26 Akɔki yo kɔ boa, ka adingoe bihole binɛnɛ, banga na libangake lingondo. Iyo ko adoa ehole emɔci pɛ a suka ebianga, bo asapɛ yo mɛnɛ lisiko a bodongeja bobe.
A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.
Sesa, posa embi edi oko bo baya bapani wɛ badae na mbi a esika edi mbi, bo banje ekumu embi, oko ekumu epani wɛ; mojɔ bo odaka na mbi ngɛnjɔ oko ngondo epetakini yoama.
Iso ko baya bajimi bokweaka a liheme, o ahala yo bo, Nabɛlɛ bɛli a kɛlɛ embi bo, Ibo batakwea nongo e liheme limbi. Bilomu binde ko bisia oko a bobanga bongondo.
Iyo abwaniti bopa masiko tu busa, o akɔkɔ nganga batongo a mojɔ mojibe jibu bɛnɛ na jibato batongo pongono. Iyo akɔ boa ehole emɔci yena ebwani na bosusu, yana asapa yo mɛnɛ lisiko.
na akwea a Esika-eBosɛnɔ ehole emɔci pɛ yena ebwani na bosusu; aikwea na makia makambɛli na bana-bangɔmbɔ, oko na makia mande mɛnɛ, na aboloja lisiko lia lidi oko na bosusu.
esingaiti makia maMasiya yona osapa lisiko, pɛpɛ nongo litɔnɔ, ai Njambe a njea eMwembo mua modi na bosusu; madi bosɛnoja milema minu a bilomu bigwake, bo okɔmɛeni Njambe obomɔ.
Iyo alwa yo mɛnɛ muna mobobe bosu a mokuku monde mɛnɛ a mole-mobokea, bo so bogwɛ a bobe, na bo bohele a mojɔ mobodongo. Ino ohelani oko a mojɔ mopola jinde.
Moto yona okɔkɔ bobe adi moto oSatana, mojɔ bo Satana akɔ bobe a bobanga mɛnɛ, na akɔkɔ bobe oko e dɛye. Cina ebodoa boMwana ’Njambe edi oko bo abejae bilomu biSatana.
Tito onɛki wɛ adaka, na aditi. Adi bomana ko a mombɔndɔ monase, na adi bonɔ oko a bodimoa. Na bato bangondo, oko baya badi pɛ bosɔnɔmɔ kombe a mokanda mobomɔ a bobanga bongondo, badi bokamoa yana anɛkɛ bo Tito yona odaka, yona oditi, na yona odi bodoa koko.