2 Bakolinto 6:8 - Nouveau Testament en Ngombe 1961

⁸ na ekumu, na bosamboa, na bosakoa, na biloli. Adi so na mwako mosoti, babalaka bo bodi bato babokosea.

2 Bakolinto 6:8 ပူးပေါင်းရင်းမြစ်များ

Matayo 10:25

Libondo limokoja libwani koko na yona okoaka, na lia limoswa libwani na mokɔmɛli. Bakabakea moswa ondako kombe Balasebuba, esingaiti bakɔmɛli bande!

Matayo 22:16

Bamolomea bakina bacingami babu, na bakina bato baElode, a bohɔjɔ Yesu bo, Mokoja, iso bojebaka bo we odi moto osoti. Okojaka njea eNjambe na soti mɛnɛ. Otabangaka nongo moto, mojɔ bo ekumu emoto edi eka engasa a miso mawɛ.

Matayo 27:63

Babala na nde bo, Kumu, iso bolɛkɛ mojɔ mobala mokosei yona, oko apetakini gwa. Abala bo, masu makasia masato, mbi nadi bongɔ koko.

Malako 12:14

Ibo badoa, na babala na nde bo, Mokoja, iso bojebaka bo wɛ odi moto osoti. Otabangaka nongo moto, mojɔ bo ekumu ebato edi eka engasa a miso tnawɛ, na okojaka njea eNjambe na soti mɛnɛ. Ebɔngi bo bopute Kaisala tako isa ebɔngiti?

Yoane 7:12

Bato babomana kitɛ bou mɛnɛ a mojɔ monde. Bakina babala bo, Adi moto mopele. Batongo babala bo, Pɛpɛ nongo mweka; alabojaka bato oko bolaboja.

Bikɔmɛli 10:22

Ibo basɔmbeja bo, Okina kapitɛni obasoda, kombe ende Kɔlunelio, asɔbi bwɛnji ai obwɛnji oDiko bo alome ndɔsɔ ewɛ a bosɔ eleho ewɛ; yo adi moto oyongi epele, asumaka Njambe, na adi na gala epele a tei eBaYuda basusu.

Bikɔmɛli 16:39

Oko boa badoa bo babagɔmbejae. Babameja ta blɔkɔ, na babangɔɔnɔ bo badonge a ngando emina.

Bikɔmɛli 22:12

Okina momi, kombe ende Anania, adoa ai mbi. Iyo adaka na lisuma linɛnɛ a Mibeko, na adaka na gala epele a tei eBaYuda bangando emina.

Bikɔmɛli 24:5

Iso bonɛkɛ bo moto yoyo apukejaka bato bou mɛnɛ. Alindaka BaYuda a ngondo esusu oko a bona pɛ. Adi koko mosuku obu baya badi na kombe BaNasaleta.

Bikɔmɛli 28:22

Iso ko bopalaka bo otɔndɔe so mijɔ milɛkɛ wɛ. Bojebaka bo bato balonaka njea eejimeli ye a bisika bisusu.

Bikɔmɛli 4:21

Babakanea koko na babacingoa; bato basusu basakoaka Njambe a mojɔ momondumba momina; oko boa baihɔnɔ bokɔ na bu nongo mojɔ, oko a mojɔ mobato bangando.

Bikɔmɛli 5:13

Bato batongo badaka na bɔ a bocingama na bu; bato bangando ko basepaka na bu bou mɛnɛ.

Bikɔmɛli 6:3

Baninga, dukani bami sambo a tei enu, bato bagala epele baya balumi na Mwembo Mosɛnɔke na bowɛi, bo bobapɛ elomu emina.

Baloma 3:8

Ekada boa, bobwaniti bokɔ bobe bo bopele boboloe? Mojɔ bo bakina bato badɔkɔ so, na batɔndɔkɔ na bokosea bo so bobalaka boa. Bato bamina babwani bodumbama soti.

2 Bakolinto 1:18

Oko Njambe! monɔkɔ mosu ai no moditi na mojimo na bongana, Ee na Pɛpɛ.

2 Bakolinto 11:21

Nadi na sɔni a bobala na nu bo mbi naihɔnɔ bokɔ boa. Pɛ mojɔ; isa bato bamina basakumejaka, mbi nadi bosakumeja pongono. (Nabalaka o egegele!)

2 Bakolinto 12:16

Nongo okajimani bo naidaka muna ai no, obalakani bo nadi na epulu, na nakɔ mokina mojɔ mopoloso ai no.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

1 Batɛsalɔnike 2:3

Eleho esu editi na bokosea, isa bosɔtɔ, isa epulu.

1 Timoteo 3:7

Abwani boda na gala epele a boso bobato basokolu, bo atasamboa, na bo ata’ta elambo eSatana.

1 Timoteo 4:10

A mojɔ momina so bokɔkɔ elomu na bosamboaka, cina bo njingo esu edi ai Njambe obomɔ, yona odi Moheleja obato boya, gbo oko baya bajimaka.

Baebele 13:13

A mojɔ momina, atombaka so muna mobiloli a mojɔ monde, kinani bomane ai yo a sokolu engando.

1 Pɛtɛlo 4:14

Bakapɔmbeja no a mojɔ mokombe eMasiya, odini na bojongoa, mojɔ bo Mwembo moekumu, Mwembo moNjambe modi ai no.

3 Yoane 1:12

Bato basusu basakoaka Demetulio, na mwako mosoti motataka ai yo pongono. Mbi namosakoaka pongono, na ojebakani bo tati embi edi tati esoti.

Boboloja 3:9

Baya badi basinagoge eSatana, baya babalaka bo badi BaYuda na baditi BaYuda, na bakoseaka, mbi nadi bobahuda ai wɛ bo basasunee a boso bobibota biwɛ, bo bajebe bo mbi napalaka wɛ.