Baebele 4:13 - Nouveau Testament en Ngombe 1961

¹³ Pɛpɛ nongo moto odi bosabomba ai yo, na mijɔ misusu midi bohu na mbundu mɛnɛ a miso mande yona osambejaka so.

Baebele 4:13 ပူးပေါင်းရင်းမြစ်များ

Matayo 6:4

Kɔ bato monganji oko a libombi; na Sangwao yona onɛkɛ a libombi âda na likabo ai wɛ.

Yoane 2:24

Yesu ko adaka na mokakwano a mojɔ mobu, cina bo ajebaka bato basusu;

Yoane 21:17

Abala na nde bala ejisato bo, Simona mwana ’Yona, opalaka mbi? Pɛtɛlo aka monɔngɔ a molema yana abala Yesu na nde bala ejisato bo, Opalaka mbi? Âmosɔmbeja bo, Kumu, wɛ ojebaka ngando jisusu. Ojebaka bo mbi napalaka wɛ. Yesu abala na nde bo, Bɔkɔ bata bambi.

Yoane 4:16

Yesu abala na nde bo, Kɛ abee muma’wɛ na hula na nde jɔno.

Bikɔmɛli 17:31

Mojɔ bo, yo ahɛngɛ bokina busa a bosambeja ngondo, esambi ebojo, oko na moto oma yo hɔ. Na angɔjɔ moto omina a bogwa, a boneja So bo mojɔ momina modi soti.

Baloma 2:16

Mojɔ mu modabi bohu a busa bosambejabí Njambe mijɔ mibombamake mibato, oko na Masiya Yesu; mwako mombi modi oko boa.

1 Bakolinto 4:5

Oko boa, pɛ bosambejani oko ehole ebwanakini. Kumu akadoa, yo adi bomeja ngando jibombamake jimodidi a bohu, na adi boboloja ndungu jimilema mibato. A ehole emina, moto na moto adi bosɔ ndese ende ai Njambe.

2 Bakolinto 5:10

Mojɔ bo, iso basusu bodi bo’ma a bohu a boso bomongbɛlɛngɔ moesambi eMasiya, bo moto na moto asɛ ndese ende a mojɔ mobopele, isa a mojɔ mobobe bokɔ yo a mokuku mu.

Boboloja 2:23

Nâweja bana bande oko bowa. Na Menga masusu maMasiya madi bojeba bo mbi nadi yona osisoaka bolɛ na molema. Nâpa moto na moto a tei enu ndese yena ebwani na bikɔmɛli binde.