2 Bakolinto 8:9 - Nouveau Testament en Ngombe 1961

⁹ Ojebakani monganji moKumu osu Yesu Masiya; nongo adaka yo konji, akindoa moto obokwali a mojɔ monu, bo bokwali bonde bopɛ no makonja manɛnɛ.

2 Bakolinto 8:9 ပူးပေါင်းရင်းမြစ်များ

Matayo 17:27

Pe mojɔ, botapalaka bo bobakejae kɛlɛ. Kɛ adumbe bobɔ a madiba, osa ko owoe swi omɔci. Okamohwa a madiba, dipoa monɔkɔ monde na ônɛ ekenge elikonja ena. Tomba du na ôbapa a mojɔ mosu na wɛ.

Matayo 20:28

o adi Mwana ’Moto yona odoa bo apɛ mohelo monde o lisiko libato banɛnɛ, te bo bato badi bomokɔmɛ.

Matayo 8:20

Yesu amosɔmbeja bo, Kpia badi na mikpo mibu; mbulu badiko badi na mobo; Mwana ’Moto ko apeliti esika a bosuka molo monde.

Malako 6:3

Iyo, te sapante, mwana oMalia? Bananango, te baYakobo, na Yose, na Yuda, na Simona? Na ngɛnɛ jinde baditi na su ya? Oko boa, yo adaka o libaku a njea ebu.

Luka 16:11

Oko boa, isa oditini bojo a mojɔ molikonja lingondo, odi bokina likonja lisoti a mɔmɔ manu nda?

Luka 2:7

Abota mwana’nde oboso, mwana-momi. Amodinga na bisenja, na amosambea a yulu edia dibingbende, cina bo ndako epasaje eidaka na pokiso a mojɔ mobu.

Luka 8:3

Yoana mwali oKusa yona odaka mokɔmɛli oElode, na Susana, na bakina batongo koko baya bamokɔkɔ monganji na likonja libu.

Luka 9:58

Yesu amosɔmbeja bo, Kpia badi na mikpo; mbulu badiko badi na mobo; Mwana ’Moto ko apeliti esika a bosuka molo monde.

Yoane 1:10

Iyo adaka a ngondo, oko ngondo ekɔ yo; ngondo ko eimojeba.

Yoane 1:14

Ebaeli ekindoa moto, na yo ayeyoa a tei esu; aluma na monganji na Soti. Iso bonɛ ekumu ende, ekumu eMwana-sɔmi omɔci yona odonga ai Sango.

Yoane 1:17

Mibeko mibakeama oko na Mose. Yesu Masiya ko adoa na monganji na Soti.

Yoane 12:30

Yesu abasɔmbeja bo, Kɔpi emina edoi a mojɔ monu, te a mojɔ mombi.

Yoane 16:15

Ngando jisusu jia jidi ai Sango jidi koko ai mbi. A mojɔ momina, nabali na nu bo yo âtomba ngando jimbi bo ajibolojae ai no.

Yoane 17:19

Mbi nasabɛngɛkɛ ai wɛ a mojɔ mobu, bo bahɛngɛme ai wɛ na soti.

Baloma 11:12

Oko boa, isa ngondo ebɔngi a mojɔ mobokwa bobu, na isa bapakano basɔ lisango a mojɔ molibunga libu, esingaiti na bohula bobu!

Baloma 15:3

Mojɔ bo Masiya aipala bo mijɔ midae o apalaka yo mɛnɛ; mosɔnɔmɔ bo, Biloli bibu baya balolea wɛ bihekoi ai mhi.

Baloma 5:8

Njambe ko anejaka ngɛnjɔ ende ai so oko na mojɔ mu;—Masiya agwea so yana adaka so oko bato babe.

Baloma 8:32

Iyo aijuma Mwana’nde mɛnɛ; amopa a mojɔ mosu basusu. Oko boa, atabakea a epeeli ende, epeeli eleka losusu? Njambe akahɔ bato, odi bolanga bobe bobu nda? Njambe alongejaka.

1 Bakolinto 1:4

Mbi nasepaka na Njambe bihole bisusu a mojɔ momonganji mosɔ no a tei eMasiya Yesu.

1 Bakolinto 15:47

Moto oboso ahula a kpɔtɔ, moto onase. Moto obabae ahula oho Diko.

2 Bakolinto 13:14

Yɛ monganji moKumu Yesu Masiya, na epaeli eNjambe, na bokatana boMwembo Mosɛnɔke bodae na nu basusu.

2 Bakolinto 6:10

Adi so na molɔbɔ, bosepaka bihole bisusu. Adi so bɛnɛ bato babokwali, bohɛjɛkɛ likonja libato batongo. Bodi boangasa; endele ko, leka losusu lodi oko ai so.

Baɛpɛsɔ 2:7

bo anejae monganji monde pɛ njɛngi, na likabo linde ai so, a tei eMasiya Yesu, a bilulu bia bidoakini.

Baɛpɛsɔ 3:19

na bo ojebeni ngɛnjɔ eMasiya yena enɔi ejebeli esusu, na bo olumeni botɔ na boluma boNjambe kanga boya mɛnɛ.

Baɛpɛsɔ 3:8

Mbi nasɔ monganji mu, bo nabolojae ai bapakano mijɔ miyumu miMasiya mia midi na bonɛtɔ, oko mbi yona odi ngɔngɔ jibasɛnɔke basusu,

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

1 Timoteo 6:18

Baleha bo bakɔe bopele, bo bahɛe na bikɔmɛli bipele, na bo badae na monganji na likabo.

Baebele 1:2

Edɛye ko abali na su a masu ma masuka, oko na Mwana’nde. Amohɔ bo adae sangoli ongando jisusu, na ayoa koko ngondo ye na ngulu ende.

Yakobo 2:5

Baninga baepaeli, hokeani. Njambe ahɔ bato babokwali bangondo mojɔ bo likonja libu lidi oko ejimeli, bo badae basangoli baBokumu bodikeja yo ai baya bamopalaka.

Boboloja 2:9

Mbi najebaka monɔngɔ mowɛ, na bokwali bowɛ (nongo adi wɛ na likonja). Najebaka mojɔ momasingi mabato baya baba-laka bo badi BaYuda, na baditi BaYuda; badi oko sinagoge eSatana.

Boboloja 21:7

Moto akagbokeja, adi bosangoa likwa. Mbi nadi boda Njambe onde, na yo adi boda mwana’mbi.

Boboloja 3:18

Mbi nalehaka wɛ bo osombe ai mbi wɔlɔ yena eluama na mosa, bo odae konji soti, na bisenja bipu bo odae na elwaeli, na bo sɔni embundu ewɛ esaka boloa, na sengo a bosuoa ta miso mawɛ bo onɛe.