Bakɔlɔsai 2:4 - Nouveau Testament en Ngombe 1961

⁴ Nabali boa, bo moto asaka kosea no na bikenge biepulu.

Bakɔlɔsai 2:4 ပူးပေါင်းရင်းမြစ်များ

Matayo 24:24

Mojɔ bo BaMasiya babokosea bâdoa banɛnɛ a masu mamina. Bâneja bimbete na mindumba mibokamoa, na êdika mweka pɛ bo balabojae bahɔmɔke baNjambe.

Matayo 24:4

Yesu abasɔmbeja bo, Anganjamani na bato, bo basaka laboja no.

Malako 13:22

Mojɔ bo, BaMasiya babokosea na batɔndɔi babokosea badi bodoa. Bâkɔ bimbete na mindumba. Akɔki bo hɔnɔ, ka balabojae bahɛngɛmɛkɛ mɛnɛ.

Bikɔmɛli 20:30

Na bato badi bongɔ a tei enu bɛnɛ a bokoja mijɔ mibokosea, na bâlaboja bacingami.

1 Bakolinto 2:4

Mwako mombi na etɔndɛli embi, biidaka na bikenge bibowɛi; bidaka oko na bimbete na ngulu eNjambe,

2 Bakolinto 11:3

Njɔ ko akosea Ewa na poloso ende; na mbi nadi na mokakwano bo milema minu misaka beha boa pongono, na osaka kinani lisuma linu lisɛnɔke ai Masiya.

Bagalata 2:4

Bakina baninga babokosea ko bakwea kɛngi a tei esu na poloso, bo bakoke-lejae bosɔmi bosu bua bodi na su a tei eMasiya Yesu, a bohuleja so a libuli.

Baɛpɛsɔ 4:14

Bobwaniti boda koko bana bakɛkɛ, baya bahombahombaka na bapɛpɛnɛkɛ na pwea jisusu jibokoja bobato baepulu baya badi na poloso a bokoja ngando jibokosea.

Baɛpɛsɔ 4:17

Ebaeli embi, na eleho embi ai no a kombe eKumu, edi bo otadani koko na mida Mibapakano baya basumaka mabunga mamilema Mibu.

Baɛpɛsɔ 5:6

T’ojimeni oko bo moto akosee no na ebalabala, mojɔ bo kɛlɛ eNjambe edi ai bana balipanga a mojɔ mongando jimina.

Bakɔlɔsai 2:18

T’ojimeni oko bo obungejaeni ndese enu a mojɔ momoto yona obekeaka no bo osatitejaeni a bosakoa babwɛnji badiko. Moto omina alɛkɛ oko mijɔ minjɔti pɛ, na egbo emolema monde mobe.

Bakɔlɔsai 2:8

Toma nganjamani bo moto atakosea no na bikenge bibowɛi, na mijɔ mingasangasa mia mihulaka ai bato pɛ, na micingi na ejimeli a miembo mingondo, te nongo na Masiya.

2 Timoteo 2:16

Toma bɔtɔnɔ ko na bibalabala na kitɛ jingasangasa. Mojɔ bo ngando jimina jidi bolaboja bato a njea jibe,

2 Timoteo 3:13

Bato babe ko, na bato babokosea badi bohɛ na bobe; badi balaboake bo bɛnɛ, na balabojaka bato batongo pongono.

1 Yoane 2:18

Bana bambi, ehole esuka emei. Ino o’kani bo Soki-eMasiya adi bodoa. Soki-jiMasiya badoi banɛnɛ, na badi e dɛye; oko boa bojebaka bo ehole esuka emei.

1 Yoane 2:26

Nasɔnei no ngando jimina a mojɔ mobato baya bapalaka bola-boja no.

1 Yoane 4:1

Baninga, t’ojimeni oko miembo misusu. Sisoani miembo a bojeba isa micingi na Njambe, cina bo batɔndɔi babokosea banɛnɛ banangani a ngondo.

2 Yoane 1:7

Mojɔ bo bakosei banɛnɛ banangani a ngondo, baya batajimaka bo Yesu Masiya adoa o moto. Yona odi boa adi mokosei, na adi soki-eMasiya.

Boboloja 12:9

Dalakona monɛnɛ akwa, njɔ yona moyou yona odi na kombe Jabalo na Satana, mokosei ongondo esusu. Adumbama a ngondo, na babwɛnji bande badu-mbama na nde pongono.

Boboloja 13:8

Bato basusu bangondo badi bomosakoa, oko baya baditi na kombe jibu a mokanda moMwana-Bata yona ogwa, kombe jia jisɔnɔmɔ ena oko a libangake lingondo.

Boboloja 20:3

Amodumba a mombɔndɔ monase, adipa modipe, na abakea embete a modipe bo atakosea koko makota mangondo, oko a suka ebianga koto emɔci. Ehole emina ekasia adi bocingoama mweka.

Boboloja 20:8

Adi bomana a bokosea makota mangondo, oko a suka engondo mɛnɛ, oko Gogo na Magogo, bo ababolee a mojɔ mobila. Etango ebu edi o mbume jimbongu.