Baebele 5:14 - Nouveau Testament en Ngombe 1961

¹⁴ Dia lidi a mojɔ mobato bapingake, baya balandoi na ekɔmɛli ebokokeleja mijɔ, baya babwani bobɔteja bopele na bobe.

Baebele 5:14 ပူးပေါင်းရင်းမြစ်များ

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Baloma 14:1

Isa moto aditi mombilimake a ejimeli ende, mosɔni bopele; pɛ bomodumbani a mojɔ mongando jijimaka yo.

1 Bakolinto 2:6

Iso botɔndɔkɔ ngando jibowɛi oko ai bato bapingamake. Bowɛi bomina ko boditi bowɛi bongondo ye, isa bowɛi bobakumu bangondo ye, baya badi bodimoa.

Baɛpɛsɔ 1:18

na bo ahojae miso mamilema minu, bo ocingeeni njingo ebobea bonde, na ekumu enɛnɛ mɛnɛ elisango linde a tei ebasɛnɔke,

Baɛpɛsɔ 4:13

oko a ehole ehomea bosu basusu a boka-tana boejimeli, na a ejebeli eMwana ’Njambe, bo bokandoe bato bapingake, na bo mwɛngi mosu mobwane na mwɛngi mobobɔngɔ boMasiya.

Bafilipoi 3:15

A mojɔ momina, so baya badi bato bapingake bobwani boda na mokano momina. Isa odini na mokina mokano motongo, Njambe yo mɛnɛ adi bocingea no mojɔ momina.

1 Batɛsalɔnike 5:21

Kokelejani ngando jisusu, na jimani oko jia jidi jipele.

1 Timoteo 4:7

Toma lona ko masɔ mangasa maya mapeliti cina. Kɔ bo odae mopingake a ngando jiNjambe.

Baebele 6:1

A mojɔ momina, bobwani bokina mijɔ miMasiya mia midi o mijɔ Mibana, bo bonɔe a mijɔ Mibosuku. Bobwaniti bosɔnibɔ koko a botanda eyoeli-ecina, oko bohekoja bomolema a bokina bilomu bingasangasa, na ejimeli ai Njambe,

Yakobo 3:2

Iso basusu bodi na mabunga manɛnɛ. Isa moto aditi nongo na libunga a ebaeli ende, adi moto mobɔngɔke mɛnɛ yona odi na ngulu bo asangbindee mokuku mosusu.