Bakɔlɔsai 1:10 - Nouveau Testament en Ngombe 1961

¹⁰ bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Bakɔlɔsai 1:10 ပူးပေါင်းရင်းမြစ်များ

Yoane 15:16

Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no.

Yoane 15:8

Okabotani mbuma jinɛnɛ a boneja bo odini bacingami bambi, Sangwa’mbi adi bosɔ ekumu na mojɔ momina.

Yoane 17:3

Bomɔ bua bodi na bosusu bodi oko bo bajebe wɛ, Njambe osoti omɔci, na yona oloma wɛ, oko Yesu Masiya.

Baloma 1:13

Baninga, napalaka najebejae no bo nadaka na mokano mobodoa oho ai no bihole binɛnɛ, bo nadae na likina lituna a tei enu o adi mbi na lituna a makota matongo; nanɛkini ko njea.

Baloma 4:12

Oko boa pongono, adi tata obato babolena ganda baya baditi na bolena boganda pɛ, mojɔ bo badalaka a njea eejimeli eAbalayama tata osu, yena esɔ yo yana adaka yo pɛ bopeta lenama ganda.

Baloma 6:4

Yana abatisama so, bopuseama na nde a tei ebogwa, bo bodae na ekɔmɛli ebomɔ boyene o angɔjɔmɔ Masiya a bogwa na ekumu eSango.

2 Bakolinto 2:14

Mbi nasakoaka Njambe mojɔ bo adalejaka so mondinda na Yesu, na ekumu ende, masu masusu. Na ejebeli ende enanganaka na su a bisika bisusu o soo epele.

2 Bakolinto 4:6

Mojɔ bo, Njambeyona obala bo, Kma bohu bohoe a tei emodidi, ahojai milema misu bohu mɛnɛ, bo apɛ bohu boejebeli eekumu eNjambe a boso boMasiya.

2 Bakolinto 5:9

A mojɔ momina, bodukaka njea bo bomosepejae, isa a mokuku mu, isa oho.

2 Bakolinto 9:8

Na Njambe abwani bojongoa no na majongoa manɛnɛ mɛnɛ, bo otatakani nongo eka, na bo odaeni na libondo linɛnɛ a mojɔ mobilomu bisusu bipele.

Baɛpɛsɔ 1:17

Nangaka koko bo Njambe oKumu osu Yesu Masiya, Sango yona odi na ekumu esusu, apɛ no mwembo mobowɛi na bocingea, a bojebeana na nde soti,

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 4:1

Oko boa, mbi lisungu liMasiya, nangɔɔnɔkɔ no bo odaeni na mida mia Mibwani na bobea bobeama na nu,

Baɛpɛsɔ 4:13

oko a ehole ehomea bosu basusu a boka-tana boejimeli, na a ejebeli eMwana ’Njambe, bo bokandoe bato bapingake, na bo mwɛngi mosu mobwane na mwɛngi mobobɔngɔ boMasiya.

Baɛpɛsɔ 5:10

Jimani oko ngando jia jisepejaka Kumu.

Baɛpɛsɔ 5:15

Toma nganjamani a mojɔ momida minu; dani na bopasa, pɛpɛ bogegele.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Bafilipoi 1:11

Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

Bafilipoi 1:27

Ino ko, toma dani na ekɔmɛli yena ebwani na Mwako Mopele moMasiya. Oko boa, nongo nakadoa a bo’nɛnɛ na nu, isa nakadika ya, nadi boka mwako monu, bo odini bambilimake na molema momɔci, a bo’na o moto omɔci a mojɔ moejimeli eMwako Mopele.

Bafilipoi 4:18

Mbi ko nasi leka losusu. Nadi na lituna lileka, mojɔ bo nasi toma eloma no na Epapulodito. Naditi koko na taka, na toma enu edi o epeeli esoo epele ejimaka Njambe, na emosepejaka.

Bakɔlɔsai 2:19

Aciniti nongo na Molo; mojɔ bo bmama bisusu bimokuku bikatani a mojɔ momongi na sisa, na mokuku mosusu mokandoaka na ngulu eNjambe.

Bakɔlɔsai 2:6

Oko boa, ami no sɔ Kumu Yesu Masiya, toma dalani a tei ende oko boa.

Bakɔlɔsai 3:20

Ino bɛngɛ, toma sumani baboti banu a ngando jisusu; mojɔ momina mosepejaka Kumu.

Bakɔlɔsai 4:5

Kinani bikɔmɛli bmu bidae na bowɛi a mojɔ mobato basokolu; pɛ bonamejani masu manu.

1 Batɛsalɔnike 2:12

bo okumejaeni Njambe na mida minu, oko Njambe yona obea no a Bokumu bonde na ekumu ende.

1 Batɛsalɔnike 4:1

Mojɔ motongo baninga; okoanani na su ekɔmɛli yena ebwani na nu a bosepeja Njambe. Oko boa bongɔɔnɔkɔ no, na bolehaka no e dɛye a kombe eKumu Yesu, bo odaeni na ekɔmɛli emina. Okɔkɔni boa; endele ko, toma nɔjɔni mwɛngi momina.

2 Timoteo 2:4

Isa moto adi soda, abɔtɔni na bilomu bitongo bingondo, bo ase-pejae kapitɛni onde.

Tito 3:1

Lɛjɛ bato bo badi bosuma bakumu na basuku. Babwani boda na lisuma; badi boda na mosɛlingo a bokɔ bilomu bisusu bipele.

Tito 3:14

Bato basu badi bokoa bo bakɔe bilomu bipele.

Baebele 11:5

Anoka akindoa a mojɔ moejimeli, bo atanɛe nongo bogwa, na aiboloa koko, mojo bo Njambe amotomba. Adaka yo pɛ bopeta kindoa, adaka na esako bo asepejaka Njambe.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

Baebele 13:21

Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

Mokanda Momibae Mosɔnɔ Pɛtɛlo - 2PE 1:8

Isa odini na ngando jimina, na jikanɛngɛ ai no, jikɔkɔ bo otadani bingbendele na batete a mojɔ moejebeli eKumu osu Yesu Masiya.

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.

1 Yoane 3:22

na bosɔkɔ ai yo mua mongaka so, cina bo bosumaka Mibeko minde, na bokɔkɔ ngando jia jimosepejaka.

1 Yoane 5:20

Bojebaka bo Mwana ’Njambe adoi, na abopi boemgea a bojeba yona oSoti. Na bodi a tei ende yona odi Soti, oko a tei eMwana’nde Yesu Masiya. Iyo adi Njambe oSoti, na bomɔ bua bodi na bosusu.

3 Yoane 1:6

Ibo batati tati a mojɔ mongɛnjɔ ewɛ a boso boDenga. Bopele bo obakɔmejae a mɔngɔ mobu; mojɔ momina mobwani na elomu eNjambe.