2 Bakolinto 5:11 - Nouveau Testament en Ngombe 1961

¹¹ Iso bokengaka bojimeja bato, mojɔ bo bonjaka Kumu oko na bɔ. Iso bɛnɛ bodi a bohu a miso maNjambe. Nadi koko na njingo bo ekɔmɛli esu edi bohu a Inilema minu.

2 Bakolinto 5:11 ပူးပေါင်းရင်းမြစ်များ

Matayo 10:28

Yeni bobanga baya bawaka mokuku, mojɔ bo te bahɔnɔke bowa mwembo. Odini bobanga oko yona odi na ngulu a bowa mokuku na mwembo pongono a Gehena.

Matayo 25:46

Bato bamina badi bokɛ oko a bodingoa bua bopeliti nongo suka. Bato balilonga ko badi bokɛ oko a bomɔ, oko na bosusu.

Luka 12:5

Mbi ko nadi boneja no yona obwani na nu a bobanga; okina adi, na yo akawa, adi na ngulu a bodumba no a Gehena; mohangani yo. Ee, mbi natɔndɔkɔ no bo, Mobangani yo.

Luka 16:31

Abalayama abala na nde bo, Bamiti hokea Mose na batɔndɔi, batajima, nongo okina obagwake akangɔ.

Bikɔmɛli 13:43

Na yana anangana likita, bakina BaYuda banɛnɛ, na bato banɛnɛ baya bama hekoa a ejimeli eBaYuda, bacingama na Paulo na Balanaba. Ibo babala na bu, na babaleha bo bayeyoe a monganji moNjambe.

Bikɔmɛli 18:13

Babala bo, Moto yoyo alabojaka bato bo basakoe Njambe na njea yena ebɔngiti na Mibeko.

Bikɔmɛli 18:4

Paulo apa bileho a smagoge a masu maSabata masusu, a bojimeja BaYuda na BaEla pongono.

Bikɔmɛli 19:26

Edɛye ko onɛkɛni na okakani bo yo Paulo alɛngi na alabojai bato banɛnɛ, iya a Ɛpɛsɔ, na a bisika bitongo biAsia pongono. Iyo akojaka bo banjambe baluaka bato na mɔmɔ baditi banjambe basoti.

Bikɔmɛli 26:26

Kumu Agulipa ajebaka ngando jimina, na mbi nabalaka na nde a bohu. Ngando jimina jiikɔmɔ a libombi na mbi nalɛkɛ bo ajebaka jisusu.

Bikɔmɛli 28:23

Bahɔ bokina busa, na bato badoa banɛnɛ a ndako ePaulo. Iyo abanga bobakoja ehuma, na ahakoja oko a ehole emɔkɔ. Abatɔndɔ mwako moBokumu boNjambe. Abaleha na Mibeko miMose na mikanda mibatɔndɔi, na akenga bohekoja milema mihu ai Yesu.

2 Bakolinto 2:17

Iso botakɔkɔ bwasa na Ebaeli eNjambe, o akɔkɔ bakina. Bodi bato basoti, baya basɔ elomu emina ai Njambe. Bobalaka a boso boNjambe na a tei eMasiya.

2 Bakolinto 5:20

Oko boa so bodi babwɛnji baMasiya. Njambe alehaka no na ebaeli esu, na so bongɔɔnɔkɔ no a kombe eMasiya bo ojimeni mokongo moNjambe.

2 Bakolinto 6:1

Akɔkɔ so elomu na Njambe yo mɛnɛ, bongɔɔnɔkɔ no bo otasɔni monganji moNjambe esɔ’sɔ.

Bagalata 1:10

Edukaka mbi e dɛye nde? —gala epele a miso mabato, isa a miso maNjambe? Mbi napalaka bo nasepejae bato soti? Akɔki mbi pala bosepeja bato pɛ, ka naditi nongo mokɔmɛli oMasiya.

Baɛpɛsɔ 5:21

Sumanani moto na moto oko na lisuma ai Masiya.

Baebele 10:31

Modi mojɔ mobɔ bonɛnɛ a bokwa a mɔmɔ maNjambe obomɔ.

Baebele 12:29

Mojɔ bo Njambe osu adi mosa mɛnɛ mua mosiejaka oko bosieja.

Yuda 1:23

Helejani batongo, bagbulani a mosa. A mojɔ mobatongo, kinani wa enu ai bo edae na bɔ, na gbeseani bisenja bibu bia bibehi na munu.

Boboloja 20:15

Isa kombe emoto eiboloa, pɛ bosɔnɔmɔ a mokanda mobomɔ, moto omina adumbama a libale limosa.