Bakɔlɔsai 1:12 - Nouveau Testament en Ngombe 1961

¹² Sakoani Sango yona obɔngejai so bo bosangoe libondo lihsango libasɛnɔke a bohu.

Bakɔlɔsai 1:12 ပူးပေါင်းရင်းမြစ်များ

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Yoane 14:6

Yesu abala na nde bo, Mbi nadi Njea, na Soti, na Bomɔ. Pɛpɛ nongo moto odi bodoa ai Sango; adi bodoa ai Sango oko na mbi.

Yoane 20:17

Yesu abala na nde bo, Yɛ bobandani na ebɔ, mojɔ bo naweakini ai Sango. Wɛ ko, kɛ ai baninga bambi; bala na bu bo mbi nakawee ai Sangwa’mbi na ai Sangwa’nu, ai Njambe ombi na ai Njambe onu.

Yoane 4:23

Ehole ekɛkɛ adoe, ee emei edɛye, na basakoi basoti badi bosakoa Sango a mwembo na soti, mojɔ bo Sango apalaka bo basakoi bande bamosakoe boa.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Bikɔmɛli 26:18

a bodipoa miso mabu, bo badonge a modidi, a bomana a bohu, bo bakine ngulu eSatana a bodoa ai Njambe, a bosɔ boyɛ bojibe jibu cina eejimeli ai mbi, na a bosɔ lisango a tei ebasɛnɔke.

Baloma 11:17

Bikina bitape ko bikatɛndɔmɔ, na wɛ olive oesika okakatana na mole a esika edaka bitape bimina, odi bokatana na cina emole, na odi bosɔ ngulu emole moolive.

Baloma 15:27

Bakɔi mojɔ momina na sepi, mojɔ bo badi oko na nongo ai bo; isa bapakano basangoi iikabo libipeeli biMwembo a mojɔ mobu, babwani bobakɔmeja na bipeeli bileka.

Baloma 8:17

Isa bodi bana, bodi koko sangoli, sangoli jiNjambe, na bosangoanaka na Masiya. Bokadingoa na nde, bodi bokuma na nde pongono.

Baloma 9:23

Isa apalaka boneja ekumu ende yena enɔi, ai baya bamokejaka wa? mojɔ bo abahɔ ehele a mojɔ moekumu, oko so;

1 Bakolinto 8:6

ai so ko, Njambe adi oko omɔci pɛ, oko Njambe Sango. Leka losusu lohulaka ai yo, na so bodi oko ai yo. Na Kumu adi oko omɔci pɛ, oko Yesu Masiya. Leka losusu lodi a mojɔ monde, na so bodi a mojɔ monde.

1 Bakolinto 9:23

Nakɔkɔ boa a mojɔ moMwako Mopele, bo nadae na libondo limbi a elomu emina.

2 Bakolinto 11:14

Iso boditi na bokamoa a mojɔ momina, cina bo Satana yo mɛnɛ adi na elwaeli eobwɛnji obohu.

2 Bakolinto 5:5

Njambe yo mɛnɛ asɛlingoa so a mojɔ momina, na abopa Mwembo o ndanga.

Baɛpɛsɔ 1:11

Lisango lisu lidi a tei ende, lia lihɛngɛmɛ na mokano monde yona okɔkɔ ngando jisusu na bowɛi na bolulea bonde mɛnɛ.

Baɛpɛsɔ 1:18

na bo ahojae miso mamilema minu, bo ocingeeni njingo ebobea bonde, na ekumu enɛnɛ mɛnɛ elisango linde a tei ebasɛnɔke,

Baɛpɛsɔ 2:18

Mojɔ bo so basusu babae bodi na njea ebokwea ai Sango na mwembo momɔci a mojɔ monde.

Baɛpɛsɔ 3:6

Cina emina edi bo bapakano badi basangoli pongono; badi binama bimokuku momɔci, na basangoaka njikano yena edi a tei eYesu Masiya a mojɔ moMwako Mopele.

Baɛpɛsɔ 4:6

na Njambe omɔci, yona odi Sange ’bato basusu; iyo anɔi basusu; adi a ndanda ebasusu na adi a tei ebasusu.

Baɛpɛsɔ 5:11

Toma bulɛni ngando jingasangasa jimodidi; anejani na bikɔmɛli binu bo ngando jimina jidi jibe.

Baɛpɛsɔ 5:20

Sakoani Njambe Sango bihole hisusu, a mojɔ mongando jisusu, a kombe eKumu osu Yesu Masiya.

Baɛpɛsɔ 5:4

Pɛ bobala nongo mijɔ misɔni, isa ebalabala, isa ngɛkɛ; Sakoani ko Njambe.

Baɛpɛsɔ 5:8

Odakani bosoboso modidi; e dɛye ko odini bohu atei eKumu; oko boa, toma dani na bikɔmɛli bibana babohu.

Bakɔlɔsai 2:2

Nakɔkɔ boa bo Inilema Mibu mihɛe na eci o akatanaka ho na epaeli, na bo babɔnge a mojɔ mobowɛi bosoti a bocingea mojɔ mobombamake moNjambe, oko Masiya.

Bakɔlɔsai 3:15

Kinani bowi boMasiya bodae na bokumu a milema minu; obeamani bo odaeni mokuku momɔci oko a mojɔ momina. Dani koko na bosakoa.

Bakɔlɔsai 3:17

Okakɔni mokina mojɔ, isa bobala, isa elomu, kɔni ngando jisusu a kombe eKumu Yesu, na sakoani Njambe Sango a kombe ende.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

Baebele 12:23

Odoini a likita na denga dibana basɔmi baya badi na kombe jibu oho Diko, ai Njambe yona odi Juji obato basusu, a miembo Mibato baejimeli baya babɔngɔ.

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Baebele 3:14

Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

Yakobo 3:9

Bosakoaka Kumu na Sangwa’su na yemi, na bosingaka bato baya bayoama a blimo eNjambe oko na yemi.

1 Pɛtɛlo 5:1

Mbi nalehaka basuku banu, mojɔ bo nadi mosuku mbi mɛnɛ, na monjɛnɛki omadingoa maMasiya, na sangoli olibondo liekumu yena eboloabí ngɔngɔ.

1 Yoane 1:3

Iso botɔndɔkɔ no oko mua monɛ so, na mua moka so, bo okataneni na su; na bokatana bosu bodi na Sango, na Mwana’nde Yesu Masiya.

Boboloja 21:23

Ngando ebwanaka, pɛpɛ nongo modika-busa isa songe a boboja ngando, mojɔ bo ekumu eNjambe edi bobu bongando, na paka engando edi Mwana-Bata.

Boboloja 22:14

Bojongoa ai bato baya basosaka bisenja bibu, bo badae na njea ebodoa a mole mobomɔ, na njea ebokwea a midipe mingando.

Boboloja 22:5

Na bulu botaya dabí; paka editi koko na elomu oho, isa modika-busa, mojɔ bo Kumu Njambe abapabi bohu, na bakumabi oko na bosusu.