Bafilipoi 2:11 - Nouveau Testament en Ngombe 1961

¹¹ na bo minɔkɔ nususu mijime bo Yesu Masiya adi Kumu, a mojɔ moekumu eNjambe Sango.

Bafilipoi 2:11 ပူးပေါင်းရင်းမြစ်များ

Matayo 10:32

Moto akajima bo adi moto ombi a boso bobato, mbi nadi bojima moto omina a boso boSangwa’mbi yona odi oho Diko.

Luka 2:11

Moheleja abotami ai no busa bu a ngando eDawidi, Kumu Masiya.

Yoane 12:42

Endele ko, basuku bangando banɛnɛ bamojimea. Ibo ko badaka na bɔ a mojɔ moBaPalusi, na baitɔndɔ mojɔ momina a bohu, bo batabameja a sinagoge.

Yoane 13:13

Obeakani mbi Mokoja na Kumu onu, na olongini, mojɔ bo nadi boa.

Yoane 13:14

Oko boa, isa mbi nasosi bibota binu, mbi Kumu na Mokoja onu, toma sosanani bibota no bɛnɛ.

Yoane 14:13

Mbi nadi bokɔ mijɔ misusu mingaka no a kombe embi, bo Sango asɛ ekumu na Mwana.

Yoane 14:23

Yesu amosɔmbeja bo, Isa moto adi na mbi ngɛnjɔ, adi bosuma bikenge bimbi. Sangwa’mbi ada na moto omina ngɛnjɔ, na so bôdoa ai yo a boda a tei ende.

Yoane 17:1

Yana aseja yo bobala bikenge bimina, Yesu akahoa miso oho Diko, na abala bo, Sesa, ehole emei. Kumeja Mwana’wɛ bo Mwana’wɛ akumejae wɛ.

Yoane 20:28

Toma amosɔmbeja bo, Kumu ombi na Nja-mbe ombi!

Yoane 5:23

bo bato basusu badae na lisuma ai Mwana, o asumaka bo Sango. Yona odi pɛ bosuma Mwana, aditi na lisuma ai Sango yona omoloma.

Yoane 9:22

Baboti bande babala boa mojɔ bo babangaka BaYuda; cina bo BaYuda bama jima bo moto akajima bo Yesu adi Masiya, badi bomomeja a sinagoge.

Bikɔmɛli 10:36

Njambe aloma bwɛnji bonde ai bana baYisalaele, oko Mwako Mopele mobowi, na Yesu Masiya yona odi Kumu obato basusu.

Bikɔmɛli 2:36

Oko boa, bato basusu badenga diYisalaele babwani bojeba bo Njambe abakea Yesu bo adae Kumu na Masiya, oko yona owa ’no a mole-mobokea.

Baloma 14:11

Mojɔ bo mosɔnɔmɔ bo, Kumu abalaka bo, Mbi nadi mɔ; Bato kanga basusu mɛnɛ badi botita na magbunda a boso bombi. Bato kanga basusu mɛnɛ badi bosakoa Njambe na minɔkɔ mibu.

Baloma 14:9

Yesu agwa na ahela koko oko a mojɔ momina, bo adae Kumu obagwake, na Kumu obato baya badi mɔ.

Baloma 15:9

na bo bapakano bakumejae Njambe a mojɔ momonganji monde. Mosɔnɔmɔ boa bo, A mojɔ momina, mbi nâsakoa wɛ a tei emakota; Nâkumeja kombe ewɛ na njembo.

1 Bakolinto 12:3

A mojɔ momina, napalaka bo ocingeeni bo Mwembo moNjambe mokabaleja moto, moto omina atahɔnɔ bosinga Yesu. Na moto amiti da na Mwembo Mosɛnɔke, atahɔnɔ bobala bo Yesu adi Kumu.

1 Bakolinto 15:47

Moto oboso ahula a kpɔtɔ, moto onase. Moto obabae ahula oho Diko.

1 Bakolinto 8:6

ai so ko, Njambe adi oko omɔci pɛ, oko Njambe Sango. Leka losusu lohulaka ai yo, na so bodi oko ai yo. Na Kumu adi oko omɔci pɛ, oko Yesu Masiya. Leka losusu lodi a mojɔ monde, na so bodi a mojɔ monde.

1 Pɛtɛlo 1:21

Ejimeli enu ai Njambe edi a njea ende. Na Njambe amongɔjɔ a bogwa, na amokumeja, bo ejimeli enu, na njingo enu, jidae oko ai yo.

1 Yoane 4:15

Moto na moto yona ojimaka bo Yesu adi Mwana ’Njambe, Njambe adi a tei ende, na yo mɛnɛ a tei eNjambe.

1 Yoane 4:2

Odini bombetea Mwembo mo-Njambe oko na mojɔ mu; miembo misusu mia mijamaka bo Yesu Masiya adoa o moto, micingi na Njambe.

2 Yoane 1:7

Mojɔ bo bakosei banɛnɛ banangani a ngondo, baya batajimaka bo Yesu Masiya adoa o moto. Yona odi boa adi mokosei, na adi soki-eMasiya.

Boboloja 3:5

Iyona ogbokejaka adi bolwa bisenja bipu boa, na mbi nitahakoa kombe ende a mokanda mobomɔ. Nâjima kombe ende a boso boSangwa’mbi na a boso bobabwɛnji bande baDiko.