Baebele 12:2 - Nouveau Testament en Ngombe 1961

² Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

Baebele 12:2 ပူးပေါင်းရင်းမြစ်များ

Matayo 16:21

Yesu abanga bojebeja bacingami bande a ehole emina bo adi bokɛ a Yelusalema, bo basuku bangando, na nganga, na basɔni, badi bomodingoja bou mɛnɛ, bo badi bomowa, na bo adi bongɔ koko a busa bomasato,

Matayo 20:28

o adi Mwana ’Moto yona odoa bo apɛ mohelo monde o lisiko libato banɛnɛ, te bo bato badi bomokɔmɛ.

Malako 14:36

Abala bo, Aba, Sesa, wɛ obwani bokɔ ngando jisusu. Dongeja kɔpɔ ye ai mbi. Pɛ ko mojɔ. Te mojɔ mopalaka mbi, oko mua mopalaka wɛ.

Malako 15:28

Oko boa Mosɔnɔ mongama bo, Bamo’sa ta libondo libato babe.

Malako 16:19

Oko boa, yana abala yo na bu, Kumu Yesu atombama oho Diko, na ada a ebɔ ebami eNjambe.

Malako 9:12

Iyo abasɔmbeja bo, Eha adi bodoa soti a bobɔngeja ngando jisusu. Mosɔnɔ ko a mojɔ moMwana ’Moto modi bo? Modi oko bo adi bodingoa bou, na âlonama na bato.

Malako 9:24

Sange ’mwana abekoa bokpa bo, Mbi najimaka; bɔmeja mbi a mojɔ mokitɛ embi.

Luka 17:5

Babwɛnji babala na Kumubo, Hɛjɛ ejimeli esu.

Luka 23:11

Elode na basoda bande bamokotoa, bamota mota, bamolwaja kasaka eyai ekumu, na amosɔmbeja ai Pilato.

Luka 24:26

Ebɔngiti bo Masiya adingoe boa, bo akwee a ekumu ende?

Yoane 1:29

Yana ahoa busa, Yoane anɛ Yesu akadoe ai yo, na abekoa bo, Anjani Mwana-Bata oNjambe yona odongejaka bobe bongondo!

Yoane 12:24

Soti mɛnɛ, mbi nabalaka na nu bo, Ngua endongo emiti kwa a tei ekpɔtɔ bo egwɛ, edi bodika oko ngasa. Ekagwa ko, edi bobota libota linɛnɛ.

Yoane 12:32

Mbi ko nakangɔjɔmɔ a diko dingondo, nâbilea bato basusu ai mbi.

Yoane 13:3

Yesu ajeba bo Sango ama kina ngando jisusu a mɔmɔ mande. Ajeba koko bo ama donga ai Njambe, na bo adi bosɔmbɔ ai Njambe.

Yoane 6:40

Bolulea boSangwa’mbi bodi oko bo moto na moto yona onɛkɛ Mwana na omojimeaka, adae na bomɔ bua bodi na bosusu; na mbi namongɔjɔbí a busa bosuka.

Yoane 8:56

Tata onu Abalayama adaka na sepi enɛnɛ a bonɛ busa bombi. Abonɛ, na adaka na enanga.

Bikɔmɛli 2:36

Oko boa, bato basusu badenga diYisalaele babwani bojeba bo Njambe abakea Yesu bo adae Kumu na Masiya, oko yona owa ’no a mole-mobokea.

Bikɔmɛli 3:15

Owani Kumu oBomɔ; Njambe ko amongɔjɔ a bogwa, na so bodi banjɛnɛki bamojɔ momina.

Bikɔmɛli 5:31

Njambe ko amokumeja a ebɔ ende ebami, Kumu na Moheleja, a mojɔ mobohekoja milema miYisalaele na boyɛ jibe jibu.

Bikɔmɛli 5:41

Babwɛnji bamana a likita, na badaka na sepi mojɔ bo babwana bosɔ ekumu ebosamboa a mojɔ mokombe emina.

1 Bakolinto 1:18

Mojɔ bo mwako momole-mobokea modi oko ebalabala ai bato baya badi a njea ebogwa; modi ngulu eNjambe ko ai so baya bahelaka.

1 Bakolinto 1:23

Iso ko botɔndɔkɔ Mwako moMasiya yona ogwa a mole-mobokea. Mojɔ momina modi oko libaku ai BaYuda, na yebe ai BaEla.

Baɛpɛsɔ 2:16

Akɔ boa bo akatanejae so babae na Njambe, o mokuku momɔci a mojɔ momole-mobokea. Oko boa asieja lisoki limina.

Baɛpɛsɔ 5:2

Dani na ngɛnjɔ o O adaka Masiya na ngɛnjɔ ai so, na asapa ai Njambe a mojɔ mosu, epeeli eso epele elitindi na lisiko.

Bafilipoi 1:6

Mbi najebaka na soti bo yona obanga elomu epele a tei enu âesukeja bopele a mojɔ mobusa boYesu Masiya.

Bafilipoi 3:20

Iso ko bodi na bosɔmi bosu oho Diko, na bonjaka na tɛndɛ bo Moheleja, Kumu osu Yesu Masiya ahule ena.

2 Timoteo 4:8

E dɛye, likongo libodongo lisɛlingoami a mojɔ mombi; Kumu yona osambejaka na soti, âebakea ai mbi a busa bomina; te nongo ai mbi pɛ, oko ai bato basusu baya badi na posa ebodoa bonde.

Baebele 1:13

Iyo ko abala na okina obwɛnji-oDiko bo? Da ya a ebɔ embi ebami Bo mbi nadumbe soki jiwɛ o ebakei ebibota biwɛ.

Baebele 1:3

Iyo adi bolailai boekumu eNjambe; adi elimo esoti eNjambe, na abeaka ngondo jisusu na ebaeli engulu ende. Ama yo pa lisiko a mojɔ mojibe, ami ko da oko a dɔngɔ diebɔ ebami eKumu oDiko.

Baebele 10:14

Cina bo, yo abɔngeja na bosusu, baya bahɛngɛmɛ ai Njambe, oko na lisiko limɔci.

Baebele 10:33

Bikina bihole basɛkɛ no, batangola no, na bapukeja no; bihole bitongo ocinamani na bato batongo baya badaka na minɔngɔ mimina.

Baebele 11:36

Eatongo koko badingoana matangola, na nji, ee na minyɔlɔ, na blɔkɔ pongono.

Baebele 12:3

Kinani bolɛ bonu bodae ai yo yona ohɔnɔ lisoki libato babe, bo osaka ngwaeni, na oSaka mbɛni a milema minu.

Baebele 13:13

A mojɔ momina, atombaka so muna mobiloli a mojɔ monde, kinani bomane ai yo a sokolu engando.

Baebele 5:9

Na ama yo bɔngɔ a njea jisusu, ami da oko moboloja omohelo na bosusu ai bato basusu baya bamosumaka.

Baebele 7:19

(Mojɔ bo Mobeko moibɔngeja eka). Na njingo etongo eboloi yena enɔi na bopele, na so bodi bobatama na Njambe oko na njingo emina.

Baebele 8:1

Cina engando jimi so bala edi bo, Iso bodi na Nganga Monɛnɛ o boa, yona odi a ebɔ ebami emongbelɛngɔ moKumu oDiko.

Baebele 9:28

Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

Yakobo 2:1

Baninga, adi no na ejimeli ai Kumu osu Yesu Masiya, Kumu oEkumu, Podaeni oko na ekɔmɛli ebokumeja bakina bato, na bolona batongo.

1 Pɛtɛlo 1:11

Yana apaka bo biseko a mojɔ momadingoa maMasiya, na ekumu yena edaka ecini ngɔngɔ, badaka na posa ebojeba moto omina na ehole elɛjɛkɛ Mwembo moMasiya a tei ebu.

1 Pɛtɛlo 3:18

Mojɔ bo Masiya yo mɛnɛ agwa ehole emɔci a mojɔ mojibe, yona obodongo a mojɔ mobato babe, bo abatee so na Njambe. Agwa a mokuku, ahela ko a mwembo.

1 Pɛtɛlo 3:22

Iyo akɛ oho Diko, na adi a ebɔ ebami eNjambe; na babwɛnji baDiko na bakumu na bato bakpaci bamosumaka.

Yuda 1:21

Sabaneani a ngɛnjɔ eNjambe, ena ko ombakani monganji moKumu osu Yesu Masiya oko a bomɔ bua bodi na bosusu.

Boboloja 1:11

Sɔnɔ mojɔ monɛkɛ wɛ a mokanda; moloma a Menga sambo maMasiya, a Ɛpɛsɔ, na Semuluna, na Pelugamona, na Twatila, na Saludi, na Piladelupia, na Laodikia.

Boboloja 1:17

Yana amonɛ mbi, nakwa a bibota binde o mogwake. Iyo ko abakea ebɔ ende ebami ai mbi, na abala bo, yɛ bobanga. Mbi nadi yona oboso, yona osuka, na yona obomɔ.

Boboloja 1:8

Kumu Njambe abalaka bo, Mbi nadi Alepa na Omega, yona odi, yona odaka, yona odi na bosusu, yona onɔi basusu.

Boboloja 2:8

Sɔnea obwɛnji oDenga diSemuluna bo, Iyona oboso, yona osuka, yona ogwa na ohela koko, abalaka mijɔ mimi.