Baebele 6:10 - Nouveau Testament en Ngombe 1961

¹⁰ Mojɔ bo Njambe t’abungake mojɔ; atabosa elomu enu, na epaeli enejaka no a kombe ende yana akɔmɛkɛ no bato baNjambe, na obakɔmɛkɛni oko e dɛye.

Baebele 6:10 ပူးပေါင်းရင်းမြစ်များ

Matayo 10:42

Moto akapa kɔpɔ emadiba ai okina obana ba bakɛkɛ mojɔ bo adi mocingami ombi, mbi natɔndɔkɔ no na soti bo atataka bosɔ ndese ende.

Matayo 20:7

Ibo bamosɔmbeja bo, Mojɔ bo moto abeiti so a elomu. Iyo abala na bu bo, Ino pongono, kɛni a gbie embi.

Matayo 25:17

Oko boa koko, yona osɔ talenta jibae akɛ na akɔ bwasa na likonja, na ahɛjɛ likonja limina na talenta jibae jitongo.

Malako 9:41

Mbi natɔndɔko no na soti bo moto akapa no kɔpɔ emadiba mabomwa cina bo odini bato baMasiya, atataka bosɔ ndese ende.

Yoane 13:20

Mbi natɔndɔkɔ no na soti bo, yona osɔkɔ moto olomaka mbi, asɔkɔ mbi mɛnɛ; na yona osɔkɔ mbi, asɔkɔ yona olomani.

Bikɔmɛli 10:31

Iyo abalabi bo, Kɔlunelio, Njambe atabosaka monganji mowɛ, na aki bonga bowɛ.

Bikɔmɛli 10:4

Iyo amonja oko na bɔ bonɛnɛ, na abala bo, Kumu, mojɔ modi bo? Obwɛnji amosɔmbeja bo, Njambe t’abosake nongo ma’nga mawɛ na likabo liwɛ.

Bikɔmɛli 11:29

A mojɔ momina, bacingami bajima bo balome toma a bokɔmeja baninga baya badaka a Yuda, moto na moto o abwana yo bokɔ.

Baloma 12:13

Dani na likabo ai bato baDenga baya badi na taka; asɔni bakɛndɛli bopele.

2 Bakolinto 9:1

Ebɔngiti bo nasɔnee no mokanda a mojɔ mobipeeli ai bato baMasiya,

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

Bagalata 5:6

Bolena boganda, isa bodi isa boditi, boditi nongo na cina a tei eMasiya; mojɔ mosusu modi oko ejimeli yena esanejaka na epaeli.

Bagalata 6:10

Oko boa, boka’nɛ njea a bokɔ bopele, yɛni bokɔe bopele ai bato basusu, gbo oko ai baya badi a denga diejimeli.

Bakɔlɔsai 3:17

Okakɔni mokina mojɔ, isa bobala, isa elomu, kɔni ngando jisusu a kombe eKumu Yesu, na sakoani Njambe Sango a kombe ende.

1 Batɛsalɔnike 1:3

Mojɔ bo bolɛkɛ elomu eejimeli enu, elomu enu eepaeli, na njingo enu yena etambɛkɛ, ai Kumu osu Yesu Masiya, a boso boNjambe Sangwa’su.

1 Timoteo 6:18

Baleha bo bakɔe bopele, bo bahɛe na bikɔmɛli bipele, na bo badae na monganji na likabo.

2 Timoteo 4:8

E dɛye, likongo libodongo lisɛlingoami a mojɔ mombi; Kumu yona osambejaka na soti, âebakea ai mbi a busa bomina; te nongo ai mbi pɛ, oko ai bato basusu baya badi na posa ebodoa bonde.

Baebele 10:32

Toma lɛni masu maboso. Yana asɔ no bohu a masu mamina, odakani na lingbangba a tei eminɔngɔ o bila mɛnɛ.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.

1 Yoane 1:9

Bokajima jibe jisu, yo t’akputojake nongo sako, adi bojo, na a yɛ jibe jisu, na âsɛnoja so a bobe bosusu.