Bikɔmɛli 14:3 - Nouveau Testament en Ngombe 1961

³ Bayeyoa ko a Ikonia, na batɔndɔ mwako moKumu na eci. Kumu angameja Ebaeli emonganji monde na bimbete na mindumba na mɔmɔ mabu.

Bikɔmɛli 14:3 ပူးပေါင်းရင်းမြစ်များ

Malako 16:20

Ibo ko bakɛ, na batɔndɔ Mwako Mopele a bisika bisusu. Kumu abakɔmeja a elomu, na angameja Ebaeli na bimbete bia bidaka bicingi na Ebaeli.

Yoane 4:48

Yesu abala na nde bo, Omiti nɛni mindumba na bimbete, otajimani nongo.

Bikɔmɛli 13:46

Paulo na Balanaba ko babala na bu na eci bo, Ebɔngi bo so bopete tɔndɔ no mwako moNjambe soti; edɛye ko, olonini mwako momina, na ojimakani no bɛnɛ bo obɔngitini bosɔ bomɔ bua bodi na bosusu; oko boa so bodi bohekoa ai bapakano.

Bikɔmɛli 2:22

Ino bami baYisalaele, hokeani mijɔ mi. Ojehakani mojɔ moYesu oNasaleta. Njambe aneja no bo ahɔ moto omina a tei enu, oko na bimbete na mindumba mikɔ Njambe na nde a boso bonu.

Bikɔmɛli 20:24

Mhi ko nalɛkɛ bo mohelo mombi modi eka engasa mɛnɛ; moditi nongo na yumu a miso mambi. Posa embi edi oko bo namee a suka enjea embi, bo nasiejae elomu esɔ mbi ai Kumu Yesu, elomu ebotɔndɔ Mwako Mopele momonganji moNjambe.

Bikɔmɛli 20:32

Edɛye nakmaka no a mɔmɔ maNjambe na ebaeli emonganji monde. Iyo adi na ngulu a bombilimeja no, na adi bopa no lisango linu a tei ebato basusu baya bahɛngɛmɛ ai yo.

Bikɔmɛli 4:31

Aseja bo bo’nga, ndako edaka bo baboli ekumana oko bokumana. Ibo basusu baluma na Mwembo Mosɛnɔke, na batɔndɔ Mwako moNjambe na bogale.

Bikɔmɛli 5:32

Iso bodi banjɛnɛki bangando jimina, na Mwembo Mosɛnɔke pongono, mua mopaka Njambe ai baya bamosumaka.

Baloma 1:16

Mbi naditi nongo na sɔni a mojɔ moMwako Mopele, mojɔ bo modi ngulu eNjambe a boheleja moto na moto yona ojimaka, MoYuda boso, na MoEla pongono.

1 Batɛsalɔnike 2:2

Nongo ama so dingoa na ama so samboa a Pilipoi, bomi hɛ oko na eci eNjambe, o ajebaka no, a botɔndɔ no Mwako Mopele moNjambe o bila mɛnɛ.

Baebele 2:4

Na Njambe aneja bo tati ebu edi soti, oko na bimbete, na mindumba, na mijɔ Mibokamoa, na bipeeli biMwembo, o ajima yo na bolulea bonde.