Bafilipoi 1:1 - Nouveau Testament en Ngombe 1961

¹ Paulo na Timoteo, bakɔmɛli baMasiya Yesu, ai basɛnɔke basusu baMasiya Yesu baya badi a Pilipoi, na ai banjeli na basuku baDenga pongono.

Bafilipoi 1:1 ပူးပေါင်းရင်းမြစ်များ

Malako 13:34

Mojɔ momina modi o moto yona okɛkɛ mokina mɔngɔ. Akinaka ndako ende a mɔmɔ mabakɔmɛli bande, moto na moto na elomu ende, na akinaka monɔkɔ na sinjili bo abanee ngando bopele.

Yoane 12:26

Isa moto akɔmɛkɛ mbi, yɛ asuse mbi. Mokɔmɛli ombi abwani boda oko a esika edi mbi. Sangwa’mbi âkumeja moto na moto yona okɔmɛkɛ mbi.

Bikɔmɛli 1:20

Mosɔnɔmɔ a mokanda moNjembo bo, Kina ndako ende edikae mopɔtu, Bo moto atada nongo ena. na Kina moto otongo asangoe elomu ende.

Bikɔmɛli 20:28

Mwembo Mosɛnɔke mohɔ no habanei babwela a bobɔkɔ Denga diNjambe dia disikoa yo na makia mande mɛnɛ. A mojɔ momina toma sabaneani no bɛnɛ, na baneani bwela bosusu pongono.

Bikɔmɛli 9:13

Anania asɔmbeja bo, Kumu, mbi nakaka bato banɛnɛ bakabale a mojɔ momoto omina, na a mojɔ mobobe bokɔkɔ yo ai bato bawɛ oho Yelusalema.

Baloma 1:1

Mbi Paulo nadi mobuli oYesu Masiya. Nabeama bo nadae obwɛnji; nahɛngɛmɛ a mojɔ moMwako Mopele moNjambe

Baloma 1:7

Njɛbɛ ai no basusu oho Loma baya basɔ epaeli eNjambe, na babeama bo badae basɛnɔke. Yɛ monganji na bowi boNjambe Sangwa’su na Kumu Yesu Masiya bodae ai no.

1 Bakolinto 16:10

Timoteo akamea, kɔni bo adae a tei enu o bina’nde, mojɔ bo akɔkɔ elomu eNjambe o akɔkɔ mbi mɛnɛ.

2 Bakolinto 1:1

Njɛbɛ esu Paulo obwɛnji oMasiya Yesu a mojɔ mobolulea boNjambe, na mwangwa’mbi Timoteo, a Denga diNjambe dia didi a Kolinto, na ai bato basusu baMasiya baya badi a likota lisusu liAkaya.

Bagalata 1:10

Edukaka mbi e dɛye nde? —gala epele a miso mabato, isa a miso maNjambe? Mbi napalaka bo nasepejae bato soti? Akɔki mbi pala bosepeja bato pɛ, ka naditi nongo mokɔmɛli oMasiya.

Bagalata 3:26

Mojɔ bo odini no basusu bana baNjambe a mojɔ moejimeli ai Yesu Masiya.

Bagalata 3:28

A tei ende, moto aditi MoYuda isa MoEla, isa mobuli isa sɔmi, isa momi isa mwali, mojɔ bo odini no basusu moto omɔci a tei eMasiya Yesu.

Baɛpɛsɔ 1:1

Njɛbɛ embi Paulo, obwɛnji oMasiya Yesu a mojɔ mobolulea boNjambe, ai baMasiya baya badi oho Ɛpɛsɔ, na baya badi na lisuma ai Masiya Yesu.

Baɛpɛsɔ 1:15

Mbi naka mwako moejimeli enu ai Kumu Yesu, na ngɛnjɔ enu ai bato bande basusu.

Baɛpɛsɔ 6:24

Yɛ monganji moNjambe modae na bato basusu baya bapalaka Kumu osu Yesu Masiya na ngɛnjɔ yena etasia.

Bafilipoi 2:19

Njingo embi edi ai Kumu Yesu bo nalomee no Timoteo ngɔngɔ bosme; oko boa nadi boka miako minu, na molema mombi modi bogɔmbɔ.

Bafilipoi 2:5

Kinani bo molema mua modaka a tei eMasiya modae a tei enu.

Bafilipoi 3:12

Editi bo mbi namei a suka emina, isa bo mbi nabɔngi na soti. Endele ko, nakɔkɔ na bopipo bo namee a mwɛngi mua mobwani, cina bo Masiya apee mbi oko a mojɔ momina.

Bafilipoi 3:3

Babolena-ganda basoti badi oko so baya basakoaka Njambe a mwembo, baya bakumejaka Masiya Yesu, na bapeliti nongo ejimeli a ngando jimokuku.

Bafilipoi 3:8

Ee soti, mbi nalangaka ngando jisusu o ngando jingasa pɛ, a mojɔ moejebeli eMasiya Yesu Kumu ombi yena enɔi na yumu. Najima bo nabungejae ngando jisusu a mojɔ monde; najilangaka o pita pɛ, bo Leka lombi loyumu lodae oko Masiya pɛ, na bo nadae a tei ende,

1 Batɛsalɔnike 1:1

Paulo na Sakwano na Timoteo a Denga diBaTɛsalɔnike dia didi a a tei eNjambe Sango na Kumu Yesu Masiya. Yɛ monganji moNjambe na bowi bodae na nu.

1 Batɛsalɔnike 2:2

Nongo ama so dingoa na ama so samboa a Pilipoi, bomi hɛ oko na eci eNjambe, o ajebaka no, a botɔndɔ no Mwako Mopele moNjambe o bila mɛnɛ.

2 Batɛsalɔnike 1:1

Paulo na Silwano na Timoteo, a Denga diBaTɛsalɔnike dia didi a tei eNjambe Sangwa’su na Kumu osu Yesu Masiya.

2 Batɛsalɔnike 1:10

yana âdoa yo, bo basɛnɔke bande bamokumejae, na bato basusu baya bajimaka bakamoe a busa bomina (cina bo ojimani tati esu a tei enu).

1 Timoteo 1:2

Yɛ monganji, na wa, na bowi boNjambe Sango na Masiya Yesu Kumu osu bodae na wɛ.

1 Timoteo 3:8

Basuku baDenga pongono badi boda bato bayongi epele, m nongo bato baminɔkɔ Mibae, isa bato babolangoa, isa bato baya badi na posa elikonja.

Tito 1:1

Mbi Paulo, mobuli oNjambe, na obwɛnji oYesu Masiya a mojɔ moejimeli ebahɔmɔke baNjambe, na ejebeli engando jisoti yena ebwani na ekɔmɛli ebato baNjambe,

Tito 1:7

Mojɔ bo monjeli oDenga abwani boda na ekɔmɛli esɛnɔke yena ebwani na mokɔmɛli oNjambe, te nongo moto oegbo na kɛlɛ, isa moto obolangoa, isa moto odane, isa moto yona odi na posa elikonja.

Pilemona 1:1

Mbi Paulo, lisungu liMasiya Yesu, na Timoteo mwangwa’su ai Pilemona moninga osu a elomu,

Baebele 13:23

Obwanmi bojeba bo bacingoi mwangwa’su Timoteo. Akamea bokpa, iso na nde bodi bo’nɛnɛ na nu.

Yakobo 1:1

Njɛbɛ embi Yakobo, mokɔmɛli oNjambe na oKumu Yesu Masiya, ai makota domi-na-mabae maya manangana.

1 Pɛtɛlo 2:25

Odakani o bata balaboake; e dɛye ko ohulini ai Monjeli na Mobanei omiembo minu.

Mokanda Momibae Mosɔnɔ Pɛtɛlo - 2PE 1:1

Simona Pɛtɛlo, mobuli na obwɛnji oYesu Masiya, aibaya bakatani na su a ejimeli emɔci a tei ebodongo boNjambe na boMoheleja osu Yesu Masiya.

Yuda 1:1

Mbi Yuda, mobuli oYesu Masiya, na mwanange ’Yakobo, ai baya babeama, baya basɔ ngɛnjɔ eNjambe na baya babaneamaka a mojɔ moYesu Masiya.

Boboloja 1:1

Ibu bodi boboloja boYesu Masiya. Njambe abomopa bo anejae bakɔmɛli bande ngando jia jidi bodoa bokpa; na yo ajebeja mokɔmɛli onde Yoane mojɔ momina, yana amolomea yo obwɛnji onde.

Boboloja 1:20

Cina enjɔtɔ sambo bani wɛ a ebɔ embi ebami, na paka jiwɔlɔ sambo edi oko ye; njɔtɔ sambo badi babwɛnji baMenga sambo, na paka sambo jidi Menga sambo.

Boboloja 19:10

Mbi nasadumba a bibota binde bo namosakoe. Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na baninga bawɛ baya babaneaka tati eYesu. Sakoa oko Njambe. Mojɔ bo tati eYesu edi mwembo moeseko.

Boboloja 2:12

Sɔnea obwɛnji oDenga diPelugamona bo, Iyona odi na abɛnɛ onjɛngɔ jibae jipɔlu abalaka mijɔ mimi.

Boboloja 2:8

Sɔnea obwɛnji oDenga diSemuluna bo, Iyona oboso, yona osuka, yona ogwa na ohela koko, abalaka mijɔ mimi.

Boboloja 22:9

Iyo ko abala na mbi bo, yɛ bokɔ boa! Mbi nadi oko mokɔmɛli pɛ, o adi wɛ mɛnɛ, na batɔndɔi baninga bawɛ, na bato basusu baya basumaka bikenge bimokanda mu. Sakoa oko Njambe.