Bafilipoi 3:12 - Nouveau Testament en Ngombe 1961

¹² Editi bo mbi namei a suka emina, isa bo mbi nabɔngi na soti. Endele ko, nakɔkɔ na bopipo bo namee a mwɛngi mua mobwani, cina bo Masiya apee mbi oko a mojɔ momina.

Bafilipoi 3:12 ပူးပေါင်းရင်းမြစ်များ

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Bikɔmɛli 9:15

Kumu ko abala na nde bo, Kɛ. Mbi nahɔi moto omina bo ajebejae kombe embi ai bapakano, ai bakumu, na ai bana baYisalaele.

Baloma 8:39

isa bogwa, isa bomɔ, isa babwɛnji baDiko, isa makumu, isa ngando jia jidi edɛye, isa ngando jia jikɛkɛ adoe, isa ngulu oho Diko isa ya nase, isa ekina eka etongo.

1 Bakolinto 13:10

Mua mobɔngi kanga mosusu ko mokaboloa, mua modi oko ekenge pɛ môsia.

1 Bakolinto 13:12

Bonjaka edɛye oko a talatala na ehindahindi; bô’nɛnɛ ko ngɔngɔ o bato baya bayɛlɛni. Edɛye, ejebeli embi edi oko ekenge pɛ; a busa bomina ko, nadi bojeba o ajebamaka mbi.

1 Bakolinto 9:24

Otajebakani bo bato bakapota mbambano, bapotaka bo basusu? yona osɔkɔ ndese ko, oko omɔci pɛ. Oko boa toma potani a bosɔ ndese.

2 Bakolinto 13:9

Iso bosepaka yana adi so na bwɛmbu, isa ino odini na bopipo. Bongaka bo obɔngeni na soti.

2 Bakolinto 7:1

Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

Bagalata 5:17

Mojɔ bo posa jimokuku jinaka na Mwembo, na posa jiMwembo jinaka na mokuku; jilonanaka oko bolonana, bo otakɔni ngando jipalaka no.

Baɛpɛsɔ 1:4

Iyo ahɔ so a tei ende oko ngondo ye epetakini yoama, ho bodae basɛnɔke, pɛpɛ nongo litɔnɔ a boso bonde.

Baɛpɛsɔ 4:12

a bobɔngeja basɛnɔke, a mojɔ moelomu ebokɔmɛ Denga, na a mojɔ moeyoeli emokuku moMasiya,

Bafilipoi 1:1

Paulo na Timoteo, bakɔmɛli baMasiya Yesu, ai basɛnɔke basusu baMasiya Yesu baya badi a Pilipoi, na ai banjeli na basuku baDenga pongono.

Bafilipoi 3:16

Mojɔ momɔci ko, bobwani bodala a njea yena edi boso, oko na lisuma a ngando jijebaka so.

Bafilipoi 3:3

Babolena-ganda basoti badi oko so baya basakoaka Njambe a mwembo, baya bakumejaka Masiya Yesu, na bapeliti nongo ejimeli a ngando jimokuku.

Bafilipoi 3:8

Ee soti, mbi nalangaka ngando jisusu o ngando jingasa pɛ, a mojɔ moejebeli eMasiya Yesu Kumu ombi yena enɔi na yumu. Najima bo nabungejae ngando jisusu a mojɔ monde; najilangaka o pita pɛ, bo Leka lombi loyumu lodae oko Masiya pɛ, na bo nadae a tei ende,

1 Batɛsalɔnike 5:15

Nganjamani bo moto atasɔmbeja bobe oko na bobe; dukani njea a bokɔ bopele, moto ai mina’nde moto, na ai bato basusu.

2 Batɛsalɔnike 2:13

Baninga, Kumu adi na nu ngɛnjɔ; na so bobwani bosakoa Njambe bihole bisusu mojɔ bo Njambe ahɔ no oko a libangake bo oheleni, oko na hosɛnoja boMwembo, na cina eejimeli eSoti.

1 Timoteo 5:10

Adi boda na esako epele a mojɔ mobikɔmɛli binde bipele, mwali yona obɔkɔ bana, yona odaka na monganji ai bakɛndɛli, yona ososa bibota bibato baDenga, yona okɔmeja bato baya badaka na monɔngɔ, na odaka na bingi a ngando jisusu jipele.

1 Timoteo 6:19

Oko boa badi bobomba likonja liyumua mojɔ moehole ebodoa, a edejai esoti, bo badae na bomɔ bua bodi bomɔ bosoti.

Baebele 12:14

Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

Baebele 12:23

Odoini a likita na denga dibana basɔmi baya badi na kombe jibu oho Diko, ai Njambe yona odi Juji obato basusu, a miembo Mibato baejimeli baya babɔngɔ.

Baebele 13:21

Yɛ abɔngejae no na ngando jisusu jipele a bokɔ bolulea bonde, na akɔe a tei enu o apalaka yo, a mojɔ moYesu Masiya. Ekumu ai yo oko na bosusu. Amen.

Yakobo 3:2

Iso basusu bodi na mabunga manɛnɛ. Isa moto aditi nongo na libunga a ebaeli ende, adi moto mobɔngɔke mɛnɛ yona odi na ngulu bo asangbindee mokuku mosusu.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.