Baebele 12:14 - Nouveau Testament en Ngombe 1961

¹⁴ Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

Baebele 12:14 ပူးပေါင်းရင်းမြစ်များ

Malako 9:50

Mukwa modi eka epele; mokabeha ko, modi bobɔngɔ koko na ye? Dani na mukwa a tei enu bɛnɛ, na dani na bowi, moto na mina ’nde moto.

Luka 1:75

Bodi bomokɔmɛ masu ma’su masusu

Baloma 12:18

Isa njea edi, kɔni na milema minu misusu bo otadani na mijɔ na bato batongo.

Baloma 14:19

Oko boa, kinani milema misu midae oko na posa a ngando jibowi, ho bokɔmejane moto na moto.

Baloma 6:22

Edɛye ko osikoamini a bobe, na odini babuli baNjambe. Mbuma jibotaka no jidi oko bosɛnɔ, na suka emina edi oko bomɔ bua bodi na bosusu.

1 Bakolinto 1:10

Baninga, mbi nangɔɔnɔkɔ no basusu a kombe eKumu osu Yesu Masiya bo odaeni na monɔkɔ momɔci. T’odaeni oko na miano a tei enu. Katanani ko na molema momɔci na mokano momɔci.

1 Bakolinto 13:12

Bonjaka edɛye oko a talatala na ehindahindi; bô’nɛnɛ ko ngɔngɔ o bato baya bayɛlɛni. Edɛye, ejebeli embi edi oko ekenge pɛ; a busa bomina ko, nadi bojeba o ajebamaka mbi.

2 Bakolinto 6:17

A mojɔ momina, Kumu abalaka bo, Imanani a tei ebu; sahɛngɛni; Pɛ bobɛnjɛni nongo eka ebosɔtɔ, Na mbi nâsɔ no bopele.

2 Bakolinto 7:1

Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

Bagalata 3:21

Ekada boa, Mibeko mikɛsɛni na njikano jiNjambe? pɛpɛ nongo mweka! Mojɔ bo, Njambe, akɔkɔ yo pa Mibeko mia Mibwani bopa bomɔ, ka bodongo bocingi oko na Mibeko.

Baɛpɛsɔ 5:5

Toma iebani mojɔ mu na soti; pɛpɛ nongo moto obɔɔli, pɛpɛ nongo moto obosambolu, pɛpɛ nongo moto ombengea (cina emina edi moto yona osakoaka njambe obokosea) odi bosangoa lisango a Bokumu boMasiya na boNjambe.

Bafilipoi 3:12

Editi bo mbi namei a suka emina, isa bo mbi nabɔngi na soti. Endele ko, nakɔkɔ na bopipo bo namee a mwɛngi mua mobwani, cina bo Masiya apee mbi oko a mojɔ momina.

1 Batɛsalɔnike 3:13

Yɛ ambilimejae milema minu bo midae misɛnɔke, pɛpɛ nongo litɔnɔ, a boso boNjambe Sangwa’su, a bodoa boKumu osu Yesu na basɛnɔke bande basusu.

1 Batɛsalɔnike 4:7

Njambe aibea so bo bodae na bosɔtɔ; abea so bo bodae na bosɛnɔ.

1 Batɛsalɔnike 5:15

Nganjamani bo moto atasɔmbeja bobe oko na bobe; dukani njea a bokɔ bopele, moto ai mina’nde moto, na ai bato basusu.

1 Timoteo 6:11

Wɛ ko, moto oNjambe, toma bulɛ ngando jimina. Dala a njea ebodongo, na yongi epele, na epaeli, na lingbangba, na bombɔki.

2 Timoteo 2:22

Cia posa jibe jimwenga. Susa na bingi njea ebodongo, ejimeli, epaeli, bowi, na bato baya basakoaka Kumu na milema misɛnɔke.

Baebele 12:10

Basangwa’su hatua so ehole ekue, yana adaka bo na bolɛ bomina. Njambe ko atuaka so a bobɔngeja so, bo bosɛ libondo libosɛnɔ bonde.

Baebele 9:28

Oko boa Masiya pongono asapa lisiko ehole emɔci, bo atombe muna mojibe jibato banɛnɛ; na adoabi koko, te a mojɔ mobobe, oko a boheleja haya bamonjaka yo na tɛndɛ.

1 Pɛtɛlo 3:11

Yɛ abulɛe bobe oko bobulɛ, bo akɔe bopele; Yɛ aduke na akimane bowi.

1 Pɛtɛlo 3:13

Isa odini na bingi a mojɔ mobopele, odi bonɔngeja no nda?

Mokanda Momibae Mosɔnɔ Pɛtɛlo - 2PE 3:11

Oko boa, ajebaka so bo leka lu losusu lodi bonangoa, mida minu Mibwani boda na bosɛnɔ na ejimeli ai Njambe,

Mokanda Momibae Mosɔnɔ Pɛtɛlo - 2PE 3:18

Hɛni oko na monganji na ejebeli eKumu na Moheleja osu Yesu Masiya. Ekumu ai yo e dɛye oko a ehole yena epeliti suka. Amen.

3 Yoane 1:11

Baninga, pɛ bokoani na bobe; ikoanani oko na bopele pɛ. Moto yona okɔkɔ bopele adi moto oNjambe. Moto ko yona okɔkɔ bobe anɛkini Njambe.