Bafilipoi 3:1 - Nouveau Testament en Ngombe 1961

¹ Mojɔ motongo baninga, sepakani a tei eKumu. Mbi nitangwa nongo bosɔnea no ekenge emina, na obwanini boejima.

Bafilipoi 3:1 ပူးပေါင်းရင်းမြစ်များ

Matayo 5:12

Sepani, dani na enanga, mojɔ bo ndese enu edi enɛnɛ oho Diko. Badingoja batɔndɔi baehele koko boa.

Luka 1:47

Na mwembo mombi mosepaka na Njambe Moheleja omhi,

Baloma 5:11

Mojɔ motongo koko; sepi esu edi oko ai Njambe, a mojɔ moKumu osu Yesu Masiya yona okwea bosiili a mojɔ mosu.

2 Bakolinto 13:11

Mojɔ mosuka baninga,—asɔni njɛbɛ embi. Bɔngejani midi minu. Hokeani eleho embi. Dani na molema momɔci. Dani na bowi, na Njambe obowi lida na nu.

Baɛpɛsɔ 6:10

Mojɔ mosuka,—sapingejani a tei eKumu na bopipo bondangasa ende.

Bafilipoi 3:3

Babolena-ganda basoti badi oko so baya basakoaka Njambe a mwembo, baya bakumejaka Masiya Yesu, na bapeliti nongo ejimeli a ngando jimokuku.

Bafilipoi 4:4

Sepakani ai Kumu bihole bisusu; najɔkɔ na nu koko bo, Sepakani.

Bafilipoi 4:8

Mojɔ mosuka baninga, baneani a milema minu oko ngando jia jidi soti, jia jibɔngi, jia jidi bojo, jia jidi jisɛnɔke, jia jidi na epaeli, jia jidi na gala epele,—isa jinɔi na bopele, isa jibwani na bosakoa.

1 Batɛsalɔnike 4:1

Mojɔ motongo baninga; okoanani na su ekɔmɛli yena ebwani na nu a bosepeja Njambe. Oko boa bongɔɔnɔkɔ no, na bolehaka no e dɛye a kombe eKumu Yesu, bo odaeni na ekɔmɛli emina. Okɔkɔni boa; endele ko, toma nɔjɔni mwɛngi momina.

1 Batɛsalɔnike 5:16

Sepani bihole bisusu.

Yakobo 1:2

Baninga, okanɛni bomeka tungu na tungu, dani na sepi a mojɔ momina.

1 Pɛtɛlo 3:8

Mojɔ motongo; dani no basusu na molema momɔci, na peye na epaeli ai baninga, na wa, na bombɔki.

1 Pɛtɛlo 4:13

Sepani ko a mojɔ momina, mojɔ bo osɔkɔni libondo limadingoa maMasiya, bo odaeni koko na sepi na enanga a boboloa boekumu ende.

Mokanda Momibae Mosɔnɔ Pɛtɛlo - 2PE 3:1

Baninga, imu modi e dɛye mokanda moMibae mosɔnei mbi no. Namekaka bosisoja bolɛ bonu bopele na bileho a mikanda misusu Mibae,