Bafilipoi 4:19 - Nouveau Testament en Ngombe 1961

¹⁹ Njambe ombi adi bopa no ngando jisusu jia jitakaka na nu, oko na mwɛngi momakonja maekumu ende a tei eMasiya Yesu.

Bafilipoi 4:19 ပူးပေါင်းရင်းမြစ်များ

Matayo 6:32

Bapakano badukaka oko leka lomina, Sangwa’nu ko yona odi oho Diko ajebaka bo obwanini bosɔ leka lu losusu.

Yoane 20:17

Yesu abala na nde bo, Yɛ bobandani na ebɔ, mojɔ bo naweakini ai Sango. Wɛ ko, kɛ ai baninga bambi; bala na bu bo mbi nakawee ai Sangwa’mbi na ai Sangwa’nu, ai Njambe ombi na ai Njambe onu.

Yoane 20:27

Abala koko na Toma bo, Anja mɔmɔ mambi. Batea mosapi ya. Ninoja ebɔ. Isa ebɔ ewɛ a litebu limbi. Yɛ boda na kitɛ; jima oko bojima.

Baloma 1:8

Mojɔ moboso; nasakoaka Njambe ombi na Yesu Masiya a mojɔ monu basusu, cina bo gala eejimeli enu etundaka a ngondo esusu.

Baloma 11:33

Ee soti! Ndinda ebowɛi boNjambe enɔi mwɛngi momoto, na ejebeli ende pongono. Moto atahɔnɔ bokokeleja bisambi binde, na bocingea njea jinde.

Baloma 2:4

Isa osɛtojaka monganji monde monɛnɛ, na lingbangba linde, na yongi ende? Otajebaka bo monganji moNjambe mobeaka wɛ a bohekoja molema?

Baloma 8:18

Mbi najimaka bo minɔngɔ miehole ye, na ekumu yena êboloa ai so ngɔngɔ, misangiti nongo mweka.

Baloma 9:23

Isa apalaka boneja ekumu ende yena enɔi, ai baya bamokejaka wa? mojɔ bo abahɔ ehele a mojɔ moekumu, oko so;

2 Bakolinto 12:21

Nadi na mokakwano isa Njambe adi bokeja mbi sɔni a boso bonu a bodoa bombi; isa nadi boyea bio a mojɔ mobato banɛnɛ baya bakɔ bobe boso, na bajasakini dosa a mojɔ mobikɔmɛli bibu bibosɔtɔ, na bɔɔli, na bosambolu.

2 Bakolinto 4:17

Monɔngɔ mosu mokɛkɛlɛkɛ mua moditi boyeyoa, mosɛlingoaka ekumu enɛnɛ mɛnɛ a mojɔ mosu, ekumu yena edi boyeyoa oko na bosusu.

Baɛpɛsɔ 1:18

na bo ahojae miso mamilema minu, bo ocingeeni njingo ebobea bonde, na ekumu enɛnɛ mɛnɛ elisango linde a tei ebasɛnɔke,

Baɛpɛsɔ 1:7

Lisiko lisu lidi oko a tei ende a mojɔ momakia mande, na bo yɛ bojibe jisu a mojɔ momonganji monde mua monɔi.

Baɛpɛsɔ 2:7

bo anejae monganji monde pɛ njɛngi, na likabo linde ai so, a tei eMasiya Yesu, a bilulu bia bidoakini.

Baɛpɛsɔ 3:16

bo apɛ no bopingeja bongulu eMwembo monde a tei enu, moto namoto, oko nalikabo liekumu ende yena enɔi.

Baɛpɛsɔ 3:8

Mbi nasɔ monganji mu, bo nabolojae ai bapakano mijɔ miyumu miMasiya mia midi na bonɛtɔ, oko mbi yona odi ngɔngɔ jibasɛnɔke basusu,

Bafilipoi 4:7

Na bowi boNjambe bua bonɔi bocingea bomoto, bodi bobanea milema minu na miembo minu a tei eMasiya Yesu.

Bakɔlɔsai 1:27

Mojɔ bo Njambe ajima bo abanejae bo mojɔ mu mobo-mbamake modi mojɔ moekumu enɛnɛ mɛnɛ a tei ebapakano,—cina emina edi Masiya a tei enu, njingo eekumu.

Bakɔlɔsai 3:16

Kinani Ebaeli eMasiya edae a tei enu, na enɛnge a tei enu na bowɛi bosusu. Ikojanani na lehanani na njembo jiNjambe, njembo jibosakoa, njembo jiMwembo. Imbani njembo ai Njambe na sepi a milema minu.

1 Batɛsalɔnike 2:12

bo okumejaeni Njambe na mida minu, oko Njambe yona obea no a Bokumu bonde na ekumu ende.

1 Timoteo 6:17

Leha bato baya badi na likonja a ngondo ye bo batasakumeja, na bo batada na ejimeli a makonja maya madi na mokakwano, oko ai Njambe yona opaka so leka na likabo linɛnɛ a bosepeja so.

Pilemona 1:4

Mbi nasakoaka Njambe bihole bisusu yana alangaka mbi kombe ewɛ a ma’nga mambi.

1 Pɛtɛlo 5:1

Mbi nalehaka basuku banu, mojɔ bo nadi mosuku mbi mɛnɛ, na monjɛnɛki omadingoa maMasiya, na sangoli olibondo liekumu yena eboloabí ngɔngɔ.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.