Bakɔlɔsai 2:8 - Nouveau Testament en Ngombe 1961

⁸ Toma nganjamani bo moto atakosea no na bikenge bibowɛi, na mijɔ mingasangasa mia mihulaka ai bato pɛ, na micingi na ejimeli a miembo mingondo, te nongo na Masiya.

Bakɔlɔsai 2:8 ပူးပေါင်းရင်းမြစ်များ

Matayo 10:17

Anganjamani ko na bato; mojɔ bo badi bogbula no a bisambi, na bâtua no a sinagoge.

Matayo 16:6

Yesu abala na bu bo, Nganjamani bopele a mojɔ molipetu liBaPalusi na BaSadoki.

Matayo 7:15

Toma nganjamani na batɔndoi babokosea, Badoaka ai no na elwaeli ebata, na badi soti oko swa babila.

Bikɔmɛli 17:18

Bakina bato babowɛi, BaEpikulo na BaSotoiko, basoola na nde. Bakina babu babala bo, Moto yo obibalabala apalaka bobala bo? Bakina batongo babala bo, Adi o motɔndɔi obanjambe batongotongo; mojɔ bo abatɔndɔ Mwako moYesu, na mojɔ mobongɔ a bogwa.

Bikɔmɛli 17:32

Yana aka bo mojɔ mobongɔ bobagwake, bakina basɛkɛ oko bosɛkɛ. Batongo ko babala bo, Bodi boka wɛ koko a mojɔ momina.

Baloma 16:17

Baninga, mbi nangɔɔnɔkɔ no bo onganjameni a mojɔ mobato baya bapangoaka na basakejaka bato libaku, baya balonaka bokoja bosɔ no; pɛ bopanganani na bu.

1 Bakolinto 10:12

A mojɔ momina, moto na moto yona odingaka bo adi mombilimake, abwani bonganjama bo asaka kwa.

1 Bakolinto 8:9

Ino ko haya bayakaka dia dimina, toma nganja mani bo ekɔmɛli enu etasakeja bayɛmbu libaku.

2 Bakolinto 10:5

Bobejaka ndungu jibato, na egbo yena esakumejaka a bolona ejebeli eNjambe, na bopeaka malɛ masusu masungu, bo madae na lisuma ai Masiya.

Bagalata 1:14

Nanɔ kola jilikota limbi jinɛnɛ na ejebeli engando jiBaYuda, na nadaka na bingi enɛnɛ mɛnɛ a mojɔ mongando jibatata.

Bagalata 4:3

Iso bodi koko boa. Amaka so da bɛngɛ, bomi daka oko a iibuli lingando jingondo ye.

Bagalata 4:9

E dɛye ko ojebakani Njambe,—gbo oko Njambe yona ojebaka no; oko boa osɔmbɔkɔni koko a ngando jingasangasa jia jipehti nongo ngulu, na opalakani bo odaeni koko a libuli lingando jimina mojɔ moye?

Bagalata 5:15

Okaswianani na okakokalanani, nganjamani bo otawanani.

Baɛpɛsɔ 2:2

Mida minu midaka oko moda mongondo ye, na odakani na lisuma ai kumu yona odi na bokumu bonde a pwea, oko mwembo mua modi na ngulu a tei ebana balipanga e dɛye.

Baɛpɛsɔ 4:20

Ino ko oikoani na Masiya boa,

Baɛpɛsɔ 5:6

T’ojimeni oko bo moto akosee no na ebalabala, mojɔ bo kɛlɛ eNjambe edi ai bana balipanga a mojɔ mongando jimina.

Bafilipoi 3:2

Toma dingani a mojɔ mombwa; toma dingani a mojɔ mobato baya badi na bikɔmɛli bibe; toma dingani a mojɔ mobato babolena-ganda babokosea.

Bakɔlɔsai 2:18

T’ojimeni oko bo obungejaeni ndese enu a mojɔ momoto yona obekeaka no bo osatitejaeni a bosakoa babwɛnji badiko. Moto omina alɛkɛ oko mijɔ minjɔti pɛ, na egbo emolema monde mobe.

Bakɔlɔsai 2:20

Isa ogwani na Masiya a mijɔ mingondo, odini na ekɔmɛli ebato bangondo mojɔ moye?

Bakɔlɔsai 2:22

(oko leka lua logwaka a elomu) Ngando jimina jidi oko Mibeko na bokoja bobato pɛ.

Bakɔlɔsai 2:23

Jidi na bokina bowɛi a miso mabato, a mojɔ mobosakoa bonɛnɛ, na bosatiteja, na bodingoja bomokuku; endele ko, jidi oko ngasa mɛnɛ, na jitakɔmejaka nongo a bogbokeja posa jimokuku.

1 Timoteo 6:20

Ee Timoteo, banea elomu esɔ wɛ a bobanea. Bulɛ ko bibaeli bibokosea, na bibalabala biejebeli yena editi ejebeli esoti,

2 Timoteo 3:13

Bato babe ko, na bato babokosea badi bohɛ na bobe; badi balaboake bo bɛnɛ, na balabojaka bato batongo pongono.

Baebele 13:9

T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

Baebele 3:12

Anganjamani baninga, bo okina onu asaka da na molema mobe mokitɛ, mua modi bolaboja no a njea eNjambe obomɔ.

1 Pɛtɛlo 1:18

Ojebakani bo osikoamani a ngando jingasangasa jibasangwa’nu, te nongo na makonja mabo-beha o adi wɔlɔ na palata;

Mokanda Momibae Mosɔnɔ Pɛtɛlo - 2PE 3:17

Ino ko baninga, ajebaka no oko ngando jimina jidoakini, toma nganjamani, bo osaka laboani a mojɔ mobo-kosea bobato babe, na otadani koko bambilimake.

2 Yoane 1:8

Toma nganjamani bo otabungejaeni ndese eelomu enu, na bo osɛni ndese enu esusu.