Bafilipoi 2:15 - Nouveau Testament en Ngombe 1961

¹⁵ bo odaeni bana baNjambe baya baditi nongo na mojɔ, baya badi na milema mi yɛmbu, pɛpɛ nongo litɔnɔ a tei eelulu ye engulumake elipanga. Ino odini a tei ebu o paka jia jihojaka ngondo.

Bafilipoi 2:15 ပူးပေါင်းရင်းမြစ်များ

Matayo 10:16

Hokeani; mbi nalomaka no o bata baya bahikami na swa. A mojɔ momina, toma dani na bopasa bonjɔ na bowi bosungu.

Matayo 17:17

Yesu amosɔmbeja bo, Elulu ye epeliti ejimeli, na edi elaboake. Mbi nadi boyeyoa na nu ekoka? Nadi bohɔnɔ mijɔ minu ekoka? Doani na mwana ai mbi.

Matayo 5:45

Oko boa ôdani bana baSangwa’nu yona odi oho Diko. Mojɔ bo yo ahojaka busa ai bato babe na bato bapele. Alomaka mbua a mojɔ mobato bapele na bato babe pongono.

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Luka 1:6

Ibo basusu babae badaka bato babodongo a miso maNjambe. Basumaka mibeko na ngando jiNjambe jisusu na soti mɛnɛ.

Luka 6:35

Ino ko, toma dani na epaeli ai soki jinu; kɔkɔni bopele; bekejani na t’odaeni oko na tɛndɛ ebosɔ koko, na ndese enu êda enɛnɛ, na ôdani bana baYona oBonɔ; mojɔ bo yo akɔkɔ monganji ai baya badi na lima, na ai bato babe.

Yoane 5:35

Yoane adaka paka yena eyoaka, na epaka bohu; na odakani na posaa bosepa a mojɔ mobohu bonde ekina ehole.

Bikɔmɛli 2:40

Pɛtɛlo abatɔndɔ mijɔ mitongo minɛnɛ, na abaleha bo, Ciani elulu ye engulumake!

Bikɔmɛli 20:30

Na bato badi bongɔ a tei enu bɛnɛ a bokoja mijɔ mibokosea, na bâlaboja bacingami.

Baloma 16:19

Bato basusu bajebaka mojɔ molisuma linu, na mbi nasepaka a mojɔ monu. Endele ko, napalaka bo ejebeli enu edae oko a ngando jipele; a mojɔ mobobe, dani o bana.

1 Bakolinto 1:8

Iyo adi bombihmeja no oko a suka mɛnɛ, bo otadani na mojɔ nongo momɔci, a busa boKumu osu Yesu Masiya.

2 Bakolinto 6:17

A mojɔ momina, Kumu abalaka bo, Imanani a tei ebu; sahɛngɛni; Pɛ bobɛnjɛni nongo eka ebosɔtɔ, Na mbi nâsɔ no bopele.

Baɛpɛsɔ 5:27

Akɔ boa bo Denga dimae a boso bonde na ekumu enɛnɛ, lihɛngɛmɛke na lisɛnɔke, pɛpɛ nongo litɔnɔ, isa maninginingi, isa mojɔ motongo.

Bafilipoi 1:10

a bombetea ngando jia jinɔi na bopele, bo odaeni pɛpɛ nongo mojɔ, pɛpɛ nongo pita, a mojɔ mobusa boMasiya.

Bafilipoi 3:6

Nadaka na bingi a bonɔngeja Denga. Nadaka na lisuma mɛnɛ a Mibeko, pɛpɛ nongo mojɔ.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

1 Timoteo 3:10

Bopele bo bapete meka; na bakapasama na soti, pɛpɛ nongo mojɔ, babwani bokɔ elomu ebasuku baDenga.

1 Timoteo 3:2

Monjeli oDenga ko adi boda na esako epele mɛnɛ, momi omwali omɔci pɛ, moto obowi na molema motitake, moto oyongi epele yona odi na monganji ai bato, na bowɛi a bokoja;

1 Timoteo 5:14

A mojɔ momina, mbi napalaka bo bali-babogwa baya baditi basuku balongane koko, babote bana na babanee ndako jibu. Oko boa, baya badi na su soki batadiha njea a bololea so.

1 Timoteo 5:20

Isa bakina bakɔkɔ bobe, toma lemoa na bu a boso bobato basusu, bo batongo babange.

1 Timoteo 5:7

Toma baleha na bopipo a mojɔ mongando ji, bo batakwa na mijɔ.

Tito 1:6

Mosuku oDenga abwani boda na ekɔmɛli esɛnɔke mɛnɛ, oko momi yona odi na mwali omɔci pɛ, na bana bande bato baejimeli baya baditi na lipanga, na baya baditi na gala ebe.

Tito 2:10

baditi boda na liba; babwani boda na lisuma linɛnɛ lisoti, bo bokoja boNjambe Moheleja osu bodae na gala epele a mojɔ mobikɔmɛli bibu bisusu.

Tito 2:15

Koja ngando jimina. Leha, na lemoa na bato na kpaci enɛnɛ. T’ojime oko bo moto asɛtojae wɛ.

Baebele 7:26

Nganga monɛnɛ yona odi boa abwana na su soti, mosɛnɔke, pɛpɛ nongo lindo, pɛpɛ nongo litɔnɔ, mobɔtɔnɔke na babe, yona ongɔjɔmɔ a Diko yena enɔi.

1 Pɛtɛlo 2:12

Dani na mida mipele a tei ebapakano. Oko boa, nongo bakalɔngɔ no o bato babe, badi bonɛ bikɔmɛli binu bipele, na bakumeja Njambe a busa bobo-doa bonde ai bo.

1 Pɛtɛlo 2:9

Ino ko odini mbota ehɔmɔke, nganga babokumu, likota lihɛngɛmɛke, bato baNjambe, bo onejaeni bilomu bipele binde yona obea no bo omaneni a modidi, a boda a bohu bonde bua bodi mojɔ mobokamoa.

Mokanda Momibae Mosɔnɔ Pɛtɛlo - 2PE 3:14

A mojɔ momina baninga, alɛndɛkɛ no ngando jimina, kɔni na bingi bo yo abolojae no, pɛpɛ nongo litɔnɔ, pɛpɛ nongo mojɔ, oko na bowi.

Boboloja 2:5

Toma lɛ esika ekwi wɛ; hekoja molema mowɛ; kɔ bilomu biboso. Omiti kɔ boa, omiti hekoja molema mowɛ, mbi nadi bodoa ai wɛ, na nâdongeja paka ewɛ.

Boboloja 3:9

Baya badi basinagoge eSatana, baya babalaka bo badi BaYuda na baditi BaYuda, na bakoseaka, mbi nadi bobahuda ai wɛ bo basasunee a boso bobibota biwɛ, bo bajebe bo mbi napalaka wɛ.