Baebele 13:9 - Nouveau Testament en Ngombe 1961

⁹ T’ojimeni oko bo makoja mayene matongotongo mala-bojae no. Njea esoti edi bo molema momoto mosɔkɔ ngulu oko na monganji moNjambe, te nongo na leka loboyaka. Baya bajimaka leka lomina baibɔngɔ nongo a mojɔ momina.

Baebele 13:9 ပူးပေါင်းရင်းမြစ်များ

Matayo 24:24

Mojɔ bo BaMasiya babokosea bâdoa banɛnɛ a masu mamina. Bâneja bimbete na mindumba mibokamoa, na êdika mweka pɛ bo balabojae bahɔmɔke baNjambe.

Matayo 24:4

Yesu abasɔmbeja bo, Anganjamani na bato, bo basaka laboja no.

Luka 5:38

Vino eyene ebwani oko na bikutu bibiobo biyene.

Bikɔmɛli 20:30

Na bato badi bongɔ a tei enu bɛnɛ a bokoja mijɔ mibokosea, na bâlaboja bacingami.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Baloma 14:17

Mojɔ bo, Bokumu BoNjambe bocingiti na boyaka na bomwaka; bodi mojɔ mobodongo, na bowi, na sepi, a tei eMwembo Mosɛnɔke.

Baloma 14:2

Okina moto ajimaka bo abwani boyaka leka losusu; moto ko yona odi na bwɛmbu ayakaka oko njua pɛ.

Baloma 14:6

Moto yona olɛkɛ bo bokina busa bodi bonɛnɛ, akɔkɔ boa na lisuma ai Kumu; yona opeliti bikia, ayakaka koko na lisuma ai Kumu, na asakoaka Njambe; yona odi na bikia, akiaka koko na lisuma ai Kumu, na asakoaka Njambe pongono.

1 Bakolinto 6:13

Dia didi a mojɔ mosɔpɔ, na sɔpɔ edi a mojɔ modia. Njambe ko adi bosieja sɔpɔ na dia pongono. Mokuku moditi a mojɔ molisɔngi. Modi oko a mojɔ moKumu, na Kumu adi Kumu omokuku.

1 Bakolinto 8:8

Lilonga lisu a boso boNjambe liditi mojɔ modia. Botalonga a mojɔ moboyaka, na bota-beha na ekia.

2 Bakolinto 1:21

Njambe yo mɛnɛ apingejaka so na no a tei eMasiya, na ahɛngɛ so a elomu.

Bagalata 6:1

Baninga, okahuoajani moto na mojɔ mobe, mo baya badi na Mwembo odini bohuleja moto omina na milema mi yɛmbu. Nganjama ko bo otamekama wɛ mɛnɛ.

Baɛpɛsɔ 4:14

Bobwaniti boda koko bana bakɛkɛ, baya bahombahombaka na bapɛpɛnɛkɛ na pwea jisusu jibokoja bobato baepulu baya badi na poloso a bokoja ngando jibokosea.

Baɛpɛsɔ 5:6

T’ojimeni oko bo moto akosee no na ebalabala, mojɔ bo kɛlɛ eNjambe edi ai bana balipanga a mojɔ mongando jimina.

Bakɔlɔsai 2:4

Nabali boa, bo moto asaka kosea no na bikenge biepulu.

2 Batɛsalɔnike 2:2

bo otasanɔngejani, na bo otakakwanani a milema minu, isa a mojɔ momwembo, isa ekina ebaeli, isa mokina mokanda mobalaka bato bo mosɔnɔmɔ na mbi, bo Busa boKumu bomei.

1 Timoteo 6:20

Ee Timoteo, banea elomu esɔ wɛ a bobanea. Bulɛ ko bibaeli bibokosea, na bibalabala biejebeli yena editi ejebeli esoti,

1 Yoane 4:1

Baninga, t’ojimeni oko miembo misusu. Sisoani miembo a bojeba isa micingi na Njambe, cina bo batɔndɔi babokosea banɛnɛ banangani a ngondo.

Yuda 1:12

Bato bamina badi mabaku a kola jinu. Bapehti nongo sɔni a mojɔ moma-tanga mabu. Posa jibu jidi oko ai bo bɛnɛ pɛ. Badi biyembi ngasa pɛ madiba, bia bipɛpɛnɛkɛ na pwea; badi o mele mikakanake miyanga mia midi mitete, Mibikoamake, mia migwi bihole bibae.

Yuda 1:3

Baninga, adaki mbi na mokano bo nasɔnee no mokanda a mojɔ mobohela hosu na nu, najimi bo nasɔnee no, oko na bonga ai no, a bona na bopipo a mojɔ moejimeli yena epama ai basɛnɔke ehole emɔci pɛ.