Baebele 2:14 - Nouveau Testament en Ngombe 1961

¹⁴ Oko boa, isa bana basangoaka mokuku na makia, yo mɛnɛ alwa elimo ebu, bo agbokejae yona odi na kpaci ebogwa, oko Satana mɛnɛ, a mojɔ mobogwa bonde,

Baebele 2:14 ပူးပေါင်းရင်းမြစ်များ

Matayo 16:17

Yesu amosɔmbeja bo, Odi na bojongoa, wɛ Simona mwana ’Yona. Cina bo obolojaiti nongo mojɔ momina na bowɛi bomoto. Sangwa’mbi ko yona odi oho Diko amobolojai ai wɛ.

Matayo 25:41

Adi bobala na bato baebɔ ebali bo, Dongani ai mbi, ino bato bandakeja. Kɛni oko a mosa mua motadimea, mua mohɛngɛmɛ ai Satana na babwɛnji bande.

Yoane 1:14

Ebaeli ekindoa moto, na yo ayeyoa a tei esu; aluma na monganji na Soti. Iso bonɛ ekumu ende, ekumu eMwana-sɔmi omɔci yona odonga ai Sango.

Yoane 12:24

Soti mɛnɛ, mbi nabalaka na nu bo, Ngua endongo emiti kwa a tei ekpɔtɔ bo egwɛ, edi bodika oko ngasa. Ekagwa ko, edi bobota libota linɛnɛ.

Baloma 14:9

Yesu agwa na ahela koko oko a mojɔ momina, bo adae Kumu obagwake, na Kumu obato baya badi mɔ.

Baloma 8:3

Mojɔ bo Njambe aloma Mwana’nde mɛnɛ a mojɔ mobobe, o ekua emunu mobobe, a bodumba bobe a munu. Mibeko miibwana bokɔ boa a mojɔ moboyɛmbu bomunu.

1 Bakolinto 1:28

Njambe ahɔkɔ bato bangasangasa baya bapeliti nongo ekumu a miso mabato, ee oko bato bangasa mɛnɛ, a bodumba ngando jia jidi edɛye.

1 Bakolinto 15:50

Baninga, mbi natɔndɔkɔ no bo mini na makia mabwaniti bosangoa Bokumu boNjambe; na eka ebopɔ ebwaniti bosangoa yena edi na bosusu.

Bagalata 4:4

Yana ko abwana ehole, Njambe aloma Mwana’nde yona obotama na mwali, yona obotama cina jiMibeko,

Bakɔlɔsai 2:15

Abeja makumu na bakumu; abasambo-ja a boso bobato na abagbokeja a mole-mobokea.

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

2 Timoteo 1:10

Monganji momina moboloi e dɛye na bodoa boMoheleja osu Masiya Yesu, yona ogbokeja bogwa, na ameja bomɔ a bohu, na bomɔ bua botagwa, a mojɔ moMwako Mopele.

Baebele 10:10

Na so bohɛngɛmɛ ai Njambe cina ebolulea bomina, a mojɔ moepeeli emokuku moYesu Masiya o lisiko ehole emɔci, yena ebwani na bosusu.

Baebele 10:5

A mojɔ momina, Masiya, yana adoa yo a ngondo, abala bo, Wɛ t’opalake masiko na bipeeli; Osɛlingoi ko mokuku a mojɔ mombi;

Baebele 2:17

Oko boa ebɔngɔ na nde bo adae na bananango elimo emɔci, amɛci mɛnɛ, bo adae nganga monɛnɛ owa na ejimeli a elomu eNjambe, a bopa lisiko a mojɔ mojibe jibato.

Baebele 2:18

Iyo adi na ngulu a bokɔmeja baya badi a tei ebomeka, mojɔ bo adingoa yo mɛnɛ yana amekama yo.

Baebele 4:15

Mojɔ bo, iso boditi na Nganga Monɛnɛ yona opeliti wa ai so yana adi so na bwɛmbu, oko Nganga Monɛnɛ yona onɔ njea jisusu jibomeka o akɔkɔ so, pɛ ko bokɔ nongo bobe.

Baebele 9:15

A mojɔ momina, yo adi mosili oMokongo Moyene, bo baya babeama basɛ lisango lia lidikejama, lia lidi na bosusu, cina ebogwa bua bobasikoaka a jibe jia jidi a cina eMokongo moboso.

1 Pɛtɛlo 1:20

Iyo ahɛngɛmɛ a mojɔ momina oko ngondo epe-takini yoama, na adoa a masu masuka a mojɔ monu.

Boboloja 1:18

Mbi nagwa; e dɛye ko nadi mɔ oko na bosusu, na napeli sabe jibogwa na jiesika ebagwake.

Boboloja 12:9

Dalakona monɛnɛ akwa, njɔ yona moyou yona odi na kombe Jabalo na Satana, mokosei ongondo esusu. Adumbama a ngondo, na babwɛnji bande badu-mbama na nde pongono.

Boboloja 2:10

Boditigoa bokɛkɛ adoe ai wɛ. Yɛ bobanga ko. Hokeani; Satana akɛkɛ adumbe bakina banu a blɔkɔ a bomeka no, na ôdani na monɔngɔ masu domi. Da ko na lingbangba oko a bogwa, na mbi nâpa wɛ likongo libomɔ.

Boboloja 20:2

Apea Dalakona, oko njɔ yona moyou, yona odi Jabalo na Satana, na amo’sa ta mbɔci bo adae ena bianga koto emɔci.