Bafilipoi 1:11 - Nouveau Testament en Ngombe 1961

¹¹ Yɛ lituna linu lidae lituna limbuma jipele jibodongo jia jidi a tei eYesu Masiya, a bokumeja na bosepeja Njambe.

Bafilipoi 1:11 ပူးပေါင်းရင်းမြစ်များ

Matayo 5:16

Oko boa, kinani eyoi enu eyoe a boso bobato. Baka’nɛ bikɔmɛli binu bipele, badi bokumeja Sangwa’nu yona odi oho Diko.

Yoane 15:16

Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no.

Yoane 15:2

Iyo atɛndɔkɔ bitape bimbi bisusu bia bidi pɛ bobota mbuma. Na alenaka suka jibitape bisusu bia bibotaka, bo libota lihɛe.

Yoane 15:8

Okabotani mbuma jinɛnɛ a boneja bo odini bacingami bambi, Sangwa’mbi adi bosɔ ekumu na mojɔ momina.

Baloma 15:28

Oko boa, namaka sieja mojɔ momina, na namaka bapeja bipeeli bi, nasa ko nakɛe mɔngɔ a Sepania, na nânɔ njea enu.

Baloma 6:22

Edɛye ko osikoamini a bobe, na odini babuli baNjambe. Mbuma jibotaka no jidi oko bosɛnɔ, na suka emina edi oko bomɔ bua bodi na bosusu.

1 Bakolinto 10:31

Cina edi bo, okayakani isa okamwakani, isa okakɔni mokina mojɔ motongo, kɔni mijɔ misusu a bokumeja Njambe.

2 Bakolinto 9:10

Iyo, yona opaka moswa ’gbie ngua a bona, na molɛmbɛ a boyaka, adi bopa no ngua na likabo linɛnɛ mɛnɛ; na adi bohɛjɛ mbuma jinu jibodongo.

Baɛpɛsɔ 1:12

Cina emina edi bo gala eekumu ende ehɛe a mojɔ mosu baya bajima Masiya boso.

Baɛpɛsɔ 1:14

mua modi ndanga elisango lisu, oko a ehole ebosɔ lisango limina, a mojɔ mobosakoa ekumu ende.

Baɛpɛsɔ 2:10

Mojɔ bo ’so bodi elomu ekɔkɔ Njambe; boyoama a tei eMasiya a mojɔ mobilomu bipele, na Njambe abisɛlingoa eyou bo bokɔe bilomu bimina. Bokatana a tei eMasiya

Baɛpɛsɔ 5:9

Mojɔ bo bohu bobotaka oko ngando jisusu jipele, jibɔngɔke na jisoti.

Bafilipoi 4:17

Yena edukaka mbi ko editi epeeli mɛnɛ; nadukaka oko bo odaeni na mbuma jinɛnɛ a mojɔ moesako enu.

Bakɔlɔsai 1:10

bo odaeni na mida mia midi bokumeja kombe eKumu, mia midi bomosepeja na soti, na bo oboteni mbuma a tei ebilomu bisusu bipele, na bo ohɛeni na ejebeli eNjambe.

Bakɔlɔsai 1:6

Mwako momina momea ai no, mojɔ bo monanganaka a ngondo esusu. Mobotaka mbuma na mokɛkɛ bohɛ; modi oko boa a tei enu pongono, banga na busa boka no, na bojeba no, cina emonganji moNjambe na soti.

2 Batɛsalɔnike 1:12

bo kombe eKumu osu Yesu Masiya edae na ekumu a tei enu, na bo odaeni na ekumu a tei ende, cina emonganji moNjambe osu naKumu Yesu Masiya.

Tito 3:14

Bato basu badi bokoa bo bakɔe bilomu bipele.

Baebele 12:11

Bosisa bosusu bodi na mwano a ehole emina, te nongo sepi. Bato ko hakakoa na mojɔ momina, bosisa bomina bobotaka mbuma jibowi na bodongo ai bo.

1 Pɛtɛlo 2:12

Dani na mida mipele a tei ebapakano. Oko boa, nongo bakalɔngɔ no o bato babe, badi bonɛ bikɔmɛli binu bipele, na bakumeja Njambe a busa bobo-doa bonde ai bo.

1 Pɛtɛlo 2:5

Ino pongono toma dani matai maya madi mɔ, maya mayoama a ndako emwembo, na nganga basɛnɔke a bopa masiko mamwembo maya masepejaka Njambe a njea eYesu Masiya.

1 Pɛtɛlo 2:9

Ino ko odini mbota ehɔmɔke, nganga babokumu, likota lihɛngɛmɛke, bato baNjambe, bo onejaeni bilomu bipele binde yona obea no bo omaneni a modidi, a boda a bohu bonde bua bodi mojɔ mobokamoa.

1 Pɛtɛlo 4:14

Bakapɔmbeja no a mojɔ mokombe eMasiya, odini na bojongoa, mojɔ bo Mwembo moekumu, Mwembo moNjambe modi ai no.