2 Bakolinto 6:4 - Nouveau Testament en Ngombe 1961

⁴ Adi so bakɔmɛli baNjambe, bokɔkɔ ngando jisusu bo bodae na esako epele. Bodi na lingbangba linɛnɛ a tei eminɔngɔ, na taka, na jɔɔlɔ,

2 Bakolinto 6:4 ပူးပေါင်းရင်းမြစ်များ

Luka 21:19

Okadani na lingbangba ôhelejani miembo minu.

Yoane 16:33

Mbi nabali na nu ngando ji, bo odaeni na bowi a tei embi. Odani na monɔngɔ a ngondo; pɛ mojɔ; dani oko na sepi, mojɔ bo mbi nagbokejai ngondo.

Bikɔmɛli 2:22

Ino bami baYisalaele, hokeani mijɔ mi. Ojehakani mojɔ moYesu oNasaleta. Njambe aneja no bo ahɔ moto omina a tei enu, oko na bimbete na mindumba mikɔ Njambe na nde a boso bonu.

Bikɔmɛli 20:34

Ojebakani no bɛnɛ bo nakɔkɔ elomu na mɔmɔ mambi mɛnɛ, bo nadihe leka lua lobwanaka na mbi na baya badaka na mbi.

Bikɔmɛli 9:16

Na mbi nadi bomoneja bo adi bodingoa bou mɛnɛ a mojɔ mokombe embi.

Baloma 14:18

Moto yona okɔmɛkɛ Masiya a njea jimina, adi na esako epele a tei ebato, na Njambe amojimaka pongono.

Baloma 16:10

Abɛjɛni Apele yona olonga a elomu eMasiya. Abɛjɛni bato baKumu baya badi a ndako eAlisitɔbulo.

Baloma 3:5

Bobe bosu bonejaka bodongo boNjambe a bohu. Oko boa, Njambe akakɛnjɔ na su, bodi bobala bo alongiti? (Nabalaka na monɔkɔ momoto.)

Baloma 5:8

Njambe ko anejaka ngɛnjɔ ende ai so oko na mojɔ mu;—Masiya agwea so yana adaka so oko bato babe.

1 Bakolinto 3:5

Apolo adi nda? Paulo adi nda? Badi oko bakɔmɛli baNjambe a bojimeja no, mojɔ bo Kumu apaka moto na moto elomu ende.

1 Bakolinto 4:1

Iso bodi oko bakɔmɛli baMasiya, na babanei bangando jibo-mbamake jiNjambe; na moto akalɛ so, abwani bolɛ so oko boa.

1 Bakolinto 9:11

Boka’na dona dingando jiMwembo a tei enu, bobwamti bosɔ libondo lileka lonu?

2 Bakolinto 11:23

Isa bo badi bakɔmɛli baMasiya, esingaiti mbi. (Nabalaka o moto olilale.) Mbi nakɔ bilomu bmɛnɛ; nakwea a blɔkɔ bihole binɛnɛ; batuani nji pɛ njɛngi; napa njupi bihole binɛnɛ;

2 Bakolinto 11:27

Nadaka na bilomu na minɔngɔ bou mɛnɛ, pɛ bohwɛ na bulu, oko na nja, na ekangola bou mɛnɛ, na bikia bihole binɛnɛ, na pio na mbundu pongono.

2 Bakolinto 11:9

Adaka mbi na taka a tei enu nainɔngeja moto bo akɔmejae mbi, mojɔ bo baninga baya badonga oho Makedonia bakɔmejani na leka lotakaka na mbi. Mbi nakɔ bo nitada nongo muna ai no, na nadi bokɔ boa.

2 Bakolinto 12:10

Oko boa, nasepaka na boyɛmbu, na biloli, na minɔngɔ, na madingoa, na jɔɔlɔ, a mojɔ moMasiya. Mojɔ bo, ehole edi mbi na bwɛmbu, ehole edi mbi na ngulu oko yena.

2 Bakolinto 12:12

Bimbete, na mindumba, na bilomu bipipo, bingameja elomu embi eobwɛnji a tei enu na lingbangba linɛnɛ.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

2 Bakolinto 4:17

Monɔngɔ mosu mokɛkɛlɛkɛ mua moditi boyeyoa, mosɛlingoaka ekumu enɛnɛ mɛnɛ a mojɔ mosu, ekumu yena edi boyeyoa oko na bosusu.

2 Bakolinto 4:2

Iso boloni bikɔmɛli bibosambolu na bipoloso; ekɔmɛli esu editi nongo na epulu; botahekojaka Ebaeli eNjambe a ekina cina etongo. Botɔndɔkɔ mijɔ misoti a bohu, bo bodae na lilonga a boso bobato basusu, na a boso boNjambe.

2 Bakolinto 4:8

Bohangami a bisika bisusu; endele ko, bobindaniti. Adi so na monɔngɔ, bodi oko na njingo.

2 Bakolinto 7:11

Anjani bingi yena edi na nu edɛye a mojɔ mowa ekeja Njambe no, na posa enu bo osalongejaeni, na kɛlɛ enu, na posa enu, na bingi enu, na bodingoa bonu. Onejaini bo oditini nongo na lindo.

Bakɔlɔsai 1:11

Yɛ ngulu ende yena enɔi, epingejae no na ngulu esusu, bo ohɔneni mijɔ misusu na lingbangba, na eci, na sepi pongono.

Bakɔlɔsai 1:24

Mhi nasepaka e dɛye a mojɔ mominɔngɔ minɛkɛ mbi a kombe enu. Masiya adingoaka a mini mimbi a mojɔ momokuku monde, oko Denga dinde; na mbi napalaka bo nabwanejae libondo limadingoa mamina.

1 Batɛsalɔnike 3:7

A mojɔ momina baninga, nongo adi so na minɔngɔ na jɔɔlɔ so bɛnɛ, ejimeli enu esejai mokakwano mosu a mojɔ monu.

1 Batɛsalɔnike 5:14

Iso bongɔɔnɔkɔ no baninga bo oleheni baya balaboaka; pingejani milema Mibato baya bangwai; mbilimeja ba yɛmbu; dani na lingbangba ai bato basusu.

1 Timoteo 2:15

Endele ko, mwali adi bohela na bohota, akayeyoa na ejimeli, na epaeli, na bosɛnɔ, na yongi.

1 Timoteo 4:6

Okalɛjɛ baninga ngando jimina, ôda mokɔmɛli mopele oMasiya Yesu yona obeki na bikenge biejimeli, na bokoja bopele boma wɛ sɔ.

1 Timoteo 6:11

Wɛ ko, moto oNjambe, toma bulɛ ngando jimina. Dala a njea ebodongo, na yongi epele, na epaeli, na lingbangba, na bombɔki.

2 Timoteo 1:8

A mojɔ momina, obwaniti boda na sɔni a botata tati ai Kumu osu, isa a mojɔ mombi lisungu linde. Asɔ ko libondo limonɔngɔ mosɔkɔ mbi a mojɔ moMwako Mopele, o apaka Njambe wɛ ngulu.

2 Timoteo 2:24

Mokɔmɛli ko oKumu abwaniti bonoana moano; adi boda na molema mo yɛmbu ai bato basusu, na bɛtɛ ebokoja, moto olingbangba.

2 Timoteo 4:5

Wɛ ko, sabekea bihole bisusu. Da na eci a tei ebodingoa. Kɔ elomu emotɔndɔi oMwako Mopele. Kɔ ngando jisusu jia jicingi na elomu ewɛ.

Baebele 12:1

Lindundu linɛnɛ libatati lihikaka so. A mojɔ momina, bopele bo bodumbe mina misusu mitombaka so, na bobe bua bobindanejaka so, bo bopote na lingbangba a njea yena edi a boso bosu.

Boboloja 1:9

Mbi Yoane, mwangwa’nu yona okatani na nu a tei eminɔngɔ, na a bokumu, na a eci yena edi a tei eMasiya; mbi nadaka a mosanga mua modi na kombe Patemo, a mojɔ moEbaeli eNjambe, na a mojɔ motati eYesu.

Boboloja 3:10

Ehole ebomeka ekɛkɛ adoe a ngondo esusu a bomeka bato bangondo. Mbi ko nadi bobanea wɛ a ehole emina, mojɔ bo obanea ebaeli embi na lingbangba.