaka bonga. Bongaka bo olumeni na ejebeli ebolulea boNjambe, oko na bowɛi na bocingea bosusu boMwembo,

Bakɔlɔsai 4:6

Kinani epaeli ehenge ebaeli enu o ahengaka moto mia na mukwa, bo ojebeni bosɔnibeja ebaeli yena ebwani ai moto na moto.

1 Batɛsalɔnike 1:8

Mojɔ bo onanganejani Mwako Mopele moKumu, te a Makedoma na a Akaya pɛ; bato bajebaka mojɔ moejimeli enu a bisika bisusu, so bɛnɛ pɛ bobatɔndɔ.

1 Batɛsalɔnike 4:18

A mojɔ momina, toma gɔmbejanani milema na bikenge bimina.

2 Batɛsalɔnike 3:15

Pɛ ko bomonjani o soki enu; molehani o mwangwa’nu.

1 Timoteo 6:17

Leha bato baya badi na likonja a ngondo ye bo batasakumeja, na bo batada na ejimeli a makonja maya madi na mokakwano, oko ai Njambe yona opaka so leka na likabo linɛnɛ a bosepeja so.

2 Timoteo 3:15

Olandoa na Mokanda moNjambe oko a bwɛngɛ bowɛ, mua mobwani bopa wɛ bowɛi a mojɔ momohelo cina eejimeli ai Masiya Yesu.

Tito 3:6

mosopa yo na likabo linɛnɛ ai so a tei eYesu Masiya Moheleja osu,

Yakobo 1:5

Okina onu akataka bowɛi, yɛ ange Njambe, nongo asɛ; mojɔ bo yo adi na likabo linɛnɛ ai bato basusu, atajuma nongo mweka.

Yakobo 3:17

Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

Yakobo 5:13

Isa okina onu adi na monɔngɔ, adi bonga Njambe. Isa okina onu adi na sepi adi bo’mba njembo.

1 Yoane 2:14

Nasɔnei no basango, mojɔ bo ojebakani yona odaka oko a bobanga mɛnɛ. Nasɔnei no menga, mojɔ bo odini na ndangasa, na Ebaeli eNjambe eyeyoaka a tei enu, na ogbokejaini yona mobe.

1 Yoane 2:24

Ino ko, kinani mojɔ modae a tei enu mua moka no a bobanga. Mojɔ moka no a bobanga mokayeyoa a tei enu, odini boyeyoa no bɛnɛ a tei eMwana na a tei eSango.

1 Yoane 2:27

Bosopea ko bosɔ nb ai yo boyeyoaka na nu. Mojɔ mua motakaka na nu moditi bo okina otongo akojae no, mojɔ bo bosopea bonde bokojaka no a mojɔ mongando jisusu. Bosopea bomina bodi soti mɛnɛ, te nongo bokosea. A mojɔ momina, yeyoani a tei ende, o akoa no na bosopea bomina.

2 Yoane 1:2

cina eSoti yena edi a tei esu, na edi boda na su oko na bosusu.

Boboloja 14:3

Ba’mba yembo eyene a boso bongɛndɛ, na a boso bobasuku, na a boso bobato babomɔ banɛi. Pɛpɛ nongo okina otongo obwana bokoa yembo emina, oko bato bamina, bato koto mokama domi-inɛi-na-inɛi baya bama sikoama a ngondo.

Boboloja 15:3

Ibo ba’mbaka yembo eMose mokɔmɛli oNjambe, na yembo eMwana-Bata bo, Ee, Kumu Njambe obonɔ! Bilomu biwɛ bidi binɛnɛnɛ, bidi na bokamoa. Ee, Kumu omakota! Njea jiwɛ jidi jitangboake, njea jisoti.

Boboloja 19:10

Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;