Bakɔlɔsai 2:20 - Nouveau Testament en Ngombe 1961

²⁰ Isa ogwani na Masiya a mijɔ mingondo, odini na ekɔmɛli ebato bangondo mojɔ moye?

Bakɔlɔsai 2:20 ပူးပေါင်းရင်းမြစ်များ

Bakɔlɔsai 2:8

Toma nganjamani bo moto atakosea no na bikenge bibowɛi, na mijɔ mingasangasa mia mihulaka ai bato pɛ, na micingi na ejimeli a miembo mingondo, te nongo na Masiya.

Bakɔlɔsai 2:16

T’ojimeni oko bo moto asambejae no a mojɔ moboyaka na bomwaka, isa a mojɔ momabonje, na Sabata, na ekɔmɛli enu yana atɛkɛ songe.

Bagalata 4:3

Iso bodi koko boa. Amaka so da bɛngɛ, bomi daka oko a iibuli lingando jingondo ye.

Bakɔlɔsai 2:14

Ahakoa mokanda momijɔ mia midaka o nongo jisu, na aseja mojɔ momina; aebakea a mole-mobokea monde na kala.

1 Yoane 5:19

Iso bojebaka bo bodi bana baNjambe, na bo ngondo esusu edi a mɔmɔ mayona Mobe.

Baebele 13:9

T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

Yakobo 4:4

Ino Bali bandukeli! Otajebakani bo limbaci lingondo lidi lisoki ai Njambe? Oko boa, moto yona opalaka bo apande limbaci na ngondo adi na Njambe oko soki.

Bagalata 6:14

Mbi ko naditi nongo na ekina ekumu etongo, oko yena emole-mobokea moKumu osu Yesu Masiya, mojɔ bo ngondo ebakeama a mole-mobokea ai mbi, na mbi nabakeama a mole-mobokea a ngondo, a mojɔ monde.

2 Bakolinto 10:3

Bodi a ngondo soti; bila enaka so ko editi bila engondo.

Yoane 15:19

Akɔki no da bato bangondo, ka ngondo epali no. Ngondo ko edi na nu soki, mojɔ bo oditini bato bangondo, na mojɔ bo mbi nahɔ no a bobɔtɔnɔ na ngondo.

Baɛpɛsɔ 2:15

Abakea mokongo mobosiili na mokuku monde mɛnɛ, bo asiejae mokongo moMibeko na mongila, na bo apɛ bowi oko na boyoa bomoto omɔci moyene a tei ende mɛnɛ, oko na bu babae.

Bakɔlɔsai 3:3

Mojɔ bo ino odini bagwake, na bomɔ bonu bobombami na Masiya a tei eNjambe.

Bakɔlɔsai 2:21

Osumakani Mibeko mi mojɔ moye?—Yɛ bobakea ebɔ a eka emina; yɛ boyaka eka emina; yɛ bopea eka emina,