Bafilipoi 3:19 - Nouveau Testament en Ngombe 1961

¹⁹ Suka ebato bamina edi oko bogwa. Njambe obu adi oko sɔpɔ jibu bɛnɛ, na basakumejaka na sɔni ebu. Badi na bolɛ oko a ngando jingondo ye.

Bafilipoi 3:19 ပူးပေါင်းရင်းမြစ်များ

Matayo 16:23

Yesu ahekoa, abala na Pɛtɛlo bo, Donga ya Satana; ngɔngɔ jimbi! Odi oko libaku a njea embi. Mijɔ milɛkɛ wɛ midi oko mibato pɛ, te nongo miNjambe.

Matayo 25:41

Adi bobala na bato baebɔ ebali bo, Dongani ai mbi, ino bato bandakeja. Kɛni oko a mosa mua motadimea, mua mohɛngɛmɛ ai Satana na babwɛnji bande.

Luka 12:19

Nâsa ko nabale na mwembo mombi bo, Mwembo mombi, odejai leka lonɛnɛ mɛnɛ edɛye. Lobwani na bianga binɛnɛ; peta hema; yaka, mwaka, sasepeja.

Luka 16:19

Okina momi adaka konji. Elwaeli ende esusu edaka oko bisenja bibobuno bonɛnɛ bikpetu na bipu. Ayakaka leka lonɛnɛ lopele tu busa na busa.

Luka 18:4

Juji alona ekoka. Iyo ko alɛ ngɔngɔ bo, Mbi mtabangaka nongo Njambe; naditi nongo na lisuma ai okina moto.

Baloma 16:18

Bato bamina batakɔmɛkɛ Masiya Kumu osu; badi oko babuli basɔpɔ jibu bɛnɛ; bakoseaka milema mibato bayɛmbu na bibaeli bibu bipele, na poloso ebu.

Baloma 6:21

Edɛye ko, odini na sɔni a mojɔ mongando jimina. Ndese enu edaka bo? Mojɔ bo suka engando jimina edi bogwa.

1 Bakolinto 3:3

Odini na likaka na misoo a tei enu; oko boa oditini bato bamunu? ekɔmɛli enu, te ekɔmɛli ebato bangondo?

1 Bakolinto 5:2

Ino odini na egbo, na obwanini boyea bio a mojɔ momina. Enɔi na bopele bo odongejaeni ai no moto yona okɔkɔ mojɔ momina.

1 Bakolinto 5:6

Ino obwanitini bosakumeja. Otajebakani bo eketa ekɛkɛ elipetu edi bohekoja mitɛkɛ misusu oko lipetu?

2 Bakolinto 11:12

Mbi ko nadi bokɔ o akɔkɔ mbi edɛye, bo nagegeanejae bato baya basakumejaka bo babwani na su.

2 Bakolinto 11:15

Oko boa, bakɔmɛli bande bakakosea bo badi bakɔmɛli babodongo, bobwaniti bokamoa. Suka ebu êbwana na bikɔmɛli bibu.

Bagalata 6:13

Mojɔ bo, ibo bɛnɛ, bato baya bajimaka bolena, batasumaka Mibeko, na bapalaka bo balenejae no, bo basakumejae na mikuku minu.

Bafilipoi 2:21

Ibo batongo balɛkɛ oko ngando jibu bɛnɛ pɛ, te nongo jia jiMasiya.

Bakɔlɔsai 3:2

Bakeani milema minu a ngando jidiko, te a ngando jinase.

2 Batɛsalɔnike 1:9

Ibo bâdingoa na bodumba bua bodi na bosusu, na bâda na boso boKumu na ekumu engulu ende, kanga bohali mɛnɛ

2 Batɛsalɔnike 2:12

Oko boa, bato basusu baya baijimea Soti na basepa oko na bobe, bâdumbama oko bodumbama.

2 Batɛsalɔnike 2:8

Yona Mobe asa ko amane. Kumu Yesu ko adi bomowa na mohuli momo-nɔkɔ monde, na âmoghokeja na ekumu ehodoa bonde.

1 Timoteo 6:5

na bibalabala a tei ebato baya badi balaboake a milema Mibu; bapeliti nongo mojɔ mosoti, na badingaka bo ejimeli al Njambe edi njea a bokonja likonja.

2 Timoteo 3:4

bato bangabi, bato baelabe baya basakumejaka bo bɛnɛ; na Njambe na bo bɛnɛ, bapa-laka gbo oko bo bɛnɛ.

Yakobo 4:16

E dɛye ko, osakumejakani na egbo enu. Bosakumeja bomina bodi mojɔ mobe.

Mokanda Momibae Mosɔnɔ Pɛtɛlo - 2PE 2:1

Batɔndɔi babokosea badaka a tei ebato ehele, na bakoja babokosea badi bongɔ a tei enu pongono. Badi bodoa na mijɔ Mibokosea a bolaboja bato na poloso. Badi bongana Kumu yona obasikoa, na likundu libu litayeyoa a bodoa.

Mokanda Momibae Mosɔnɔ Pɛtɛlo - 2PE 2:13

Sepi ebu edi oko a bolangoa na mose. Badi bato bapita na bosɔtɔ; agolaka bo magola a tei enu, basasepejaka oko na ngando jibu jibosambolu.

Mokanda Momibae Mosɔnɔ Pɛtɛlo - 2PE 2:3

Bwasa bobu a tei enu bôda oko bikenge bibo-kosea, cina eposa elikonja. Mokindo ko mobato bamina mokoleama eyou, na likundu libu libwɛhti.

Yuda 1:10

Bato bamina ko baloleaka ngando jidi bo pɛ bocingea. Ejebeli ebu edi oko ejebeli etito, na basabejaka na ejebeli emina.

Yuda 1:16

Bato bamina badi bato babomɛmɛlɛ na bamanungunungu, baya basumaka oko posa jibu bɛnɛ; bibaeli bibu bidi bibaeli biegbo, na basakoaka bato oko na njingo ebosɔ eka.

Yuda 1:4

Cina bo bakina bato bakwei a tei enu na poloso, bato babe baya bahekojaka monganji moNjambe a bosambolu, na banga-naka Moswa na Kumu osu omɔci, Yesu Masiya. Mokindo mobato bamina mokoleama ehele.

Boboloja 18:7

O asakumejaka yo, na adaka yo na bikɔmɛli bibosambolu, Oko boa mopani yo molɔbɔ na bio oko na mwɛngi momina. Mojɔ bo abalaka a molema monde bo, Mbi nadi a ngɛndɛ ekumu, Naditi nongo mwali-obogwa, nitada nongo na mokwea.

Boboloja 19:20

Bapea Tito na motɔndɔi obokosea yona okɔkɔ mindumba, oko yona okosea bato na mindumba mimina, bato baya bama sɔ embete eTito, na baya bama sakoa elimo ende. Ibo basusu babae badumbama yana adaka bo mɔ, a libale limosa mosupulu.

Boboloja 21:8

A mojɔ mobimɛli ko, na baya bapeliti ejimeli, na bato babosambolu, na bawoi, na bato babɔɔli, na bato bademba, na basakoi babilimo, na bakosei basusu,—libondo libu lidi oko a libale limosa na supulu; bogwa bomina bodi bogwa bomabae.

Boboloja 22:15

Sokolu ko, oko mbwa, na bato bademba, na bato babɔɔli, na bawoi, na basakoi babilimo, na basusu baya bapalaka na bakɔkɔ bokosea.