Bikɔmɛli 1:9 - Nouveau Testament en Ngombe 1961

⁹ Abala yo boa, angɔjɔmɔ oho Diko, oko yana anjaka bo. Eyembi emosɔ, na baimonɛ koko.

Bikɔmɛli 1:9 ပူးပေါင်းရင်းမြစ်များ

Malako 16:19

Oko boa, yana abala yo na bu, Kumu Yesu atombama oho Diko, na ada a ebɔ ebami eNjambe.

Luka 21:27

A ehole emina, bânɛ Mwana ’Moto akadoe a eyembi, na ndangasa na ekumu enɛnɛ.

Yoane 6:62

Môda bo, okanɛni Mwana ’Moto akawee a esika edaka yo boso?

Bikɔmɛli 1:11

Ibo babala bo, Ino bami baGalile, okahoakani miso diko boa mojɔ moye? Iyo Yesu yona odaki na nu, yona otombami oho Diko, ahulabi koko boa, o amoni no akɛkɛ oho Diko.

Bikɔmɛli 1:2

oko a busa botombama yo oho Diko, yana apa yo mibeko ai bacingami bande bahɔmɔke oko na Mwembo Mosɛnɔke.

1 Batɛsalɔnike 4:17

Ngɔngɔ jibu, so baya bâdika mɔ, bôtombama na bu a ehole emɔci a tei ebiyembi, bo bolenoane Kumu oho ta busa, na bôda na Kumu boa oko na bosusu mɛnɛ.

1 Timoteo 3:16

Cina eejimeli esu ai Njambe enɔi bocingea bomoto. Mojɔ momina modi soti mɛnɛ. Iyo asaboloja a mokuku momoto; Mwembo mongameja mojɔ monde; Babwɛnji baDiko bamonɛ; Makota mangondo maka mwako monde; Bato bangondo bamojimea; Asɔmɔ a ekumu eDiko.

Boboloja 1:7

Hokeani; akɛkɛ adoe na biyembi. Miso masusu madi bomonɛ, na baya bamondea pongono. Na makota masusu mangondo mâyea bio a mojɔ monde. Ee, Amen.

Boboloja 11:12

Ibo babae baka kɔpi epipo ekahule oho Diko, ekabale na bu bo, Doani jɔno diko! Na bawea a Diko na eyembi, ena ko soki jibu jibanjaka.

Boboloja 14:4

Ibo badi oko baya baisabeja na bali, mojɔ bo batajebaka mojɔ momwali. Bacingamaka na Mwana-Bata bisika bisusu bikɛkɛ yo. Basikoama a tei ebato bo badae mbuma jiboso ai Njambe, na ai Mwana-Bata.