Bakɔlɔsai 2:2 - Nouveau Testament en Ngombe 1961

² Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

Bakɔlɔsai 2:2 ပူးပေါင်းရင်းမြစ်များ

Matayo 11:25

A ehole emina, Yesu abala bo, Sesa, Kumu oDiko na nase, mbi nasakoaka wɛ cina bo obomba ngando jiji ai bato babowɛi, ai bato baya bacingeaka mijɔ, na ojibolojai ai bana bakɛkɛ.

Matayo 11:27

Sangwa’mbi apani kpaci a ngando jisusu. Pɛpe nongo moto ojebaka Mwana. Edi oko Sango pɛ yona omojebaka. Pɛpɛ nongo moto ojebaka Sango. Edi oko Mwana pɛ yona omojebaka, Na Mwana akajima, amobolojaka ai bato bo bamojebe.

Matayo 13:11

Yesu abasɔmbeja bo, Ino osini bocingea a bojeba ngando jibombamake jiBokumu boDiko; ibo ko basiti bocingea.

Luka 1:1

Bato banɛnɛ batomba bosɔnɔ mikanda a mojɔ mongando jia jikwa a tei esu,

Yoane 10:30

Iso na Sangwa’mbi bodi oko omɔci.

Yoane 10:38

Isa ko nabikɔkɔ, jimani bilomu bimina isa ojimitini mbi mɛnɛ, bo ojebeni na ojimeni bo Sango adi a tei embi, na mbi a tei ende.

Yoane 16:15

Ngando jisusu jia jidi ai Sango jidi koko ai mbi. A mojɔ momina, nabali na nu bo yo âtomba ngando jimbi bo ajibolojae ai no.

Yoane 17:3

Bomɔ bua bodi na bosusu bodi oko bo bajebe wɛ, Njambe osoti omɔci, na yona oloma wɛ, oko Yesu Masiya.

Yoane 5:17

Yesu ko abasɔmbeja bo, Sangwa’mbi adi oko a elomu, na mbi koko nakɔkɔ elomu.

Yoane 5:23

bo bato basusu badae na lisuma ai Mwana, o asumaka bo Sango. Yona odi pɛ bosuma Mwana, aditi na lisuma ai Sango yona omoloma.

Yoane 6:69

Iso bojimaka na bojebaka bo wɛ odi Yona Mosɛnɔke oNjambe.

Bikɔmɛli 4:32

Bato basusu baya bajima, kanga banɛnɛ mɛnɛ, badaka na molema momɔci na mwembo momɔci. Pɛpɛ nongo moto obala bo leka londe lodaka ai yo mɛnɛ; bakabana leka losusu.

Baloma 15:13

Yɛ Njambe onjingo alumejae no na sepi na bowi a ejimeli enu, bo njingo enu enɛnge a mojɔ mongulu eMwembo Mosɛnɔke.

Baloma 16:25

Okina adi yona obwani bombilimeja no a Mwako Mopele moMasiya motɔndɔkɔ mbi. Mwako momina mobolojaka mojɔ mua modaka mobombamake a bobanga mɛnɛ.

Baloma 2:4

Isa osɛtojaka monganji monde monɛnɛ, na lingbangba linde, na yongi ende? Otajebaka bo monganji moNjambe mobeaka wɛ a bohekoja molema?

1 Bakolinto 14:31

Obwanini botɔndɔ mwako no basusu, moto omɔci-omɔci; oko boa bato basusu badi bokoa, na badi bopinga a ejimeli ebu.

1 Bakolinto 2:12

Iso bositi mwembo mongondo ye. Bosi oko Mwembo moNjambe, bo bocingee bipeeli bipa Njambe so na monganji monde.

Bagalata 3:28

A tei ende, moto aditi MoYuda isa MoEla, isa mobuli isa sɔmi, isa momi isa mwali, mojɔ bo odini no basusu moto omɔci a tei eMasiya Yesu.

Baɛpɛsɔ 1:7

Lisiko lisu lidi oko a tei ende a mojɔ momakia mande, na bo yɛ bojibe jisu a mojɔ momonganji monde mua monɔi.

Baɛpɛsɔ 3:16

bo apɛ no bopingeja bongulu eMwembo monde a tei enu, moto namoto, oko nalikabo liekumu ende yena enɔi.

Baɛpɛsɔ 3:3

Njambe aboloja ai mbi cina emokano monde mua modaka mobombamake, o ami mbi sɔnɔ mweka.

Baɛpɛsɔ 6:22

Mbi namolomi oho ai no oko a mojɔ momina, bo ojebeni mijɔ mimbi, na bo agɔmbejae milema minu.

Bafilipoi 2:1

Isa bogɔmbeja bodi a tei eMasiya, na peye eepaeli, na bokatana boMwembo, na wa, na monganji

Bafilipoi 3:8

Ee soti, mbi nalangaka ngando jisusu o ngando jingasa pɛ, a mojɔ moejebeli eMasiya Yesu Kumu ombi yena enɔi na yumu. Najima bo nabungejae ngando jisusu a mojɔ monde; najilangaka o pita pɛ, bo Leka lombi loyumu lodae oko Masiya pɛ, na bo nadae a tei ende,

Bakɔlɔsai 1:26

oko mojɔ mua modaka mobombamake ekoka enɛnɛ mɛnɛ ai bilulu binɛnɛ; moboloi ko e dɛye ai baejimeli baNjambe.

Bakɔlɔsai 1:27

Mojɔ bo Njambe ajima bo abanejae bo mojɔ mu mobo-mbamake modi mojɔ moekumu enɛnɛ mɛnɛ a tei ebapakano,—cina emina edi Masiya a tei enu, njingo eekumu.

Bakɔlɔsai 1:9

Iso bobanga bonga Njambe a mojɔ monu a busa boka so mojɔ momina, na botakinaka bonga. Bongaka bo olumeni na ejebeli ebolulea boNjambe, oko na bowɛi na bocingea bosusu boMwembo,

Bakɔlɔsai 2:19

Aciniti nongo na Molo; mojɔ bo bmama bisusu bimokuku bikatani a mojɔ momongi na sisa, na mokuku mosusu mokandoaka na ngulu eNjambe.

Bakɔlɔsai 3:14

Ngɛnjɔ ko enɔi ngando ji jisusu; ekatanejaka na boka-tana bosoti.

Bakɔlɔsai 4:3

Ingani a mojɔ mosu pongono, bo Njambe ahojae njea ai so a botɔndɔ mojɔ mobombamake moMasiya; mbi nadi a minyɔlɔ oko a mojɔ momina.

Bakɔlɔsai 4:8

Mbi namolomi ai no oko a mojɔ momina, bo ake mwako monu, na apingejae milema minu.

1 Batɛsalɔnike 1:5

Mwako Mopele mosu moidoa ai no na kɔpi pɛ; modoa na ngulu, na Mwembo Mosɛnɔke, na ejimeli enɛnɛ. Ojebakani ekɔmɛli yena edaka na su a tei enu a mojɔ monu.

1 Batɛsalɔnike 3:2

Na boloma mwangwa’su Timoteo, mokɔmɛli oNjambe, a elomu eMwako Mopele moMasiya. Bomoloma bo ambilimejae no a ejimeli enu, na a boleha no,

1 Batɛsalɔnike 5:14

Iso bongɔɔnɔkɔ no baninga bo oleheni baya balaboaka; pingejani milema Mibato baya bangwai; mbilimeja ba yɛmbu; dani na lingbangba ai bato basusu.

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

Baebele 10:22

bobwani bobatama na molema mosoti na ejimeli enɛnɛ, pɛpɛ kitɛ, na milema misu mibɔtɔnɔke na ejebeli ebobe, na mikuku misu misosamake na madiba mapele.

Baebele 6:11

Posa esu edi bo moto na moto a tei enu adae na bingi a bobanea tɛndɛ ende esusu oko a suka mɛnɛ.

Mokanda Momibae Mosɔnɔ Pɛtɛlo - 2PE 1:10

Oko boa baninga, dani na bingi a bongameja bobea bonu na bohɔ bonu. Okakɔni boa otasakani nongo libaku.

Mokanda Momibae Mosɔnɔ Pɛtɛlo - 2PE 1:3

Njambe, na ngulu ende, abopi bipeeli bisusu bia bibwani na mohelo na ejimeli, cina eejebeli ende yona obea so a ekumu ende na bosɛnɔ bonde.

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.

1 Yoane 3:19

Oko boa bodi bojeba bo bodi bana basoti, na bodi bohahaneja milema misu a boso bonde, isamilema misu midumbaka so;

1 Yoane 5:7

Na Mwembo modi motati, mojɔ bo Mwembo modi Soti.