2 Bakolinto 7:11 - Nouveau Testament en Ngombe 1961

¹¹ Anjani bingi yena edi na nu edɛye a mojɔ mowa ekeja Njambe no, na posa enu bo osalongejaeni, na kɛlɛ enu, na posa enu, na bingi enu, na bodingoa bonu. Onejaini bo oditini nongo na lindo.

2 Bakolinto 7:11 ပူးပေါင်းရင်းမြစ်များ

Malako 3:5

Yesu abanja na kɛlɛ, na adaka koko na wa, mojɔ bo milema mibu midaka Inipipo. Abala na moto omina bo, Ninoja ebɔ. Iyo aninoja ebɔ ende, na yogo eebɔ ende esia oko bosia.

Yoane 2:17

Na bacingami bande balɛ ekenge yena edi a Misɔnɔ bo, Posa embi a ndako eSangwa ’mbi emajai mbi mokuku.

Bikɔmɛli 17:16

Yana ambaka Paulo bo a Atena, molema monde mopukaka yana anɛkɛ yo ngando na bilimo botɔ.

Baloma 11:20

Soti; bitape ko bitɛndɔmɔ cina epɛndɔ, na wɛ odi a esika ewɛ a mojɔ moejimeli. Pɛ boda na egbo a mojɔ momina; da oko na bɔ.

Baloma 14:18

Moto yona okɔmɛkɛ Masiya a njea jimina, adi na esako epele a tei ebato, na Njambe amojimaka pongono.

Baloma 3:5

Bobe bosu bonejaka bodongo boNjambe a bohu. Oko boa, Njambe akakɛnjɔ na su, bodi bobala bo alongiti? (Nabalaka na monɔkɔ momoto.)

1 Bakolinto 12:25

A mojɔ momina, mokuku mopeliti bobɔtɔ, na binama bisusu bikɔmejanaka.

1 Bakolinto 5:13

Njambe asambejaka baya badi a sokolu. Dongejani moto mobe yona odi a tei enu.

1 Bakolinto 5:2

Ino odini na egbo, na obwanini boyea bio a mojɔ momina. Enɔi na bopele bo odongejaeni ai no moto yona okɔkɔ mojɔ momina.

2 Bakolinto 13:7

Bongaka Njambe bo otakɔni nongo bobe, te a bolongeja so, oko bo okɔeni bopele pɛ, nongo adi so badaloi.

2 Bakolinto 2:6

A mojɔ momoto omina, mokindo mosɔ yo ai banɛnɛ banu mobwani.

2 Bakolinto 6:4

Adi so bakɔmɛli baNjambe, bokɔkɔ ngando jisusu bo bodae na esako epele. Bodi na lingbangba linɛnɛ a tei eminɔngɔ, na taka, na jɔɔlɔ,

2 Bakolinto 7:1

Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

2 Bakolinto 7:7

te na bodoa bonde pɛ, oko a mojɔ mobogɔmbeja bosɔ yo ai no, yana atɔndɔ yo so mojɔ moposa enu enɛnɛ ai so, na wa enu, na bingi enu a mojɔ mombi. Sepi embi edaka enɛnɛ a mojɔ momina.

2 Bakolinto 7:9

Edɛye ko nasepaka, te a mojɔ mowa enu, oko cina bo wa emina ehekoja milema minu. Njambe ajima bo odaeni na wa, bo otadingoani na mojɔ mokɔ so.

2 Bakolinto 9:2

mojɔ bo najebaka bingi enu. Nasakoaka no ai bato baMakedonia a mojɔ momina. Nabatɔndɔkɔ bo mosɛlingo moAkaya mobwana yanga yena enɔ; na bingi enu esisoja bato babu banɛnɛ.

Baɛpɛsɔ 4:26

Okadani na kɛlɛ t’okɔeni oko bobe. T’ojimeni oko bo kɛlɛ enu edipe na busa.

Baɛpɛsɔ 5:11

Toma bulɛni ngando jingasangasa jimodidi; anejani na bikɔmɛli binu bo ngando jimina jidi jibe.

Bafilipoi 2:12

Baninga, ino odakani na lisuma bihole bisusu yana adaka mbi na nu. A mojɔ momina, toma dani na bingi e dɛye adi mbi bohali, a hongameja bohela honu, na bɔ na mongongoma.

1 Batɛsalɔnike 4:6

Moto abwaniti bokosea, isa bokɔ bobe ai mwangwa’nde na mojɔ momina. Mojɔ bo Njambe akundaka likundu a mojɔ mojibe jia jisusu, o aleha so no na bopipo ehele.

1 Timoteo 5:20

Isa bakina bakɔkɔ bobe, toma lemoa na bu a boso bobato basusu, bo batongo babange.

2 Timoteo 2:15

Kɔ na ngulu ewɛ esusu bo opasame a boso boNjambe, o moto yona oditi na sɔni a mojɔ moelomu ende, yona odi na bɛtɛ a elomu eEbaeli eSoti.

Tito 3:8

Ekenge emina edi soti, na mbi napalaka bo okojae ngando jimina na bingi, bo bato baya bajimaka Njambe badae na bingi a bikɔmɛli bipele. Mijɔ mi midi mipele mɛnɛ na Mibɔngejaka bato.

Baebele 4:1

Oko boa, adi so na sako ebokwea a liheme linde, yɛni so bodae na bɔ bo okina onu asaka kputoa.

Yakobo 3:17

Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

1 Pɛtɛlo 1:17

Iyo asambejaka moto na moto bongbebongbe cina ebikɔmɛli binde, na okamo’ngani o Sango, kinani mida minu misusu midae oko na bɔ a ehole emɔngɔ monu ya nase.

1 Pɛtɛlo 2:2

Adi no bana baya bapakiti botama, kwani posa enu edae a mabɛ masɛnɔke mamwembo, bo okandoeni a mojɔ mobohela,

Yuda 1:23

Helejani batongo, bagbulani a mosa. A mojɔ mobatongo, kinani wa enu ai bo edae na bɔ, na gbeseani bisenja bibu bia bibehi na munu.

Boboloja 3:19

Mbi nakapala bato, nabasiaka, na nabatuaka. Oko boa, kɔ na bopipo bo ohekojae molema mowɛ.