Baebele 5:12 - Nouveau Testament en Ngombe 1961

¹² Ino obwanini boda bakoja ehole eyai; e dɛye ko otakakani moto no bɛnɛ a bokoja no koko mijɔ Miboso mɛnɛ miEbaeli eNjambe. Okindoini bato baya babwani na mabɛi, te nongo dia dimosuku.

Baebele 5:12 ပူးပေါင်းရင်းမြစ်များ

Matayo 17:17

Yesu amosɔmbeja bo, Elulu ye epeliti ejimeli, na edi elaboake. Mbi nadi boyeyoa na nu ekoka? Nadi bohɔnɔ mijɔ minu ekoka? Doani na mwana ai mbi.

Malako 9:19

Yesu abala na bu bo, Elulu ye epɛndɔ! Mbi nadi boda na nu ekoka? Nadi bohɔnɔ no ekoka? Doani na mwana ai mbi.

Bikɔmɛli 7:38

Iyo adaka koko a likita a lisobe, na adaka na obwɛnji oDiko yana abala yo na batata basu a Mono moSinai. Iyo asɔ koko bikenge bibomɔ a bopa so.

Baloma 3:2

Mojɔ moboso modi oko mu; Njambe abapa Misɔnɔ a mojɔ mobobanea.

1 Bakolinto 14:19

Endele ko, na bobala bikenge koto domi na kɔpi etongo, na bikenge bitano na bocingea bombi mɛnɛ, napalaka gbo oko bo nabale na Denga oko na bikenge bitano na bocingea.

1 Bakolinto 14:20

Baninga, t’odaeni oko na bocingea bobɛngɛ. Dani na ekɔmɛli ebana bakɛkɛ a mojɔ mobobe; dani basuku ko a mojɔ mobocingea.

Bagalata 4:3

Iso bodi koko boa. Amaka so da bɛngɛ, bomi daka oko a iibuli lingando jingondo ye.

Bafilipoi 3:1

Mojɔ motongo baninga, sepakani a tei eKumu. Mbi nitangwa nongo bosɔnea no ekenge emina, na obwanini boejima.

Bakɔlɔsai 3:16

Kinani Ebaeli eMasiya edae a tei enu, na enɛnge a tei enu na bowɛi bosusu. Ikojanani na lehanani na njembo jiNjambe, njembo jibosakoa, njembo jiMwembo. Imbani njembo ai Njambe na sepi a milema minu.

Baebele 10:32

Toma lɛni masu maboso. Yana asɔ no bohu a masu mamina, odakani na lingbangba a tei eminɔngɔ o bila mɛnɛ.

Baebele 5:11

Iso bobwani bobala na nu ngando jinɛnɛ a mojɔ momina; jidi ko na kpɔkɔsɔ a bocingea, mojɔ bo odini na bohoka mweka e dɛye.

Baebele 5:13

Mojɔ bo, yona onungaka mabɛi alandoakini na mijɔ Mibodongo; adi oko mwana mokɛkɛlɛkɛ.

Baebele 6:1

A mojɔ momina, bobwani bokina mijɔ miMasiya mia midi o mijɔ Mibana, bo bonɔe a mijɔ Mibosuku. Bobwaniti bosɔnibɔ koko a botanda eyoeli-ecina, oko bohekoja bomolema a bokina bilomu bingasangasa, na ejimeli ai Njambe,

1 Pɛtɛlo 2:2

Adi no bana baya bapakiti botama, kwani posa enu edae a mabɛ masɛnɔke mamwembo, bo okandoeni a mojɔ mobohela,

1 Pɛtɛlo 4:11

Isa moto atɔndɔkɔ mwako, abwani botɔndɔ oko mijɔ miNjambe. Moto akakɔ ekina elomu, abwani boekɔ na ngulu epaka Njambe, bo Njambe asɛ ekumu na ngando jisusu, cina eYesu Masiya. Ekumu na bokumu ai yo oko na bosusu! Amen.