Bafilipoi 4:14 - Nouveau Testament en Ngombe 1961

¹⁴ Endele ko, okɔini bopele a bokatana na mbi a minɔngɔ mimbi.

Bafilipoi 4:14 ပူးပေါင်းရင်းမြစ်များ

Matayo 25:21

Moswa ’nde abala na nde bo, Bopele! wɛ odi mokɔmɛli mopele; obɔngi. Alongi wɛ na libondo likɛkɛ, nadi bokina leka lonɛnɛ a mɔmɔ mawɛ. Doa a bosepa na moswa’wɛ.

Baloma 15:27

Bakɔi mojɔ momina na sepi, mojɔ bo badi oko na nongo ai bo; isa bapakano basangoi iikabo libipeeli biMwembo a mojɔ mobu, babwani bobakɔmeja na bipeeli bileka.

Bagalata 6:6

Moto akakoja moto otongo Ebaeli, moto omina abwani bomokɔ monganji na leka londe losusu.

Bafilipoi 1:7

Ebɔngi bo mbi nadae na bolɛ bomina a mojɔ monu basusu, cina bo nabaneaka no a tei emolema mombi, isa a mbɔci ji, isa a elomu ebobanea na bopingeja elomu eMwako Mopele, oko no baya bakatani na mbi a bosɔ monganji moNjambe.

Bafilipoi 4:18

Mbi ko nasi leka losusu. Nadi na lituna lileka, mojɔ bo nasi toma eloma no na Epapulodito. Naditi koko na taka, na toma enu edi o epeeli esoo epele ejimaka Njambe, na emosepejaka.

1 Timoteo 6:18

Baleha bo bakɔe bopele, bo bahɛe na bikɔmɛli bipele, na bo badae na monganji na likabo.

Baebele 10:33

Bikina bihole basɛkɛ no, batangola no, na bapukeja no; bihole bitongo ocinamani na bato batongo baya badaka na minɔngɔ mimina.

Baebele 10:34

Odakani na wa ai bato baya badaka a minyɔlɔ. Yana atomba bato leka lonu, odakani oko na sepi, cina bo ojebakani bo lisango linu linɔi na bopele, lia lidi boyeyoa.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.