Baebele 6:6 - Nouveau Testament en Ngombe 1961

⁶ bato bamina bakalaboa, njea editi bo bahekojae koko milema, mojɔ bo babakeaka koko Mwana ’Njambe a mole-mobokea na bolulea bobu bɛnɛ, na bamopɔmbejaka a boso bobato.

Baebele 6:6 ပူးပေါင်းရင်းမြစ်များ

Matayo 19:26

Yesu abanja linjenje, na ajɔ na bu bo, Bato te babwanake na mojɔ mu. Njambe ko abwani bokɔ ngando iisusu.

Luka 11:48

Oko boa ojimakani bikɔmɛli bibasangwa’nu, na obalongejakani. Ibo bawa batɔndɔi, ino ko olongakani bisɛmɔ bibu.

2 Timoteo 2:25

Adi boleha baya badi na nde soki oko na bo yɛmbu, na njingo bo Njambe abasɛ dosa bo bajɛbɛ Soti.

Baebele 10:26

Bokakɔ bobe na bolulea bosu bɛnɛ, yana adi so na ejebeli enjea esoti, likina lisiko litongo a mojɔ mojibe liditi.

Baebele 10:29

esingaiti moto yona opɔmbejaka Mwana ’Njambe, yona osɛtojaka makia maMokongo maya mamohɛngɛ ai Njamhe, o eka engasa, na asambojaka Mwembo momonganji moNjambe.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Baebele 4:14

Adi so ko na Nganga Monɛnɛ yona onɔi oho Diko, oko Yesu Mwana ’Njambe, kwani bopee boku ejimeli esu.

Baebele 6:4

Mojɔ bo, isa bato basi bohu, na balɛli epeeli eDiko, na basi epeeli eMwembo Mosɛnɔke,

Mokanda Momibae Mosɔnɔ Pɛtɛlo - 2PE 2:21

Ama bo jeba njea yena edi bojo, ba’mi ko lona oko mobeko mosɛnɔke mosɔ bo; akɔki bo pɛ bojeba nongo njea emina, ka enɔi na bopele.

1 Yoane 5:16

Moto akajeba bo mwangwa’nde akɔkɔ mokina mojɔ mobe mua mobwamti na bogwa, adi bonga Njambe, na yo adi bomopa bomɔ a mojɔ mobato baya bakɔi bobe bua bobwaniti na bogwa. Bokina bobe bodi oko bobe bobogwa; nitabalaka bo moto adi bonga a mojɔ mobobe bomina.