Bafilipoi 3:9 - Nouveau Testament en Ngombe 1961

⁹ te nongo a mojɔ mobodongo bombi mɛnɛ bua bocingi na Mibeko, oko a mojɔ mobodongo bua bocini na ejimeli ai Masiya, bua bohulaka ai Njambe a mojɔ moejimeli.

Bafilipoi 3:9 ပူးပေါင်းရင်းမြစ်များ

Matayo 9:13

Kɛni adukeni cina eekenge yeye, Mojɔ mopalaka mbi modi wa, te tito bamasiko. Mojɔ bo mbi nadoi a bobea bato babe, te bato bapele.

Baloma 1:17

Bodongo boNjambe boboloi a tei eMwako Mopele, banga oko na ejimeli, suka oko na ejimeli, o adi mosɔnɔ bo, Moto obodongo ahela oko a mojɔ moejimeli.

Baloma 10:10

Mojɔ bo moto ajimaka na molema, na alongaka boa; atataka na monɔkɔ na ahelaka boa.

Baloma 16:7

Abɛjɛni Anduloniko na Yunia, baninga bambi baya badi a njango o adi mbi mɛnɛ. Badi na gala epele a tei ebabwɛnji, na bajima Masiya oko mbi napetakini jima.

Baloma 5:21

A mojɔ momina, o adaka bobe na bokumu bobogwa, monganji moNjambe modi boda na bokumu bobomɔ oko na bosusu, a mojɔ moYesu Masiya Kumu osu.

Baloma 8:1

Bodumba boditi koko edɛye a mojɔ mobato baya badi a tei eMasiya Yesu.

Baloma 8:3

Mojɔ bo Njambe aloma Mwana’nde mɛnɛ a mojɔ mobobe, o ekua emunu mobobe, a bodumba bobe a munu. Mibeko miibwana bokɔ boa a mojɔ moboyɛmbu bomunu.

1 Bakolinto 1:30

Bomɔ bonu a tei eMasiya Yesu bohulaka oko ai yo. Njambe akɔ bo Masiya Yesu adae bowɛi, na bodongo, na bosɛnɔ, na lisiko, a mojɔ mosu.

2 Bakolinto 5:17

Mojɔ bo, isa moto adi a tei eMasiya, adi moto moyene. Ngando jiyou jisia. Ngando jisusu jidi oko jiyene.

2 Bakolinto 5:21

Masiya aijeba nongo bobe; Njambe ko amokɔ bo adae bobe a mojɔ mosu, bo so bodae bodongo boNjambe a tei ende.

Bagalata 2:16

bojebaka bo moto adi bolonga oko a mojɔ moejimeli ai Yesu Masiya pɛ, te nongo a mojɔ mobilomu biMibeko; mojɔ bo so bɛnɛ bojimea Masiya Yesu bo bolonge a mojɔ moejimeli ai Masiya, te nongo a bilomu biMibeko; cina bo pɛpɛ nongo moto odi bolonga a mojɔ mobilomu biMibeko.

Bafilipoi 3:6

Nadaka na bingi a bonɔngeja Denga. Nadaka na lisuma mɛnɛ a Mibeko, pɛpɛ nongo mojɔ.

2 Timoteo 1:9

Iyo abohelejai na abobei a elomu esɛnɔke, te a mojɔ mobilomu bisu bɛnɛ, oko a mojɔ momokano monde mɛnɛ, na monganji monde mopa yo so a tei eMasiya Yesu oko a libangake mɛnɛ.

Tito 3:5

yo aheleja so, te cina ebikɔmɛli bisu bipele, oko a mojɔ mowa ende mɛnɛ, na bosɛnoja bobobotama boyene, na eyoeli eyene eMwembo Mosɛnɔke

Baebele 6:18

A mojɔ momina, so baya bacii bo bobolame, bobwani bosapingeja na bopea boku njingo yena edi a boso bosu, cina emijɔ mi Mibae mia mitakputoa nongo, mojɔ bo Njambe atahɔnɔ bokosea na mijɔ mimina.

Yakobo 3:2

Iso basusu bodi na mabunga manɛnɛ. Isa moto aditi nongo na libunga a ebaeli ende, adi moto mobɔngɔke mɛnɛ yona odi na ngulu bo asangbindee mokuku mosusu.

Mokanda Momibae Mosɔnɔ Pɛtɛlo - 2PE 1:1

Simona Pɛtɛlo, mobuli na obwɛnji oYesu Masiya, aibaya bakatani na su a ejimeli emɔci a tei ebodongo boNjambe na boMoheleja osu Yesu Masiya.

1 Yoane 3:4

Moto na moto yona okɔkɔ bobe asopaka Mibeko. Bobe bosusu bodi oko bosopa boMibeko.