Baebele 13:18 - Nouveau Testament en Ngombe 1961

¹⁸ Ingakani a mojɔ mosu. Bojimaka bo boditi na mojɔ a molema. Posa esu edi bo bodae na ekɔmɛli epele a njea jisusu.

Baebele 13:18 ပူးပေါင်းရင်းမြစ်များ

Bikɔmɛli 23:1

Paulo anja likita linjenje; abala na bu bo, Baninga, molema mombi motadumbaka mbi a mojɔ moekɔmɛli embi masu masusu a miso maNjambe.

Bikɔmɛli 24:16

A mojɔ momina, mbi nakɔkɔ na bingi bihole bisusu bo molema mombi motada na mojɔ, isa a boso boNjambe, isa a boso bobato.

Baloma 12:17

Moto akakɔ no bobe, t’osɔmbejaeni oko bobe ai yo. Lɛni oko mijɔ mipele pɛ a boso bobato basusu.

Baloma 13:13

Yɛni bodae na ekɔmɛli epele ebato baya badalaka a bohu, te na ebueli na bolangoa, isa na ndukeli na lisɔngi, isa na miano na likaka.

Baloma 15:30

Baninga, mbi nangɔɔnɔkɔ no a kombe eKumu osu Yesu Masiya, na epaeli eMwembo, bo okataneni na mbi a bokɔmeja mbi na ma’nga manu ai Njambe,

2 Bakolinto 1:12

Iso bosepaka na mojɔ mumu; molema mosu motataka bo ekɔmɛli esu a miso mabato, na a miso manu bɛnɛ, edaka na bosɛnɔ na lisuma ai Njambe; te nongo na bowɛi bongondo, oko na mo-nganji moNjambe.

Bafilipoi 4:8

Mojɔ mosuka baninga, baneani a milema minu oko ngando jia jidi soti, jia jibɔngi, jia jidi bojo, jia jidi jisɛnɔke, jia jidi na epaeli, jia jidi na gala epele,—isa jinɔi na bopele, isa jibwani na bosakoa.

Bakɔlɔsai 4:3

Ingani a mojɔ mosu pongono, bo Njambe ahojae njea ai so a botɔndɔ mojɔ mobombamake moMasiya; mbi nadi a minyɔlɔ oko a mojɔ momina.

1 Batɛsalɔnike 4:12

Oko boa, bato bangondo badi bonɛ ekɔmɛli enu epele, na otadani nongo na taka.

1 Batɛsalɔnike 5:25

Baninga, ingakani a mojɔ mosu.

2 Batɛsalɔnike 3:1

Mojɔ motongo baninga,—mgakani a mojɔ mosu, bo Ebaeli O eKumu enangane na egbokejae o akɔi yo a tei enu.

1 Timoteo 1:5

Cina eeleho esu edi oko epaeli yena emanaka a molema mosɛnɔke, na bolɛ bopele, na ejimeli esoti.

1 Pɛtɛlo 2:12

Dani na mida mipele a tei ebapakano. Oko boa, nongo bakalɔngɔ no o bato babe, badi bonɛ bikɔmɛli binu bipele, na bakumeja Njambe a busa bobo-doa bonde ai bo.

1 Pɛtɛlo 3:16

Yɛni boda na lindo a milema minu; oko boa, nongo bakatɔkɔlɔ no, baya bakɔkɔ boa badi bosamboa, cina eekɔmɛli enu epele a tei eMasiya.

1 Pɛtɛlo 3:21

Madiba mamina madi embete ebatisimo; batisimo emina editi a bodongeja mbindo a mokuku; edi oko mojimo momolema mopele ai Njambe, na ehelejaka no e dɛye cina ebongɔ boYesu Masiya a bogwa.