2 Bakolinto 4:5 - Nouveau Testament en Ngombe 1961

⁵ Iso botɔndɔkɔ Mwako Mopele moYesu Masiya, bo yo adi Kumu, te nongo mijɔ misu bɛnɛ. Iso bɛnɛ bodi oko bakɔmɛli banu a kombe eYesu.

2 Bakolinto 4:5 ပူးပေါင်းရင်းမြစ်များ

Matayo 23:8

Ino ko, t’ojimeni oko bo bato babee no na kombe Labi; mojɔ bo mokoja onu adi, na odini baninga no bɛnɛ.

Matayo 3:11

Mbi nabatisaka no a madiba cina ebohekoja bomilema; yo ko yona okɛkɛ adoe ngɔngɔ jimbi anɔi mbi na ngulu. Mbi nabɔngiti bo natombe sapata jinde. Iyo âbatisa no a Mwembo Mosɛnɔke na a mosa.

Yoane 7:18

Yona okojaka na kpaci ende mɛnɛ apalaka bo asakumejae. Yona ko opalaka bo akumejae yona omoloma, yo adi moto osoti, na bokosea boditi a tei ende.

Bikɔmɛli 10:36

Njambe aloma bwɛnji bonde ai bana baYisalaele, oko Mwako Mopele mobowi, na Yesu Masiya yona odi Kumu obato basusu.

Bikɔmɛli 2:36

Oko boa, bato basusu badenga diYisalaele babwani bojeba bo Njambe abakea Yesu bo adae Kumu na Masiya, oko yona owa ’no a mole-mobokea.

Bikɔmɛli 5:31

Njambe ko amokumeja a ebɔ ende ebami, Kumu na Moheleja, a mojɔ mobohekoja milema miYisalaele na boyɛ jibe jibu.

1 Bakolinto 1:23

Iso ko botɔndɔkɔ Mwako moMasiya yona ogwa a mole-mobokea. Mojɔ momina modi oko libaku ai BaYuda, na yebe ai BaEla.

1 Bakolinto 10:33

Mbi mɛnɛ nakengaka bosepeja bato basusu na ngando jisusu jikɔkɔ mbi, bo bahele; te nakɔke a mojɔ mombi mɛnɛ, oko a mojɔ mobato batongo banɛnɛ.

1 Bakolinto 12:3

A mojɔ momina, napalaka bo ocingeeni bo Mwembo moNjambe mokabaleja moto, moto omina atahɔnɔ bosinga Yesu. Na moto amiti da na Mwembo Mosɛnɔke, atahɔnɔ bobala bo Yesu adi Kumu.

1 Bakolinto 15:47

Moto oboso ahula a kpɔtɔ, moto onase. Moto obabae ahula oho Diko.

1 Bakolinto 2:2

Mbi najima na molema mombi mosusu bo mtajeba mokina mojɔ motongo a tei enu, oko Yesu Masiya pɛ yona ogwa a mole-mobokea.

1 Bakolinto 4:15

Nongo okadani na bakoja koto domi a tei eMasiya, sangwa’nu adi oko omɔci pɛ. Mojɔ bo mbi nabota no na Mwako Mopele a tei eMasiya.

1 Bakolinto 8:6

ai so ko, Njambe adi oko omɔci pɛ, oko Njambe Sango. Leka losusu lohulaka ai yo, na so bodi oko ai yo. Na Kumu adi oko omɔci pɛ, oko Yesu Masiya. Leka losusu lodi a mojɔ monde, na so bodi a mojɔ monde.

2 Bakolinto 1:19

Iso na Silwano na Timoteo botɔndɔ no oko mwako moMwana ’Njambe, Yesu Masiya. Iyo aditi Ee na Pɛpɛ; a tei ende edi oko Eɛ.

2 Bakolinto 1:24

Iso ko boditi nongo bakumu baejimeli enu; bokɔkɔ elomu na nu bo odaeni na sepi, mojɔ bo odini bambilimake a ejimeli enu.

Bagalata 5:13

Baninga, obeamani bo odaeni na bosɔmi; endele ko, pɛ boji-mani bo bosɔmi bonu bopɛ no mokalo a bosuma posa jimokuku. Moto na moto adi bokɔmɛ mina’nde oko na epaeli.

Bafilipoi 1:15

Bakina batɔndɔkɔ mwako moMasiya oko na likaka na misoo, batongo ko batɔndɔkɔ na milema mipele.

Bafilipoi 2:11

na bo minɔkɔ nususu mijime bo Yesu Masiya adi Kumu, a mojɔ moekumu eNjambe Sango.

2 Timoteo 2:10

Na mbi nahɔnɔkɔ ngando ji jisusu a mojɔ moBahɔmɔke, ho ’bo pongono basɛ mohelo mua modi ai Masiya Yesu, na ekumu yena edi na hosusu.

Tito 1:11

Bato bamina babwani bogboka mojɔ bo babejaka milema mimenga manɛnɛ, na bakojaka ngando jia jibɔngiti nongo mweka, oko na njingo elikonja pɛ.

Mokanda Momibae Mosɔnɔ Pɛtɛlo - 2PE 2:3

Bwasa bobu a tei enu bôda oko bikenge bibo-kosea, cina eposa elikonja. Mokindo ko mobato bamina mokoleama eyou, na likundu libu libwɛhti.