Bakɔlɔsai 3:11 - Nouveau Testament en Ngombe 1961

¹¹ A eyoeli emina, bato baditi BaEla isa BaYuda, bato babolena-ganda isa pɛ bolena-ganda, isa bato babohali, isa BaSukutea, isa babuli, isa basɔmi; mojɔ mosusu modi Masiya a tei ebato basusu.

Bakɔlɔsai 3:11 ပူးပေါင်းရင်းမြစ်များ

Yoane 14:23

Yesu amosɔmbeja bo, Isa moto adi na mbi ngɛnjɔ, adi bosuma bikenge bimbi. Sangwa’mbi ada na moto omina ngɛnjɔ, na so bôdoa ai yo a boda a tei ende.

Yoane 15:5

Mbi nadi bomwe, ino odini bitape. Yona oyeyoaka a tei embi, na mbi a tei ende, abotaka mbuma jinɛnɛ. Mojɔ bo okabɔtɔnɔni na mbi, otahɔnɔkɔni bokɔ nongo eka.

Yoane 17:23

—mbi a tei ebu, na wɛ a tei embi,—oko boa bokatana bobu bodi bobɔngɔ, na ngondo êjeba bo wɛ oloma mbi, na bo obapalaka o apalaka wɛ mbi.

Bikɔmɛli 15:17

Bo bato batongo baya badi a ngondo baduke Kumu, Na bapakano basusu pongono, mojɔ bo kombe embi edi ai bo.

Bikɔmɛli 28:2

Bato bangando babonjea so na bopele mɛnɛ. Batokana mosa monɛnɛ, na basɔ so bopele, mojɔ bo mbua abanga bokwa, na pio edaka enɛnɛ.

Bikɔmɛli 28:4

Yana anɛ bato bangando njɔ acingi a ebɔ ePaulo, babalana a tei ebu bo, Moto yoyo adi mowoi soti. Aheli a madiba; Iyo ko yona osambejaka ajimiti bo ahele.

Baloma 1:14

Nadi na nongo ai BaEla na ai bapakano pongono, ai bato babowɛi na ai bato balibumi pongono.

Baloma 10:12

Mojɔ bo BaYuda na BaEla badi amɛci. Kumu omɔci adi Kumu obu basusu, na likabo linde iibwani na bato basusu baya bamongɔɔnɔkɔ.

Baloma 3:22

oko bodongo boNjambe ai bato basusu baya baji-maka, na cina eejimeli ai Yesu Masiya. Bato basusu badi amɛci,

Baloma 3:29

Njambe adi Njambe oBaYuda pɛ? Aditi Njambe obapakano pongono? Ee, adi Njambe obu pongono.

1 Bakolinto 12:13

Mojɔ bo bobatisama so basusu a Mwembo momɔci bo bodae mokuku momɔci, isa BaYuda, isa BaEla, isa babuli, isa basɔmi; na bomwaka so basusu na Mwembo momɔci.

1 Bakolinto 14:11

Moto ko akabala na ekina kɔpi, na mbi pɛ bo’ka kɔpi emina, mbi nadi boda MoDɔkɔ a miso mamoto yona obalaka, na yo adi boda MoDɔkɔ a miso mambi.

1 Bakolinto 7:19

Mojɔ bo, bolena boganda bodi eka engasa, na mwea modi koko eka engasa. Mojɔ mosoti modi oko lisuma a mibeko miNjambe.

Bagalata 2:20

Mbi nagwa na Masiya a mole-mo-bokea; endele ko nadi mɔ, te mbi mɛnɛ ko, oko Masiya yona odi mɔ a tei embi. Bomɔ bua bodi na mbi a mokuku e dɛye bodi bomɔ boejimeli, ejimeli ai Mwana oNjambe yona opala mbi na osapa a mojɔ mombi.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Baɛpɛsɔ 1:23

mojɔ bo Denga didi mokuku monde, na yo alumejaka mokuku momina o alumejaka yo leka losusu mɛnɛ.

Baɛpɛsɔ 2:14

Mojɔ bo yo adi mokongo mosu mobosiili. Iyo akataneja so baya badaka babae bo bodae oko omɔci pɛ, na abuka ngbungbu ebobɔteja a tei esu.

Baɛpɛsɔ 2:15

Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Baɛpɛsɔ 3:17

Nangɔɔnɔkɔ bo Masiya adihe esika eboda a milema minu cina eejimeli enu, na bo odaeni bambilimake na ngbi a epaeli;

Baɛpɛsɔ 3:6

Cina emina edi bo bapakano badi basangoli pongono; badi binama bimokuku momɔci, na basangoaka njikano yena edi a tei eYesu Masiya a mojɔ moMwako Mopele.

Baɛpɛsɔ 6:8

Jebani bo moto na moto adi bosɔ ndese ai Kumu a mojɔ mongando jisusu jipele jikɔkɔ yo, nongo akada mobuli isa mwana’sɔmi.

Bakɔlɔsai 2:10

na bomɔ bodi bolumeja no, oko a tei ende yona odi Kumu omakumu masusu na bakumu basusu.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.

2 Yoane 1:9

Moto yona okinaka njea, pɛ boyeyoa a bokoja boMasiya, aditi na Njambe a tei ende. Yona oyeyoaka a bokoja boMasiya, adi na Sango na Mwana pongono a tei ende.