Baebele 12:3 - Nouveau Testament en Ngombe 1961

³ Kinani bolɛ bonu bodae ai yo yona ohɔnɔ lisoki libato babe, bo osaka ngwaeni, na oSaka mbɛni a milema minu.

Baebele 12:3 ပူးပေါင်းရင်းမြစ်များ

Matayo 11:19

Mwana ’Moto ko adoi, akayake na akamwake, na babalaka bo, Anjani moto omogbuko na molangoi; apanganaka na baputeja batako na bato babe. Bowɛi bodi bolonga oko na bilomu bibowɛi.

Matayo 12:24

BaPalusi ko, yana aka bo mojɔ momina, babala bo, Moto yo amejaka miembo mibe oko na kpaci eBalasebuba, kumu omiembo mibe.

Matayo 15:2

Bacingami bawɛ batasumaka mijɔ mibatata cina eye? Te basosake nongo mɔmɔ mabu a mojɔ mobo yaka.

Matayo 21:23

Yesu akwea a tempelo, na yana akojaka yo ena, basuku banganga na basuku bangando badoa na bamohɔjɔ bo, Wɛ okɔkɔ ngando jiji na kpaci enda?

Matayo 21:46

na baduka njea bo bamopee. Badaka ko na bɔ a mojɔ mobato bangando, cina bo, ibo bajimaka bo adi motɔndɔi.

Matayo 22:15

Ngɔngɔ jimina, BaPalusi bakɛ na badumba ndungu bo badumbe Yesu na poloso a mojɔ moebaeli ende.

Luka 14:1

Yesu akɛ a ndako emosuku omɔci oBaPalusi bokina busa boSabata, a mojɔ moboyaka, na BaPalusi bamonjaka na bopipo.

Luka 15:2

BaPalusi na basɔni ko banungu-bana. Babala bo, Moto yoyo asɔkɔ bato babe na sepi, na ayakaka na bu a esika emɔci.

Luka 16:14

BaPalusi badaka na posa elikonja bou mɛnɛ. Yana aka bo mijɔ mi misusu, basɛkɛ Yesu oko bosɛkɛ.

Luka 2:34

Simeona abapamboa, na abala na Maha nange ’mwana bo, Mwana yoyo ahɛngɛmɛ a bodumba na a bongɔjɔ bato banɛnɛ baYisalaele; ahɛngɛmɛ bo adae embete; bato ko bâmolona, mojɔ bo âmeja bilɛli bibato banɛnɛ a bohu.

Luka 5:21

Basɔni na BaPalusi ko babanga bobomana kitɛ; babala bo, Iyo moto ndani yona obalaka mijɔ mibosambolu? Odi bokina jibe nda, te Njambe pɛ?

Yoane 10:20

Bakina babu babala bo, Iyo adi na mwembo mobe; adi na lilale; omohokeani mojɔ moye?

Yoane 18:22

Abala yo boa, okina polisi yona odaka hulelu amohoma epapata, na abala bo, Osɔmbejaka mosuku onganga boa mojɔ moye?

Yoane 5:16

A mojɔ momina, BaYuda babanga bonɔngeja Yesu, ema bo akɔkɔ ngando jimina a busa boSabata.

Yoane 7:12

Bato babomana kitɛ bou mɛnɛ a mojɔ monde. Bakina babala bo, Adi moto mopele. Batongo babala bo, Pɛpɛ nongo mweka; alabojaka bato oko bolaboja.

Yoane 8:13

BaPalusi babala na nde bo, Wɛ otataka tati ewɛ mɛnɛ; tati ewɛ editi tati esoti.

Yoane 8:52

BaYuda babala na nde bo, Bojebi edɛye bo odi na mwembo mobe soti. Abalayama agwa, na batɔndɔi pongono, na wɛ obalaka bo moto akasuma ebaeli ewɛ atanɛ nongo bogwa.

Yoane 8:59

A mojɔ momina, bandoa matai bo bamole. Yesu ko asabomba na amana a tempelo.

Yoane 9:40

Bakina BaPalusi baya badaka a esika emina baka ekenge emina, na babala na nde bo, Iso bodi koko na miso mago?

1 Bakolinto 15:58

A mojɔ momina, baninga bambi baepaeli, dani bambilimake, pɛ bombɛni nongo mweka; kɔmɛni Kumu na elomu enɛnɛ masu masusu, mojɔ bo ojebakani bo elomu enu ai Kumu êtanama nongo.

2 Bakolinto 4:1

Oko boa, adi so na elomu ye a mojɔ momonganji moNjambe, botangwa.

2 Bakolinto 4:16

A mojɔ momina, bota’ngwa nongo. Isa moto osu osokolu agwaka, moto yona odi a tei asɔkɔ ngulu eyene busa na busa.

Bagalata 6:9

Ebɔngiti bo bongwae bilomu bipele; mojɔ bo, bomiti ’ngwa, ehole ekahwana, iso bodi bojua.

2 Batɛsalɔnike 3:13

Ino ko baninga, t’ongwaeni oko bikɔmɛli bipele.

Baebele 12:2

Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Baebele 12:5

Na obosaini eleho yena elehaka no o bana; Mwana’mbi, t’olɛe oko bo bosisa boKumu bodi mojɔ mokɛkɛ. Akalemoa na wɛ, t’omɛmɛlɛe oko.

Baebele 3:1

Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

1 Pɛtɛlo 2:23

Bamo-lolea, yo ko pɛ bosɔnibeja. Yana adingoa yo, aikɛnjɔ nongo; asakinea a mɔmɔ mande yona osambejaka na soti.

Boboloja 2:3

Najebaka bo odi na lingbangba a mojɔ mokombe embi; ohɔnɔkɔ muna momina na otangwaka.