2 Bakolinto 5:15 - Nouveau Testament en Ngombe 1961

¹⁵ Na yo agwea bato basusu bo mihelo mibato baya badi mɔ, mitaya da ai bo bɛnɛ, oko ai yona obagwea, yona ongɔ koko a bogwa a mojɔ mobu.

2 Bakolinto 5:15 ပူးပေါင်းရင်းမြစ်များ

Luka 1:74

Bo, bokahela a mɔmɔ masoki jisu,

Yoane 5:24

Mbi natɔndɔkɔ no na soti bo, Yona ohokeaka ebaeli embi, na ojimaka yona olomani, adi na bomɔ bua bodi na bosusu. Iyo atada nongo na esambi, mojɔ bo aheli a hogwa, na akwei a bomɔ.

Yoane 6:57

Sango obomɔ aloma mbi, na bomɔ bombi bodi a tei ende. Oko boa yona oyakaka mbi âda na bomɔ oko a mojɔ mombi.

Baloma 12:1

Baninga, mbi nangɔɔnɔkɔ no oko na monganji moNjambe bo opejaeni mikuku minu ai Njambe, epeeli yena edi mɔ na esɛnɔke a bosepeja Njambe. Bosakoa bua bobwani na nu oko bu.

Baloma 4:25

oko Yesu yona ogwa a mojɔ mojibe jisu, na angɔ a bogwa a bolongeja so.

Baloma 6:2

Pɛpɛ nongo mweka. Iso bogwi a bobe; oko boa bobwaniti boda koko a tei ebobe.

Baloma 6:6

Bojebaka bo moto osu moyou abakeama na nde a mole-mo-bokea, bo mokuku mobobe mogwɛ, na a bocingoa so a libuli libobe.

Baloma 8:10

Masiya ko akada a tei enu, miembo minu midi mɔ a mojɔ mobodongo, nongo adi mokuku eka ego a mojɔ mobobe.

Baloma 8:2

Mojɔ bo mobeko moMwembo mosikoa mbi a mobeko mobobe na mobogwa.

Baloma 8:6

Molema momoto mokasusa njea emunu, suka edi oko bogwa; molema ko mokasusa njea eMwembo, njea emina edi njea ebomɔ na bowi.

1 Bakolinto 10:33

Mbi mɛnɛ nakengaka bosepeja bato basusu na ngando jisusu jikɔkɔ mbi, bo bahele; te nakɔke a mojɔ mombi mɛnɛ, oko a mojɔ mobato batongo banɛnɛ.

2 Bakolinto 12:10

Oko boa, nasepaka na boyɛmbu, na biloli, na minɔngɔ, na madingoa, na jɔɔlɔ, a mojɔ moMasiya. Mojɔ bo, ehole edi mbi na bwɛmbu, ehole edi mbi na ngulu oko yena.

2 Bakolinto 3:6

yona obɔngeja so bo bodae bakɔmɛli baMokongo Moyene, bakɔmɛli baMwembo, te nongo bakɔmɛli babi-kenge bia bisɔnɔmɔ; mojɔ bo, mibeko mia misɔnɔmɔ miwaka oko bowa; Mwembo ko mopaka bomɔ.

2 Bakolinto 5:16

A mojɔ momina, iso botajeba koko moto a mokuku pɛ. Bojeba Masiya a mokuku boso; edɛye ko botamojebaka koko boa.

Bagalata 5:25

Isa bohelaka a mojɔ moMwembo, bobwani bosuma Mwembo pongono.

Baɛpɛsɔ 4:17

Ebaeli embi, na eleho embi ai no a kombe eKumu, edi bo otadani koko na mida Mibapakano baya basumaka mabunga mamilema Mibu.

Baɛpɛsɔ 5:14

A mojɔ momina, abala bo, Wɛ yona ohwɛi hiɔ, sisoa! Angɔ a bogwa, Na Masiya âpa wɛ bohu.

Bakɔlɔsai 2:12

na opuseamani na nde a batisimo, na ongɔni koko a bogwa oko na nde, a mojɔ moejimeli a ngulu eNjambe yona omongɔjɔ a bogwa.

Bakɔlɔsai 3:1

Ino, isa ongɔini na Masiya a bogwa, dukani ngando jidiko, a esika edi Masiya a ebɔ ebami eNjambe.

Bakɔlɔsai 3:17

Okakɔni mokina mojɔ, isa bobala, isa elomu, kɔni ngando jisusu a kombe eKumu Yesu, na sakoani Njambe Sango a kombe ende.

Bakɔlɔsai 3:23

Kɔni bilomu binu bisusu na bingi, o bakɔmɛli baKumu, te bakɔmɛli babato.

1 Batɛsalɔnike 5:10

Yesu Masiya agwea so bo bodae na nde, isa a bogwa isa a bomɔ.

Tito 2:14

yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

1 Pɛtɛlo 4:6

Mojɔ bo bagwake pongono baka Mwako Mopele oko a mojɔ momina, bo bahele a njea emwembo o adi Njambe, nongo asambama bo o bato a njea emokuku.

1 Yoane 4:9

Ngɛnjɔ eNjambe eboloa a tei esu oko na mojɔ mu, bo Njambe aloma mwana’nde obotama omɔci a ngondo, bo so bohele a mojɔ monde.

Boboloja 1:18

Mbi nagwa; e dɛye ko nadi mɔ oko na bosusu, na napeli sabe jibogwa na jiesika ebagwake.