2 Bakolinto 8:10 - Nouveau Testament en Ngombe 1961

¹⁰ Mbi nalehaka no oko boleha; bopele bo osejaeni mojɔ mokana no yanga yena enɔ, mojɔ mobanga no bokɔ.

2 Bakolinto 8:10 ပူးပေါင်းရင်းမြစ်များ

Matayo 10:42

Moto akapa kɔpɔ emadiba ai okina obana ba bakɛkɛ mojɔ bo adi mocingami ombi, mbi natɔndɔkɔ no na soti bo atataka bosɔ ndese ende.

Yoane 11:50

Na bogwa bomoto omɔci a mojɔ mobato basusu, na bodimoa bolikota lisusu, otaje-bakani bo moto omɔci akagwea bato basusu bo likota lisusu litadimoa, enɔi na bopele ai no bo moto omɔci agwɛ, bo likota lisusu litadimoa?

Yoane 16:7

Mbi ko natɔndɔkɔ no oko ngando jisoti. Boyana bombi bodi bobɔngeja no. Mojɔ bo, mbi namiti yana, Mokɔmeja atadoa ai no. Nakayana ko, nâmoloma ai no.

Yoane 18:14

Kayapa adaka moto yona oleha BaYuda bo moto omɔci abwani bogwa a mojɔ mobato.

1 Bakolinto 10:23

Nakapala, nabwani bokɔ ngando jisusu; ngando jisusu ko jibɔngiti. Nakapala, nabwani bokɔ ngando jisusu; ngando jisusu ko jitabɔngejaka.

1 Bakolinto 16:2

Moto na moto adi bohɛngɛ libondo lilikonja lia libwani na nde a busa boNjambe; pɛ bo’mbani bodoa bombi a bolɔkɔ bipeeli.

1 Bakolinto 6:12

Mbi nabwani bokɔ ngando jisusu. Ngando jisusu ko jibɔngiti na mbi. Nabwani bokɔ ngando jisusu; endele ko, nitajimaka bo nagboke na ekina ngando.

1 Bakolinto 7:25

Naditi na mobeko moKumu a mojɔ mobandengi. Mbi ko nadi na bolɛ bombi mɛnɛ, na obwanini bojima mbi, mojɔ bo Kumu akɔni monganji.

1 Bakolinto 7:40

Bolɛ bombi mɛnɛ bodi bo enɔi na bopele akayeyoa o adi yo. Na nalɛkɛ bo nadi na Mwembo moNjambe.

2 Bakolinto 12:1

Moto abwaniti bosakumeja; mbi ko nadi bosakumeja; nadi bobala a mojɔ monjɔti na maboloja maKumu.

2 Bakolinto 8:6

A mojɔ momina, so bobei Tito bo asiejae elomu ye emonganji a tei enu, o ama yo banga bokɔ.

2 Bakolinto 8:8

Nitadumbaka nongo mobeko. Nangɛkɛ oko epaeli enu na bingi ebato batongo, isa edi epaeli esoti.

2 Bakolinto 9:2

mojɔ bo najebaka bingi enu. Nasakoaka no ai bato baMakedonia a mojɔ momina. Nabatɔndɔkɔ bo mosɛlingo moAkaya mobwana yanga yena enɔ; na bingi enu esisoja bato babu banɛnɛ.

Bafilipoi 4:17

Yena edukaka mbi ko editi epeeli mɛnɛ; nadukaka oko bo odaeni na mbuma jinɛnɛ a mojɔ moesako enu.

Baebele 13:16

Pɛ bobosani bilomu bipele bokɔ, na boda na likabo; masiko Inaya mase-pejaka Njambe oko ma.