Baebele 9:28 - Nouveau Testament en Ngombe 1961

²⁸ Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

Baebele 9:28 ပူးပေါင်းရင်းမြစ်များ

Matayo 20:28

o adi Mwana ’Moto yona odoa bo apɛ mohelo monde o lisiko libato banɛnɛ, te bo bato badi bomokɔmɛ.

Matayo 25:31

Mwana ’Moto akadoa na babwɛnji bande basusu a ekumu ende, adi boda a ngɛndɛ eekumu ende.

Matayo 26:28

Mojɔ bo kɔpɔ ye edi makia mambi maMokongo, maya masopei a mojɔ mobato banɛnɛ, a bobacingoa a jibe.

Yoane 14:3

Nakakɛ a bosɛlingoa esika a mojɔ monu, nâhula koko bo nasɛ no ai mbi, bo odaeni oko a esika edi mbi mɛnɛ.

Bikɔmɛli 1:11

Ibo babala bo, Ino bami baGalile, okahoakani miso diko boa mojɔ moye? Iyo Yesu yona odaki na nu, yona otombami oho Diko, ahulabi koko boa, o amoni no akɛkɛ oho Diko.

Baloma 3:25

Njambe amoloma bo adae lisiko a mojɔ momakia mande, ai baya bajimaka. Oko boa Njambe aneja bodongo bonde, mojɔ bo akina jibe jia jikɔɔmɔ ehele, pɛ bosambeja.

Baloma 5:15

Bobe bodi tungu emɔci; epeeli emonganji ko edi tungu etongo. Mojɔ bo, isa bato banɛnɛ bagwa cina ebobe bomoto omɔci, monganji moNjambe, na epeeli emonganji emoto omɔci, oko Yesu Masiya, ehɛ a mojɔ mobato banɛnɛ.

Baloma 6:10

Iyo agwa, na bogwa bonde bodaka oko ehole emɔci pɛ a mojɔ mobobe. Edɛye ko, adi mɔ; na bomɔ bonde bodi oko ai Njambe.

Baloma 8:23

Te leka lokɔ Njambe pɛ, oko so bɛnɛ baya bajui mbuma jiboso jiMwembo, bobemaka a tei esu yana ambaka so lisiko limikuku misu, oko bosɔmi bosu.

Baloma 8:3

Mojɔ bo Njambe aloma Mwana’nde mɛnɛ a mojɔ mobobe, o ekua emunu mobobe, a bodumba bobe a munu. Mibeko miibwana bokɔ boa a mojɔ moboyɛmbu bomunu.

1 Bakolinto 1:7

A mojɔ momina, pɛpɛ nongo ekina epeeli eMwembo ebwani botaka na nu. Ombakani oko bodoa boKumu osu Yesu Masiya.

1 Bakolinto 15:54

Mokuku mobopɔ mokalwa mokuku mua mobwaniti bopɔ, na mokuku mobogwa mokalwa mokuku mua mobwaniti bogwa, ekenge yena esɔnɔmɔ edi bongama bo, Bogwa bogboki na lilonga.

1 Batɛsalɔnike 1:10

na a bo’mba bohula boMwana’nde oho Diko yona ongɔjɔ yo a bogwa, oko Yesu yona ohelejaka so a likundu lia likɛkɛ adoe.

2 Batɛsalɔnike 2:1

Baninga, a mojɔ mobodoa boKumu osu Yesu Masiya na bobolea bosu ai yo, bongɔɔnɔkɔ no

2 Timoteo 4:8

E dɛye, likongo libodongo lisɛlingoami a mojɔ mombi; Kumu yona osambejaka na soti, âebakea ai mbi a busa bomina; te nongo ai mbi pɛ, oko ai bato basusu baya badi na posa ebodoa bonde.

Tito 2:13

Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

Baebele 1:14

Babwɛnji-baDiko basusu baditi miembo Mibokɔmeja? Abalomaka bo bakɔmɛe basangoli bamobelo.

Baebele 10:10

Na so bohɛngɛmɛ ai Njambe cina ebolulea bomina, a mojɔ moepeeli emokuku moYesu Masiya o lisiko ehole emɔci, yena ebwani na bosusu.

Baebele 12:14

Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

Baebele 2:3

esingaiti so; bokabulɛ boheleja bu bonɛnɛ, bodi bohela na ye? Kumu yo mɛnɛ abanga botɔndɔ mojɔ moboheleja bomina, na baya bamoka banga-meja mojɔ momina ai so.

Baebele 4:15

Mojɔ bo, iso boditi na Nganga Monɛnɛ yona opeliti wa ai so yana adi so na bwɛmbu, oko Nganga Monɛnɛ yona onɔ njea jisusu jibomeka o akɔkɔ so, pɛ ko bokɔ nongo bobe.

Baebele 5:9

Na ama yo bɔngɔ a njea jisusu, ami da oko moboloja omohelo na bosusu ai bato basusu baya bamosumaka.

Baebele 7:27

Iyo abwaniti bopa masiko tu busa, o akɔkɔ nganga batongo a mojɔ mojibe jibu bɛnɛ na jibato batongo pongono. Iyo akɔ boa ehole emɔci yena ebwani na bosusu, yana asapa yo mɛnɛ lisiko.

Baebele 9:25

Aikwea bo asapɛ bihole binɛnɛ, o akweaka Nganga Monɛnɛ a Esika-eBosɛnɔ yanga na yanga na makia maya maditi makia mande mɛnɛ.

1 Pɛtɛlo 2:24

Iyo alwa yo mɛnɛ muna mobobe bosu a mokuku monde mɛnɛ a mole-mobokea, bo so bogwɛ a bobe, na bo bohele a mojɔ mobodongo. Ino ohelani oko a mojɔ mopola jinde.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

Mokanda Momibae Mosɔnɔ Pɛtɛlo - 2PE 3:12

yana ambaka no bodoa bobusa bua boNjambe na posa enɛnɛ; mojɔ bo Busa mɛnɛ bodi bongoa na bonangoa, na njɔtɔ badi bonangoa na mosa pongono.

1 Yoane 3:2

Baninga, so bodi bana baNjambe oko e dɛye. Bojebakini elimo esu engɔngɔ; endele ko, bojebaka bo yo akadoa a bohu, so bodabí na elimo ende, mojɔ bo bodi bomonɛ o adi yo.

1 Yoane 3:5

Ojebakani bo yo adoa a bodongeja jibe. Bobe boditi nongo a tei ende.

Yuda 1:21

Sabaneani a ngɛnjɔ eNjambe, ena ko ombakani monganji moKumu osu Yesu Masiya oko a bomɔ bua bodi na bosusu.

Boboloja 1:7

Hokeani; akɛkɛ adoe na biyembi. Miso masusu madi bomonɛ, na baya bamondea pongono. Na makota masusu mangondo mâyea bio a mojɔ monde. Ee, Amen.