Baebele 9:15 - Nouveau Testament en Ngombe 1961

¹⁵ A mojɔ momina, yo adi mosili oMokongo Moyene, bo baya babeama basɛ lisango lia lidikejama, lia lidi na bosusu, cina ebogwa bua bobasikoaka a jibe jia jidi a cina eMokongo moboso.

Baebele 9:15 ပူးပေါင်းရင်းမြစ်များ

Matayo 19:29

Moto akakina ndako, isa bananango, isa ngɛnɛ, isa sango, isa nango, isa bana, isa gbie, a mojɔ mokombe embi, adi bosɔ libondo lia linɔi na bonɛnɛ, na adi bosangoa bomɔ bua bodi na bosusu,

Matayo 22:3

Aloma bakɔmɛli bande a ndɔsɔ ebato baya bama yo bea a lihango. Ibo ko balona bodoa.

Matayo 25:34

A ehole emina, Kumu âbala na bato a dɔngɔ diebɔ ende ebami bo, Doani. Bojongoa boSangwa’mbi bodi ai no, Sangoani Bokumu bua bosɛlingoama a mojɔ monu oko a bobanga bongondo.

Matayo 25:36

Adaka mbi oko mbundu, ino olwajakani mbi. Adaka mbi nasambi na yogo, ino obaneakani mbi. Nadaka a blɔkɔ, na odoakani a bonja mbi.

Malako 10:17

Amana Yesu a bodala a njea, moto omɔci apota ai yo. Atita na magbunda a boso bonde na amohɔjɔ bo, Mokoja mopele, êkɔ mbi ndeni bo nasangoe bomɔ bua bodi na bosusu?

Luka 18:18

Okina kumu ahɔjɔ Yesu bo, Mokoja mopele, êkɔ mbi ndeni bo nasangoe bomɔ bua bodi na bosusu?

Luka 22:20

Aseja bo boyaka, atomba kɔpɔ pongono, abala na bu bo, Kɔpɔ ye edi mokongo moyene momakia mambi maya masopei a mojɔ monu.

Yoane 10:28

Mbi nabapaka bomɔ bua bodi na bosusu. Batagwa nongo, na pɛpɛ nongo moto ôbacinoa a ebɔ embi.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Baloma 5:10

Isa bogwa boMwana ’Njambe bodaka mokongo mobosiili bosu na Njambe, yana adaka so na Njambe soki; esingaiti bomɔ bonde! Adi so na bosiili bomina, bomɔ bonde bodi boheleja so.

Baloma 5:6

Mojɔ bo, Masiya agwea baya baijeba Njambe a ehole yena ebwana, oko yana adaka so pɛpɛ ngulu.

Baloma 5:8

Njambe ko anejaka ngɛnjɔ ende ai so oko na mojɔ mu;—Masiya agwea so yana adaka so oko bato babe.

Baloma 6:23

Mojɔ bo ndese ebobe edi bogwa. Epeeli ko epaka Njambe bopa edi bomɔ bua bodi na bosusu a tei eMasiya Yesu Kumu osu.

Baloma 8:28

Bato bakapala Njambe, bakabeama na mokano monde, ngando jisusu jikɔkɔ yo jidi a mojɔ mobopele bobu.

Baloma 8:30

Abahɛngɛ oko a mojɔ momina, na ahabea. Ababea na abalongeja. Abalongeja na abakumeja.

Baloma 9:24

mojɔ bo abobei, te a tei eBaYuda pɛ, oko a tei ebapakano pongono.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

Bagalata 3:20

Mosiili aditi a mojɔ momoto omɔci pɛ; Njambe ko adi omɔci.

Baɛpɛsɔ 1:7

Lisiko lisu lidi oko a tei ende a mojɔ momakia mande, na bo yɛ bojibe jisu a mojɔ momonganji monde mua monɔi.

2 Batɛsalɔnike 2:14

Iyo abea no na Mwako Mopele mosu oko a mojɔ momina, bo osɛni ekumu eKumu osu Yesu Masiya.

1 Timoteo 2:5

Mojɔ bo Njambe adi omɔci, na mosili adi omɔci a sibano eNjambe na bato, oko moto Masiya Yesu

2 Timoteo 2:10

Na mbi nahɔnɔkɔ ngando ji jisusu a mojɔ moBahɔmɔke, ho ’bo pongono basɛ mohelo mua modi ai Masiya Yesu, na ekumu yena edi na hosusu.

Tito 1:2

bo badae na njingo ebomɔ bua bodi na bosusu, bomɔ bodikeja Njambe a libangake mɛnɛ; na yo Pakputojake nongo sako.

Tito 3:7

bo bolonge cina emo-nganji monde, na bo bodae basangoli babomɔ bua bodi na bosusu o adi so na njingo.

Baebele 10:34

Odakani na wa ai bato baya badaka a minyɔlɔ. Yana atomba bato leka lonu, odakani oko na sepi, cina bo ojebakani bo lisango linu linɔi na bopele, lia lidi boyeyoa.

Baebele 10:36

Etakaka na nu oko lingbangba bo okɔeni bolulea boNjambe, na bo osɛni mua modikeja yo.

Baebele 11:13

Ibo basusu bagwa na ejimeli, pɛ ko bosɔ ngando jibodikeja. Bajinɛ ko bohali, na basepa a mojɔ momina, cina bo bajima bo badi oko bakɛndɛli na midoa a ngondo.

Baebele 12:24

Na odoini ai Yesu yona okwea bosiili na Mokongo Moyene, na a makia maya mamɛsɛmi; na makia mande, na makia maAbela, makia mande manɔi na bwɛnji bopele.

Baebele 13:20

Njambe obowi angɔjɔ koko Kumu osu Yesu a bogwa, Monjeli Monɛnɛ obata, na makia maMokongo mua modi na bosusu.

Baebele 2:14

Oko boa, isa bana basangoaka mokuku na makia, yo mɛnɛ alwa elimo ebu, bo agbokejae yona odi na kpaci ebogwa, oko Satana mɛnɛ, a mojɔ mobogwa bonde,

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

Baebele 6:13

Mojɔ bo, yana akina Njambe Abalayama sako, abɛlɛ bɛli a kombe ende mɛnɛ. Aihɔnɔ bobɛlɛ bɛli a kombe eokina otongo, mojɔ bo pɛpɛ nongo okina otongo odi boso bonde.

Baebele 6:15

Oko boa, Abalayama, ama yo da na lingbangba, ami ko sɔ oko bodikeja.

Baebele 7:22

A mojɔ momina, Yesu adi mokando moMokongo mua monɔi na bopele.

Baebele 8:13

Abalaka yo a mojɔ moMokongo moyene, anjaka mua moboso o eka yena editi koko na cina. Na isa eka editi koko na cina, na isa ebengi bogwa, edikai mweka pɛ bo edimoe na bosusu.

Baebele 9:12

na akwea a Esika-eBosɛnɔ ehole emɔci pɛ yena ebwani na bosusu; aikwea na makia makambɛli na bana-bangɔmbɔ, oko na makia mande mɛnɛ, na aboloja lisiko lia lidi oko na bosusu.

Baebele 9:16

Mojɔ bo isa lisango lidi, yona okinaka lisango limina adi bopeta gwa.

Baebele 9:28

Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

Yakobo 1:12

Moto akahɔnɔ bomeka, moto omina adi na bojongoa; mojɔ bo, akapasama adi bosɔ likongo libomɔ lidikeja Njambe ai baya bamo-palaka.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

1 Yoane 2:25

Na sako ekinea yo so edi oko bomɔ bua bodi na bosusu.

Boboloja 5:9

Ibo ba’mba yembo ye eyene, bo, Wɛ obɔngi botomba mokanda na bobuka bimbete; Mojɔ bo wɛ ogwa, na osikoa bato na makia mawɛ mɛnɛ ai Njambe, Bato bamakota masusu, na kɔpi jisusu, na maboti masusu, na tungu jisusu;