18 T’ojimeni oko bo obungejaeni ndese enu a mojɔ momoto yona obekeaka no bo osatitejaeni a bosakoa babwɛnji badiko. Moto omina alɛkɛ oko mijɔ minjɔti pɛ, na egbo emolema monde mobe.
Baninga, mbi nabali na nu ngando jimina o mondɛ, a mojɔ mosu na Apolo, bo okoeni na ekoaneli esu, na bo odaeni na lisuma a Misɔnɔ. Obwanitini bokumeja okina osu na bolona yona otongo.
Mokakwano mombi modi bo, nakamea oho ai no, nitatana no o adi mbi na njingo; na bo mbi mɛnɛ nitada o alɛkɛ no. Isa nadi botana no na miano, na kɛnjɔ, na likaka, na misoo, na biloli, na egbo na wokowoko?
Jidi na bokina bowɛi a miso mabato, a mojɔ mobosakoa bonɛnɛ, na bosatiteja, na bodingoja bomokuku; endele ko, jidi oko ngasa mɛnɛ, na jitakɔmejaka nongo a bogbokeja posa jimokuku.
Toma nganjamani bo moto atakosea no na bikenge bibowɛi, na mijɔ mingasangasa mia mihulaka ai bato pɛ, na micingi na ejimeli a miembo mingondo, te nongo na Masiya.
Dalakona monɛnɛ akwa, njɔ yona moyou yona odi na kombe Jabalo na Satana, mokosei ongondo esusu. Adumbama a ngondo, na babwɛnji bande badu-mbama na nde pongono.
Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.