2 Bakolinto 7:1 - Nouveau Testament en Ngombe 1961

¹ Baninga, adi so na sako jiji, bopele bo bosasɛnojae a mbindo jisusu jimokuku na jimwembo, na bo bosahɛnge ai Njambe na soti, oko na lisuma ai yo.

2 Bakolinto 7:1 ပူးပေါင်းရင်းမြစ်များ

Matayo 12:33

Balani bo mole modi mopele, na mbuma jimole jidi koko jipele; isa bo mole modi mobe, na mbuma jimole jidi koko jibe. Ombeteakani mole oko na mbuma.

Matayo 5:48

Ino ko, toma dani babɔngɔke mɛnɛ, mojɔ bo Sangwa’nu yona odi a Diko adi kanga mobɔngɔke mɛnɛ.

Matayo 5:8

Bojongoa ai bato baya badi na milema misɛnɔke, mojɔ bo bânɛ Njambe.

Bikɔmɛli 9:31

Denga didaka na bowi a ehole emina, a ngondo eYuda, na Galile, na Samalia, na limbilima. Denga didaka na lisuma ai Kumu, na dinɛngɛ a mojɔ mongulu eMwembo Mosɛnɔke.

Baloma 5:20

Yana adoa Mibeko, lindo jihɛ oko bohɛ. Bohe bodaka bonɛnɛ soti; monganji moNjambe ko monɔ.

1 Bakolinto 6:20

Oditni baswa banu bɛnɛ, mojɔ bo osikoamani na bobuno bonɛnɛ. A mojɔ momina, toma bakeani Njambe kumu omikuku minu.

2 Bakolinto 1:20

Mojɔ bo sako jisusu jiNjambe jingami oko na nde; a mojɔ momina, so bokumejaka Njambe na Amen, a kombe ende.

Baɛpɛsɔ 2:3

Iso pongono, so basusu, bopangana na bu, na lisuma lisu lidaka oko a posa jimokuku. Bodaka babuli baposa jimokuku na jimolema. Bodaka bana bakɛlɛ oko a bobotama bosu, iso na ’bo tungu emɔci.

1 Batɛsalɔnike 3:13

Yɛ ambilimejae milema minu bo midae misɛnɔke, pɛpɛ nongo litɔnɔ, a boso boNjambe Sangwa’su, a bodoa boKumu osu Yesu na basɛnɔke bande basusu.

1 Batɛsalɔnike 4:7

Njambe aibea so bo bodae na bosɔtɔ; abea so bo bodae na bosɛnɔ.

1 Batɛsalɔnike 5:23

Yɛ Njambe obowi yo mɛnɛ asɛnojae no bopɛɛ, na abanee no bopele, oko mwembo, na molema, na mokuku, pɛpɛ nongo mojɔ, oko a bodoa boKumu osu Yesu Masiya.

Baebele 12:23

Odoini a likita na denga dibana basɔmi baya badi na kombe jibu oho Diko, ai Njambe yona odi Juji obato basusu, a miembo Mibato baejimeli baya babɔngɔ.

Baebele 12:28

Bokumu bosɔkɔ so bobwamti bokumana; a mojɔ momina, kinani bosakoe Njambe na bosakoa bosoti, oko na lisuma na bɔ.

Baebele 4:1

Oko boa, adi so na sako ebokwea a liheme linde, yɛni so bodae na bɔ bo okina onu asaka kputoa.

Baebele 6:9

Baninga, nongo abalaka so boa, njingo esu a mojɔ monu editi boa; edi a mojɔ mongando jipele jia jicingi na boheleja.

Yakobo 4:8

Sabateani na Njambe, na yo adi bosabatea na nu. Ino bato babe, sɛnojani mɔmɔ manu. Ino bato babokosea, sɛnojani milema minu bopɛɛ.

1 Pɛtɛlo 1:15

Iyona obea no adi mosɛnɔke; oko boa toma dani basɛnɔke pongono a mida minu misusu.

1 Pɛtɛlo 1:17

Iyo asambejaka moto na moto bongbebongbe cina ebikɔmɛli binde, na okamo’ngani o Sango, kinani mida minu misusu midae oko na bɔ a ehole emɔngɔ monu ya nase.

1 Pɛtɛlo 1:22

Lisuma linu a mijɔ miSoti lisɛnojai milema minu, bo odaeni na epaeli esoti ai baninga; oko boa toma palanani na ngulu emilema minu.

1 Pɛtɛlo 2:11

Baninga, mbi nangɔɔnɔkɔ no o midoa na bakɛndɛli, bo okieni posa jibe jimokuku jia jinaka bila na mwembo.

1 Pɛtɛlo 5:10

Omaka dingoani ekina ehole, Njambe yona odi na monganji mosusu, yona obea no a tei eMasiya a ekumu ende yena etasia, adi bobɔngeja no yo mɛnɛ, adi bopingeja na bombilimeja no.

1 Yoane 1:7

Bokadala ko a bohu, o adi yo a bohu, bokatanaka, moto na mina’nde moto, na makia maYesu Mwana’nde masɛnojaka so a bobe bosusu.

1 Yoane 1:9

Bokajima jibe jisu, yo t’akputojake nongo sako, adi bojo, na a yɛ jibe jisu, na âsɛnoja so a bobe bosusu.

1 Yoane 3:3

Moto na moto yona odi na njingo emina ai yo, asasɛnojaka o adi yo mosɛnɔke.